SunnudagsMogginn - 05.12.2010, Qupperneq 47

5. desember 2010 47
Margir eru mjög hefðbundnir varðandi þær jólasmákök-
ur sem þeir baka og borða fyrir jólin. Vilja ekkert nema
það sem mamma eða amma bakaði alltaf og fussa yfir
einhverju nýju. Persónulega tel ég skemmtilegt að
prófa eitthvað nýtt líka svona til að hafa með þessum
gömlu og góðu. Það er til svo ótal mikið af gúmmulaði
sem gott er að nota í smákökurnar, alls konar súkku-
laði, hnetusmjör og úrval af hnetum. Verið líka ófeimin
við að prófa ykkur áfram og bæta við uppskriftir og laga
að ykkar smekk. Sköpunargáfan er það sem gildir, líka
í smákökubakstrinum!
Alls konar gúmmulaði
Hnetur og þurrkaðir ávextir eru tilvaldar í baksturinn.
Morgunblaðið/Kristinn
Á haftaárunum svokölluðu, á
árunum 1930 til 1960 þurftu
húsmæður að vera útsjón-
arsamar fyrir jólin. Sykur var
skammtaður svo og fleira hrá-
efni sem þurfti í baksturinn og
því varð að huga að því fyr-
irfram að eiga nóg til. Ástand-
ið varð sérstaklega slæmt eft-
ir seinna stríð en þá var mjög
lítið til í verslunum. Algengt
var að konur söfnuðu saman
skömmtunarmiðum fyrir sykur
til að nóg væri til í jólabakst-
urinn. Eða að þær spöruðu við sig sykurinn út í kaffið. Í
dagblöðum var reynt að koma með hugmyndir að syk-
urlitlum uppskriftum og birta uppskriftir bæði að lítt
sykruðum kökum og kartöfluvínarbrauði. Þá voru sann-
arlega aðrir tímar en nú til dags og fólk kannski ekki
vant jafn miklum sætindum og nú. Í dag má segja að
eiginlega sé til of mikið af sykri og margir nota nú gjarn-
an önnur sætuefni í baksturinn til að draga úr sykr-
inum. Enda er of mikil sykurneysla ekki talin æskileg
fyrir líkamann en allt er jú gott í hófi.
Blessaður sykurinn
Þakkað var fyrir syk-
urinn áður fyrr.
Morgunblaðið/Ernir
Á flestum heimilum landsins tíðkast að
baka nokkrar góðar smákökusortir fyrir
jólin. Ilmurinn tilheyrir aðventunni og
jólunum eins og lyktin af mandarínum
og negul, greni og öllu slíku sem við
setjum upp og skreytum með fyrir jólin.
Nú er tíminn til að njóta alls þess sem
jólin hafa í för með sér.
Tilvaldar gjafir
Í desember þarf ekki að óttast komu
óvæntra gesta því þann mánuðinn er
nóg til af bakkelsi með kaffinu og um
að gera að láta gestina smakka á
kræsingunum. Á sunnudögum á að-
ventu er líka gaman að hóa saman fjöl-
skyldu og vinum og hafa það notalegt
saman. Borða smákökur með heitu
kakói og mjólk, spjalla og spila. Svo er
ósköp gott að eiga smákökur til að
maula á kvöldin eða jafnvel bara með
morgunkaffinu áður en haldið er í vinn-
una. Ekki amaleg byrjun á deginum
það! Smákökur eru líka tilvalin jólagjöf,
sérstaklega frá yngri kynslóðinni til
ömmu og afa eða annarra ættingja.
Fátt er krúttlegra í jólapakkann en
heimabakaðar og skreyttar piparkökur
eða konfekt sem fjölskyldan hefur gert
saman. Það getur líka verið sniðugt að
skreyta jólapakka með fallega skreytt-
um piparkökum og gera þá þannig enn
persónulegri.
Smákökur í
jólapakkann
Piparkökur eru tilvaldar sem jólagjöf frá yngstu kynslóðinni.
Morgunblaðið/Jóra
Lífsstíll
Þ
á er kominn desember og það þýðir bara eitt.
Smákökuskrímslið innra með okkur vaknar af
værum blundi og hleypur um í sykruðu
ánægjukasti. Alls staðar er otað að manni smá-
kökum, þessar eru sko nýjar, ekki sama uppskriftin í
fyrra og svo þessi sem Sigga gaf uppskriftina að í sauma-
klúbbnum … Já þú verður bara að
prófa þær líka! Þannig líður desember
í dásamlegri smákökualsælu þar til við
erum orðin stútfull af súkkulaði,
hnetum, marspiani og hnetusmjöri. Í
raun hverju því sem manni dettur í
hug að baka úr. Húsmæður eru
kannski ekki lengur í jafn harðri sam-
keppni og hér áður fyrr þegar ekkert
undir 20 sortum eða svo þótti fínt. Það
baka nú fæstir svo margar tegundir í
dag en leggja engu að síður alúð við
smákökubaksturinn. Baksturinn er
líka ekki lengur eingöngu á ábyrgð
kvenna heldur hafa strákarnir einnig
tekið upp bökunarkeflið og eru margir
alveg jafn duglegir við að vekja smákökuskrímslið.
Ég verð að játa að enn sem komið er fer lítið fyrir smá-
kökubakstri á mínu heimili. Af þessum ástæðum lenti ég
næstum því í slag eitt sinn við ungan mann sem tjáði
mér að ég væri ekki almennileg kona sökum þessa. En
hvað um það. Mér finnst samt sem áður mjög gaman að
baka og lauma mér gjarnan í eldhúsið hjá mömmu þeg-
ar hún byrjar að baka. Þá get ég kannski aðstoðað hana
smá en aðallega smakkað smákökurnar þegar þær koma
rjúkandi heitar úr ofninum. Það skal tekið fram hér að
ég gerði einu sinni tilraun á spesíunum hennar mömmu
með ensku smjöri. Sá bakstur gekk álíka illa og bollu-
dagsbollurnar með sama hráefni.
Hins vegar tókst mér ágætlega að
baka ensk mince pies einu sinni. Það
tók reyndar hálfan dag og svimandi
háan rafmagnsreikning þar sem
kveikt var á ofninum allan tímann að
íslenskum sið. Útkoman var að engu
síður mjög góð, þó að ég segi sjálf frá.
Einn sunnudag snemma á aðventu
er svo orðin hefð fyrir því að mamma
smali okkur systkinum út úr bænum
til að baka saman piparkökur. Þá
spilum við jólalög, gjarnan með glitr-
andi hreindýrahorn eða jólasveina-
húfu á höfði, drekkum jólaöl og hlæj-
um hvert að öðru fyrir að búa til allt
of þykkar, klunnalegar eða fyndnar piparkökur. Þessi
notalega stund kemur manni alltaf í jólaskapið og gefur
manni tækifæri á að verða tíu ára aftur. Tíu ára barn
sem þráir ekkert meira en að ná upp í efstu hilluna og
klára úr kökuboxinu sem þar bíður ilmandi og lokk-
andi.
Smáköku
alsæla
Þá er komið að hinu árlega
smákökuæði! Smákökurnar
fylla nú hvern munn og maga og
um að gera að njóta þess.
María Ólafsdóttir
maria@mbl.is
Morgunblaðið/Sverrir
’
Þannig líður
desember í
dásamlegri smá-
kökualsælu þar til við
erum orðin stútfull af
súkkulaði, hnetum,
marspiani og hnetu-
smjöri. Í raun hverju
því sem manni dettur í
hug að baka úr.