Morgunblaðið - 18.03.2010, Blaðsíða 18

18 FréttirERLENT
MORGUNBLAÐIÐ FIMMTUDAGUR 18. MARS 2010
MARGIR hundeigendur kannast við þann vanda að
gæludýrið er ekki alltaf hrifið af því að fara í bað. En nú
hefur japanskt fyrirtæki hafið framleiðslu á þvottavél
sem fullyrt er að nota megi til að þvo bæði hunda og
ketti, segir í frétt Jyllandsposten.
Framleiðendur staðhæfa að vélin geti ekki gert dýr-
inu nokkurn skaða. Vatnið getur ekki orðið meira en 35
gráðu heitt, þvotturinn tekur 35 mínútur. Dýraverslunin
Dog World í Tókýó er þegar búin að festa kaup á vél.
„Ég prófaði hana fyrst sjálf til að vera viss um að hún
væri þægileg og örugg fyrir dýrið,“ sagði Ayana Tada
sem vinnur hjá Dog World. Ekki kemur skýrt fram í fréttinni hvort starfs-
maðurinn hætti eigin lífi og fór sjálfur í vélina.
Vélin kostar aðeins 10 dollara eða tæpar 1.300 krónur. Aðeins hafa verið
framleiddar 10 vélar til þessa en fyrirtækið segir markaðinn stóran.
Hundar og kettir þvegnir í vél
Tárhreinn!
FÓLK sem leggur sig fram um að
haga sér rétt, séð með augum um-
hverfisverndarsinna, og bjarga
plánetunni með því að forðast of-
neyslu og mengandi lífshætti virðist
oft hneigjast til þess að bæta sér upp
fórnirnar með því að drýgja aðrar
syndir, segir í grein í Guardian.
Þannig fólk sé t.d. vont við annað
fólk, steli og svindli.
Vitnað er í grein í ritinu Psycho-
logical Science eftir tvo kanadíska
sálfræðinga, Ninu Mazar og Chen-
Bo Zhong, sem hafa rannsakað mál-
ið með tilraunum og segja niður-
stöðurnar hafa komið sér mjög á
óvart. „Góð hegðun getur í kjölfar
slíkrar hegðunar orðið heimild til að
haga sér andfélagslega og á siðlaus-
an hátt,“ segir í grein þeirra.
Rannsóknin leiddi í ljós að þeir
sem keyptu svonefnda „græna“
framleiðslu voru síður reiðubúnir að
deila tiltekinni fjárhæð með öðrum
en þeir sem keyptu venjulega fram-
leiðslu. Þegar fyrrnefnda fólkið
fékk tækifæri til að auðgast með því
að svindla í tölvuleik nýtti það tæki-
færið og nýtti einnig tækifæri til að
ljúga sig frá svindlinu. Hinir féllu
ekki fyrir freistingunni. kjon@mbl.is
Græn en alls ekki
endilega væn
STUÐNINGSMENN stjórnarandstæðinga í Mið-Asíu-
lýðveldinu Kirgisistan mótmæla versnandi kjörum á
útifundi í höfuðborginni Bishkek í gær. Bæði Rússland
og Bandaríkin hafa nú herstöðvar í Kirgisistan sem var
eitt Sovétlýðveldanna í stjórnartíð kommúnista. Það
hlaut fullt sjálfstæði þegar Sovétríkin leystust upp árið
1991en lýðræðið stendur þar ekki traustum fótum og
fátækt er mikil meðal almennings.
Reuters
Kirgisar ósáttir við versnandi lífskjör
Á útifundi í Bishkek
Eftir Kristján Jónsson
kjon@mbl.is
ÍRAR hafa efnt til samkeppni um
tillögur að nýjum viðskipta-
hugmyndum sem leitt geti af sér
ný störf, fært þjóðinni aftur „vel-
líðunartilfinninguna“ og beint
henni á rétta braut, segir í frétt
BBC.
„Þetta snýst um að finna nýjar
leiðir til að vinna og hugsa, leiðir
sem munu skapa atvinnu í erfiðu
efnahagsumhverfi,“ segir Shona
O’Neill, sem stýrir framtakinu er
nefnist Your Country, Your Call.
Þegar hafa borist um 3.000 til-
lögur inn á vefsíðuna þar sem
hægt er að leggja fram Stóru
hugmyndina, An Smaoineamh
Mor, eins og hugtakið er nefnt á
gelísku.
Orka úr kúahlandi?
Fjölbreytnin er mikil, sumar
tillögunar eru frumlegar, aðrar
svolítið meira en frumlegar. Einn
vill að allt Írland verði gert að
einum, risastórum skemmtigarði.
Aðrir eru hófsamari, einn vill t.d.
reisa margar vindmyllur, annar
vill að hland úr nautgripum verði
notað til að framleiða orku.
Hugmyndin að samkeppninni
er komin frá Martin McAleese,
eiginmanni Mary McAleese for-
seta og hlaut fjárstyrk frá stjórn-
völdum í Dublin. Ýmis fyrirtæki
hafa hlaupið undir bagga og stutt
málið með peningum og annarri
hjálp.
Keppninni lýkur í apríl en
vinningshafar verða valdir í
september. Tvær hugmyndir
verða verðlaunaðar og fær hvor
vinningshafi 100 þúsund evrur,
um 17 milljónir króna, en einnig
500 þúsund evrur til að þróa hug-
myndina betur.
Nú skal öllum
bölmóðnum
loks vísað á dyr
 Írar beðnir um tillögur sem færi
fólki aftur „vellíðunartilfinninguna“
Mary McAleese Martin McAleese
Í HNOTSKURN
»Írland hefur verið sjálf-stætt lýðveldi frá 1949,
íbúarnir eru um 4,5 milljónir.
»Norður-Írland er hins veg-ar hérað í Breska kon-
ungsríkinu, íbúarnir eru um
1,8 milljónir.
–– Meira fyrir lesendur
PANTAÐU AUGLÝSINGAPLÁSS
Katrín Theódórsdóttir
Sími: 569 1105
kata@mbl.is
Morgunblaðið gefur út sérblað
tileinkað páskahátíðinni farið verður
um víðan völl og komið inn á við-
burði páskahelgarinnar.
Girnilegar uppskriftir af veislumat
og öðru gómsætum réttum ásamt
páskaskreytingum, páskeggjum,
ferðalögum og fleira.
MEÐAL EFNIS:
Páskamatur
Sælkerauppskriftir
Páskaskreytingar
Ferðir innanlands
Skíðaferðir
Viðburðir um páskana
Börn og páskar
Páskegg.
Ásamt fullt af
fróðleiksmolum og
spennandi efni
Pás
kab
laði
ð
NÁNARI UPPLÝSINGAR GEFUR:
Páskablaðið
PÖNTUNARTÍMI AUGLÝSINGA:
Fyrir kl. 16, mánudaginn 22. mars.
Bröns með öllu
að hætti Jóa Fel
-þarf að panta með dags fyrirvara