Skólablaðið - 01.04.1962, Blaðsíða 12

- 96 -
ef krakkarnir ekki hættu að kvelja mig,
þá segði hann bara frá þeim, ha, ha, ha,
og það fór aftur að verða voða gaman
og ég fór niður á klósett og sótti mér
aðra blöndu í sturtukássann og þurrkaði
burtu tárin og snýtti mér.
En ekki er ein báran stök, því þegar ég
kom upp aftur, þá var kvenmaðurinn
farinn niður að twista við, ég held fjand-
ann sjálfan, lítinn horaðan og bólugrafinn
déskota, sem fetti sig og bretti og söng
með furðulega ljótri rödd um B. B. , og
ég fór aftur að gráta og í þetta skipti
var það engin uppgerð, og allir horfðu á
mig af forundran og Berti Muller fór
að spila lag, sem ég held að heiti " baby
sitting púki eða eitthvað þess háttar.
Þetta þótti greinilega feikna grín og all-
ir klöppuðu og æptu , en ég tok á rás til
dyra. Ég hljop til fatahengis og náði
mér í frakka, sem var miklu verri en
sá ,sem ég var í þegar ég kom, og þegar
ég var að troða mér í hann kom Einar
Már og klappaði á öxlina á mér og
sagði : "Taktu þetta ekki svona nærri
þér, frændi sæll, ég þekki kvenfólkið, "
en ég anzaði þvf engu og hljóp til dyra
og út, og brennivínsflaskan, full að 2/5,
varð eftir í sturtukassanum á klósett-
inu.
Eg náði í. síðasta áætlunarvagninn
til Hafnarfjarðar og þegar ég kom heim
háttaði ég ofan í rum og fór að reyna
að lesa í "Fiskarnir" eftir Bjarna Sæ-
mundsson, en tárin leituðu fram í augun
á mér, svo stafirnir á blaðsíðunni döns-
uðu rokk og twist, rokk og twist.........
og ég grétt mig x svefn.
I Hafnarfirði eru draumar manna
öðruvísi erx annars staðar. Þar er
fiskiþorp. Þar dreymir menn um fiska,
litla fiska með kvikum uggum og gyllt-
um sporði, sem skjótast í óþreytandi
feluleik milli grænblárra þaragreinanna
í djúpinu, stóra, slittislega fiska, með
köldum augum og gráðugum kjafti, fiska,
sem svamla rólega milli þaratrjánna og
djúpgróðursins og bíða þess að sjá lít-
inn fisk skjótast, þá gleypa þeir hann
með stöðugu hjarta og köldu blóði,depla
kannske örlftið sínum freðnu augum og
segja : "Tarna var góður biti. "
Þessa nótt voru draumfarir mínar
lfkar og annarra Hafnfirðinga, mér þótti
ég sjá stóran fisk, með köldum augum
og gráðugum kjafti, sem gapti við torfu
smærri fiska, er rokkuðu og twistuðu í
ginihans,en 1 miðri torfunni voru nokkr-
ir litlir fiskar, með gylltum sporði og
kvikum uggum, sem börðust á móti
straumnum, og angistarfullur baráttu-
vilji skein úr grænum augum þeirra, en
kringum þá rokkuðu bræður þeirra og
systur og sógðu : "Blessaðir verið þið
ekki að þessu menningarpípi" og litlu
fiskpíurnar æptu rokk og twist og stóri
fiskurinn með köldu augun og graðuga
kjaftinn hló, hann skellihló......
Böðvar Guðmundsson.