Morgunblaðið - 18.03.2010, Blaðsíða 9

MORGUNBLAÐIÐ FIMMTUDAGUR 18. MARS 2010
Laugavegi 82,
á horni Barónsstígs
sími 551 4473
Nýjar vörur
Str. 38-56
Nýtt kortatímabil
Opið mán.-fös. kl. 11-18 - lau. 10-16
www.feminin.is • feminin@feminin.is
Bæjarlind 4, Kópavogi • sími 544 2222
Nýjar vörur
frá
kjólar, buxur,
bolir og tunikur
Laugavegi 63 • S: 551 4422
Nýkomnar, léttar stutt-
kápur frá Fuchs-Schmitt
Borgartún 31 • 105 Reykjavík • www.fjarfesting.is
fjarfesting@fjarfesting.is
Óskar Þór Hilmarsson, löggiltur fasteignasali
Opið mán.-fös. kl. 9-17
TIL LEIGU
Vegmúli 2 - Reykjavík
Til leigu skrifstofu- og verslunarhúsnæði við Vegmúla 2 í Reykjavík, þar sem
SPRON var til húsa. Húsið er allt nýinnréttað á glæsilegan hátt. Frábært útsýni.
Ýmsar stærðir í boði t.d. 129 fm og 140 fm. Jarðhæð tilvalin fyrir hárgreiðslu-
eða snyrtistofu.
Nánari upplýsingar veita Gunnar í síma
693-7310 eða Hilmar í síma 896-8750.
BORGARSTJÓRN Reykjavíkur
samþykkti á fundi sínum í fyrradag
að Reykjavíkurborg yrði einu sinni
á ári sérstakur vettvangur fyrir ís-
lenska hestinn undir yfirskriftinni
„Hestadagar í Reykjavík“. Fyrsti
viðburðurinn verður í mars 2011 og
verður svo haldinn árlega.
Marsmánuður varð meðal annars
fyrir valinu af þeirri ástæðu að þá
eru flest hross í húsi og þjálfun.
Skólarnir í borginni eru starfandi á
þessum tíma og því góður tími til að
kynna hestinn fyrir nemendum.
Þess má geta að marsmánuður er
utan hefðbundins ferðamannatíma
og því hagsmunir fyrir ferðaþjón-
ustuna að draga til sín ferðamenn í
tengslum við íslenska hestinn.
Morgunblaðið/Árni Sæberg
Hestadagar
Í dag, fimmtudag, verður minnst
250 ára afmælis Landlæknisemb-
ættisins. Í tilefni afmælisins verður
efnt til hátíðardagskrár sem fram
fer í hátíðarsal Háskóla Íslands og
stendur frá 13:00-17:30.
Að loknum tónlistarflutningi í
upphafi dagskrár setur heilbrigðis-
ráðherra samkomuna með ávarpi,
en meginuppistaða hátíðardag-
skrárinnar eru fimm erindi fræði-
manna um ýmsa þætti í sögu emb-
ættisins frá öndverðu til þessa
dags. Að erindunum loknum flytur
Ólafur Ólafsson, fyrrverandi land-
læknir, afmæliskveðju en að því
loknu slítur Geir Gunnlaugsson
landlæknir samkomunni.
Landlæknisembættið 250 ára
SJÁVARÚTVEGS- og landbún-
aðarráðuneytið hefur gert sam-
komulag við Matís ohf. um að Matís
vinni greiningu á nýtingar- og gæða-
málum smábátaútgerðarmanna í
samvinnu við Landssamband smá-
bátaeigenda. Markmiðið er að komið
sé með allan afla að landi og að ná
fram hámarksnýtingu og gæðum
hráefnisins að öðru leyti. Allar
greinar smábátaútgerðanna verða
með í þessari úttekt. Fjallað verður
um grásleppuveiðar jafnt sem línu-
veiðar afkastamikilla hraðfiskibáta.
Matís birti líka nýlega skýrslu um
nýtingu sjávarafla og er nú verið að
skipuleggja eftirfylgni með þeim at-
riðum sem þar komu fram.
Rannsókn smábáta
Eftir Baldur Arnarson
baldura@mbl.is
„ÞETTA eru óformlegir fundir á
milli þingflokksformanna um að
kanna hvort við getum fundið sam-
vinnuflöt á málum sem styrkja þing-
ræðið og hvort það geti ekki verið
betri bragur, meiri samstaða, á þing-
haldinu. Við viljum finna út hvaða
málum okkur finnst mikilvægast að
vinna saman að,“ segir Birgitta
Jónsdóttir, þingmaður Hreyfingar-
innar, um viðræður um leiðir til auk-
innar samstöðu á Alþingi.
– Þú minnist á brag þingsins.
Hvað kallar á betrumbætur?
„Það eru þessar skotgrafir á
þingi. Almenningur fékk nett áfall
eftir Silfur Egils [sunnudaginn 7.
mars] eftir þjóðaratkvæðagreiðsl-
una. Það er svo mikilvægt að við
þingmenn hífum okkur upp fyrir
þessa hefðbundnu takta inni á
þinginu og vinnum að málefnum út
frá ástandinu sem við búum við.“
– Í hvaða málum?
„Við erum ekki búin að fara efnis-
lega í málin heldur tókum stuttan,
óformlegan fund til að sjá hvort það
væri forsenda fyrir því. Fólk er mjög
jákvætt og samvinnufúst.“
– Þú minnist á skotgrafir. Er
raunhæft að hægt verði að leggja
mál á borð við Icesave til hliðar?
„Við erum í samvinnuferli með
það mál, þverpólitísku samvinnu-
ferli. Ég lagði til að við ýttum til
hliðar málum sem mikil sundrung er
um og skoðuðum frekar þau mál
sem við getum komið okkur saman
um að eru mikilvæg.“
Innt eftir dagskrá þingsins segir
Ásta R. Jóhannesdóttir þingforseti
að þingfundir hefjist að nýju 22.
mars og standi út vikuna til og með
25. mars. Þingið fari þá í frí til 12.
apríl og starfi svo skv. samþykktri
starfsáætlun til 4. júní. Þingfundir
falli venju skv. niður í vikunni fyrir
sveitarstjórnarkosningarnar 29.
maí. Ekki sé gert ráð fyrir hléum
vegna birtingar skýrslu Rann-
sóknarnefndar Alþingis.
Þingið sameinist um
brýn úrlausnarefni
Hreyfingin vill
hefja þingið upp
úr skotgröfum
Ásta R.
Jóhannesdóttir
Birgitta
Jónsdóttir
Rangt föðurnafn
Í frétt í miðvikudagsblaðinu um
skattalagabrot var ekki farið rétt
með föðurnafn Stefáns Skjald-
arsonar skattrannsóknarstjóra.
Beðist er velvirðingar á þessum mis-
tökum.
LEIÐRÉTT