Skólablaðið - 01.03.1985, Blaðsíða 3

Það var fyrir réttum 60 árum sem
fyrsta Skólablað M.R. kom út. Til-
gangur blaðsins var að skapa vett-
vang fyrir umræður innan veggja
skólans og virkja með því nemendur
til skrifa í blaðið auk skólafrétta.
Hvort þetta hefur tekist eða ekki,
skal ósagt látið, en þó sýnist mér
þróun Skólablaðsins undanfarin 60
ár hafa verið sú að æ minna kemur
frá nemendum sjálfum, og stundum
vill brenna við að blöðin séu bókstaf-
lega eingöngu verk ritnefndar.
Núverandi ritnefnd lagði mikla
áherslu á það strax í upphafi að
reyna að virkja sem flesta nemendur
til skrifa í blaðið. Því hefur mátt sjá
ýmsa ritnefndarmenn hlaupandi með
grasið í skónum eftir göngum skól-
ans, berandi upp bænir sínar við
ýmsa vanskilapenna skólans. Arang-
urinn af þessu skokki er náttúrlega
margvíslegur, svo sem óþarfa hjarta-
áreynsla, harðsperrur og liðagigt í
litlu tá en það sem snýr að þér, nem-
andi góður, er þá aðallega gott og
vandað blað.
Fyrir tíu árum á hálfrar aldar af-
mæli Skólablaðsins, kvartaði þáver-
andi ritnefnd um lélega húsnæðisað-
stöðu, og þótti tilhlýðilegt að skóla-
yfirvöld sæju sóma sinn í að bæta þar
úr. Ekki getur núverandi ritnefnd
kvartað lengur um lélega húsnæðis-
aðstöðu, þar sem alls ekkert húsnæði
er lengur til staðar og er það bagalegt
þar eð Skólablaðið hlýtur að vera
sómi hvers skóla og spegilmynd hans
út á við, þar sem nemendur koma
hugsjón sinni fram á niðursoðnu
blaðaformi. En þrátt fyrir húsnæðis-
leysi og viðeigandi peningaskort
markar Skólablaðið nú að ýmsu leyti
þáttaskil í sögu blaðsins. Viðamikil
könnun fór fram meðal MR-inga á
vegum blaðsins, ritnefnd lagði fyrir
sig auglýsingahönnun í fjáröflunar-
skyni og einnig má geta þess að öll
efnisvinna var unnin í tölvum skólans
og geta því „tölvuidiot“ pantað sér
blaðið á „diskettuformi" í síma
10000.
Að lokum vil ég svo þakka traust
nemenda og öllum þeim sem hafa átt
þátt í útgáfu blaðsins. Þá vil ég færa
Jóni Guðmundssyni og Guðna rekt-
or sérstakar þakkir fyrir gott sam-
starf og þolinmæði. Lifið heil.
Jón Helgi