Morgunblaðið - 18.03.2010, Blaðsíða 6

6 FréttirINNLENT
MORGUNBLAÐIÐ FIMMTUDAGUR 18. MARS 2010
FRÉTTASKÝRING
Eftir Rúnar Pálmason
runarp@mbl.is
ÞÓTT það hafi ekki verið nein sér-
stök hlýindi í vetur hefur hiti verið
yfir meðallagi og janúar, fyrri hluti
febrúar og mars hafa verið óvenju
snjóléttir, að sögn Trausta Jóns-
sonar, veðurfræðings á Veðurstofu
Íslands. Víðast á hálendinu er því
afar snjólétt, sem veldur göngu-
skíðamönnum miklum erfiðleikum.
Í Morgunblaðinu í gær sagði Ein-
ar Stefánsson, Everest-fari með
meiru, frá gönguskíðaferð sem
hann varð að stytta verulega sökum
snjóleysis. Á Hveravöllum hefði t.d.
verið afar snjólétt og hefði hann
gengið á mosaþembu í stað snjó-
breiðu.
Tólf manna leiðangur á vegum
Íslenskra fjallaleiðsögumanna er nú
á leið suður Sprengisand. Þeir
höfðu ekki lent í vandræðum en fyr-
ir sunnan Laugafell gæti verið snjó-
létt eða -laust. Um liðna helgi var
hópur á þeirra vegum í Land-
mannalaugum. „Þar er gríðarlegur
bloti og við gengum miklu krókótt-
ari leið en við ætluðum til að forðast
að vaða vatn upp í mitti en óðum í
þess stað upp á miðja leggi,“ segir
Jón Gauti Jónsson hjá Fjallaleið-
sögumönnum.
Skíðaferðir í uppnámi
Páll Guðmundsson, fram-
kvæmdastjóri Ferðafélags Íslands,
segir að gönguskíðaferðir frá Þing-
völlum yfir í Botnsdal og ferð í
Landmannalaugar um sumarmál
séu í uppnámi og verði hugsanlega
frestað. Á hinn bóginn bindi menn
vonir við að nægur snjór verði við
Hesteyri í Jökulfjörðum, en þaðan á
að ganga á skíðum um páskana.
Hjá Ferðafélaginu Útivist er
svipaða sögu að segja. Reyndar
tókst fararstjórum þess að finna
snjó í Hólaskógi sl. helgi á Land-
mannaafrétti en þeir urðu m.a. að
fresta ferð um Holtavörðuheiði um
miðjan febrúar vegna snjóleysis.
„Næstu ferðir eru um páskana. Við
krossum fingurna,“ segir Bjarney
Sigurjónsdóttir hjá Útivist.
Friðrik Pálsson, sem rekur m.a.
hótel og greiðasölu í Hrauneyjum,
segir að sökum snjóleysis hafi
jeppa- og vélsleðamönnum fækkað
en á hinn bóginn hafi góð færð vald-
ið því að fleiri ferðamenn geti rennt
þangað upp eftir, m.a. erlendir
ferðamenn á litlum bílaleigubílum.
Of snjólétt á fjöllum
 Mikill krapi er farartálmi á leiðinni inn í Landmannalaugar
 Krókaleiðir til að vaða upp á miðja leggi fremur en að mitti
„Staðreyndin er sú að staðan í lónunum okkar er góð, þó hún sé ekki mjög
góð,“ segir Eggert Guðjónsson, verkfræðingur hjá Landsvirkjun. Lítið hafi
snjóað en þess í stað hafi rignt og rigningarvatnið hafi skilað sér í lónin.
Úrkoman hafi þó verið minni en í meðalári. Yfirleitt hafa leysingar að vori,
svonefnd vorflóð, verið drjúg í vatnssöfnuninni en Eggert segir að nú sé
gert ráð fyrir að þau verði minni en venjulega. Um þetta sé nokkur óvissa.
Mjög lítill snjór sé nú á hálendinu sunnanlands. Þrátt fyrir allt sé gert ráð
fyrir að í heild verði vatnsbúskapurinn í meðallagi.
Innrennsli í Hálslón er eins og við var búist en það byggist mun meira á
bráðnun á jökli en lónin sunnan heiða.
Vatnsborð í lónum í meðallagi
Ljósmynd/Íslenskir fjallaleiðsögumenn
Krapi Um átta klukkustundir tók að aka frá Hrauneyjum inn í Landmannalaugar með fólk á vegum Íslenskra fjalla-
leiðsögumanna um liðna helgi. Ekki er þó öll nótt úti enn því snjódýpt á hálendinu nær yfirleitt hámarki í apríllok.
Hiti hefur verið yfir meðallagi í
vetur og óvenju snjólétt var í jan-
úar og lítið hefur snjóað í þess-
um mánuði. Gönguskíðamenn og
fleira ferðafólk er farið að ókyrr-
ast. Enn er þó von.
FRÉTTASKÝRING
Eftir Helga Bjarnason
helgi@mbl.is
EKKI er útlit fyrir það að hægt
verði að hefjast handa við brýnar
framkvæmdir við sjóvörn við Vík-
urþorp á næstunni vegna mismun-
andi hugmynda um staðsetningu og
kostnað við sjóvarnargarð. Sigl-
ingastofnun telur að sjóvarnargarð-
urinn á þeim stað sem kveðið er á
um í nýsamþykktri tillögu að aðal-
skipulagi verði tvöfalt eða þrefalt
dýrari en upphaflega var gert ráð
fyrir og sveitarfélagið getur varla
greitt svo mikinn umframkostnað.
Sveitarstjórn og íbúar Víkur hafa
lengi barist við landbrot í Víkurfjöru
sem talið er ógna byggðinni.
Fyrirhugað var að byrja í ár
Sveitarstjórn hefur óskað eftir því
að ráðist verði í sjóvörn. Kostnaður
var áætlaður um 230 milljónir, miðað
við 750 metra langan sjóvarnargarð
sem Siglingastofnun vildi gera, og
ríkið veitti 100 milljónum til að byrja
á verkinu í ár.
Við gerð nýs aðalskipulags Mýr-
dalshrepps hafa blossað upp deilur í
sveitarfélaginu um veglínu Hring-
vegarins í gegn um héraðið. Þeir
sem vilja að vegurinn fari í göngum
um Reynisfjall höfðu sitt fram. Það
þýðir að vegurinn fer sjávarmegin
við Víkurþorp og þarf að liggja í
tengslum við nýjan sjóvarnargarð.
Siglingastofnun taldi sig koma til
móts við íbúana með því að færa
garðinn aðeins utar en upphaflega
var áformað þannig að hægt yrði að
leggja veg við hann. Sveitarstjórn og
margir íbúar telja það ekki nóg og
njóta stuðnings Landgræðslunnar
við þá afstöðu. Talið var betra að
hafa svæði til að verjast sandfoki
auk þess sem fólki hugnast ekki
mannvirkið svo nálægt byggðinni.
Athuganir sem sveitarstjórn lét gera
bentu til að það kostaði 12% meira
að leggja garðinn við núverandi
fjörumörk og virðist hún hafa verið
tilbúin til að greiða þann mismun.
Aðalskipulagstillagan er farin til
athugunar hjá Skipulagsstofnun og
verður síðan lögð fyrir ráðherra til
staðfestingar.
Nú hefur Siglingastofnun metið
kostnað við að byggja garð á nýjum
stað. Samkvæmt upplýsingum stofn-
unarinnar er útlit fyrir að byggja
þurfi mun dýrara mannvirki. Dýpið
við garðinn tvöfaldast sem og öldu-
hæðin og það þýðir að álagið á hann
áttfaldast. Áætlar Siglingastofnun
að byggja þurfi tvö- eða þrefalt dýr-
ari garð til að standast það álag
næstu 20 til 30 árin. Samkvæmt því
mun hann kosta 450 til 700 milljónir
kr. Hefð er fyrir því að sveitarfélög
greiði umframkostnað þegar þau
óska eftir dýrari framkvæmdum.
Á meðan mennirnir velta þessum
málum fyrir sér hefur náttúran sinn
gang. Í þessu tilviki hefur hún haft
sig hæga. Ekkert landbrot hefur
orðið í vetur og frekar bæst í fjöruna
en hitt. Það getur hins vegar snúist
við á skömmum tíma.
Sjóvarnargarð-
urinn verður
margfalt dýrari
 Óvissa með framkvæmdir í Víkurfjöru
Morgunblaðið/Jónas Erlendsson
Flóðvarnir Víkurfjara er einn fjöl-
sóttasti ferðamannastaður landsins.
Í HNOTSKURN
»Landbrot hefur verið íVíkurfjöru frá 1970 og er
fjaran nú á svipuðum stað og
fyrir Kötluhlaup 1918.
»Sjórinn er kominn ískyggi-lega nálægt íþróttamann-
virkjum og hefur brotið sjö til
tíu metra lands á hverju ári
síðustu árin.
Nýsamþykkt skipulag Mýrdals-
hrepps samrýmist ekki hug-
myndum Siglingastofnunar um
sjóvarnargarð í Víkurfjöru. Fram-
kvæmdir geta ekki hafist á með-
an verið er að greiða úr málum.
EGGERT Magnússon
listmálari, einn af
þekktari naivistum
þjóðarinnar, lést á
hjúkrunarheimilinu
Grund 14. mars sl., 95
ára að aldri. Hann
fæddist 10. mars 1915 í
Reykjavík og bjó lengst
af í Engjabæ við Holta-
veg, þar sem nú er
Fjölskyldugarðurinn í
Laugardal.
Foreldrar Eggerts
voru Magnús Jónsson
frá Breiðholti í Reykja-
vík og Hrefna Eggerts-
dóttir Norðdahl frá Hólmi í
Seltjarnarneshreppi.
Eggert var sjálfmenntaður lista-
maður sem hóf að mála myndir upp
úr 1960 samhliða sjómennsku. Hann
fór ungur til sjós og stundaði bæði
veiðar við Grænland og strendur
Gambíu í Afríku.
Myndefni sín sótti
Eggert gjarnan til
þeirra framandi slóða
sem hann hafði heim-
sótt eða í minningabrot
og fréttnæma viðburði.
Eggert málaði af lífi og
sál og varla leið sá dag-
ur meðan hann var
heilsuhraustur að hann
gripi ekki til pensilsins.
Eggert hélt sína
fyrstu sýningu 1965 í
Lindarbæ Dagsbrúnar
og svo margar einka-
sýningar s.s. í Djúpinu
við Hafnarstræti 1982, Listmuna-
húsinu við Lækjargötu 1985, á Kjar-
valsstöðum 1987, Safnasafninu 2002,
Hafnarborg og Galleríi Louise Ross
í New York. Þá sýndi hann einnig
nokkrum sinnum í Gallerí Fold og
Gerðubergi.
Andlát
Eggert Magnússon
ÁÆTLAÐ er að Urtagarður í
Nesi verði opnaður um miðjan
ágúst. Samkomulag um stofnun
og rekstur garðsins var undir-
ritað í Nesstofu í gær. Auk Sel-
tjarnarnesbæjar standa að sam-
komulaginu Garðyrkjufélagið,
Landlæknisembættið, Lækna-
félagið, Lyfjafræðingafélagið,
Lækningaminjasafnið og Lyfja-
fræðisafnið.
Urtagarður verður lifandi safn
urta sem gegnt hafa hlutverki í
lækningum og lyfjagerð, einnig
sem nytjajurtir til matar, nær-
ingar- og heilsubóta. Garðurinn
verður vettvangur fræðslu um
nýtingu urta til lækninga og
lyfjagerðar. Hann verður rekinn
sem hluti af starfsemi Lækn-
ingaminjasafns Íslands og Lyfja-
fræðisafnsins í Nesi.
Urtagarður
opnaður í Nesi
næsta sumar
Ferðafélag íslands • www.fi.is • fi@fi.is • Sími 568 2533
Skíða- og gönguferð
til Hesteyrar um páskana
1.- 5. apríl
Ferðafélag Íslands býður upp á fimm daga skíða- og
gönguferð til Hesteyrar yfir páskana.
Fararstjórar Sigrún Valbergsdóttir og
Bragi Hannibalsson.
Dvalið í gamla Læknisbústaðnum og
farið í daggöngur frá Hesteyri.
Sjá nánar á www.fi.is
Skráðu þig inn – drífðu þig út