SunnudagsMogginn - 01.05.2011, Blaðsíða 8

8 1. maí 2011
Kaupsýslumaðurinn Donald Trump
leggur ekki mikið upp úr því að
vera samkvæmur sjálfum sér. Fyrir
tveimur árum gaf hann út bókina
„Hugsaðu eins og meistari“ þar
sem hann dásamaði Barack
Obama Bandaríkjaforseta og ótrú-
leg afrek hans. Nú er Obama
versti forseti í sögu Bandaríkj-
anna.
Trump forðast ekki sviðsljósið
og hefur tekist að baða sig í því
undanfarna áratugi. Hótel hans og
spilavíti voru dæmi um íburð og
smekkleysi. Trump er þrígiftur.
Fyrsta hjónaband hans við Ivönu
Trump var fjömiðlamatur og sömu-
leiðis skilnaðurinn. Um leið og
hann fór fram átti Trump fyrir opn-
um tjöldum í ástarsambandi við
Mörlu Maples, sem hann síðar
giftist og síðan skildi við.
Á þeim tíma átti Trump einnig í
fjárhagskröggum og talið var að
hann væri búinn að vera.
Það var öðru nær. Hér á landi er
Trump sennilega þekktastur fyrir
raunveruleikaþáttinn Lærlingur og
lykilsetninguna: „Þú ert rekinn.“
Trump ætlar að tilkynna í lok
maí, þegar þessi vertíð af Lær-
lingnum er búin, hvort hann ætli
að sækjast eftir því að verða for-
setaframbjóðandi Repúblikana-
flokksins í næstu kosningum.
Þessa dagana hefur hann meðbyr.
Samkvæmt skoðanakönnun CNN
nýtur Trump stuðnings 19% kjós-
enda Repúblikanaflokksins og
hefur því jafnmikið fylgi og Mike
Huckabee. Samkvæmt könn-
uninni er fylgi Söru Palin, eft-
irlætis Teboðshreyfingarinnar,
12% og Mitts Romneys 11%.
Þú ert rekinn
Donald Trump í kosningastellingum í New Hampshire í vikunni.
Reuters
B
arack Obama, forseti Bandaríkjanna, sá
ástæðu til þess á miðvikudag að birta
opinberlega fæðingarvottorð sitt til
þess að reyna að kæfa umræðu þess
efnis að hann væri ekki fæddur í Bandaríkjunum.
Umræðan um fæðingarvottorð Obama hefur
lengi mallað við yfirborðið og fékk byr undir
báða vængi þegar kaupsýslumaðurinn Donald
Trump, sem þessa dagana gælir við að gefa kost á
sér til forseta, tók að hamra á málinu við hvert
tækifæri.
„Já, reyndin er sú að ég fæddist á Havaí 4.
ágúst 1961 á Kapiolani-sjúkrahúsinu,“ sagði
Obama og kvaðst vonast til að þar með væri endi
bundinn á „vitleysisganginn“ í kringum hvar
hann hefði fæðst, þótt hann vissi að til væri
„hópur fólks, sem aldrei myndi linna látum,
sama hvað við birtum“.
Trump hefur fengið rækilegan uppslátt fyrir
yfirlýsingar sínar í bandarískum fjölmiðlum.
Hvað eftir annað lýsti hann yfir efasemdum um
að fæðingarvottorð Obamas væri til og ef það
væri til hefði hann eitthvað að fela vegna þess að
þar kæmi fram að hann væri múslími eða eitt-
hvað í þá veru. Hann velti því fyrir sér hvort hér
gæti verið um að ræða „mesta blekkingarleik í
sögu stjórnmála og í sögunni almennt, punktur“.
Hann kvaðst hafa ráðið snuðrara, sem „trúa ekki
því, sem þeir hafa fundið“ og bætti við að „fæð-
ingarvottorðið vantaði“. „Þú mátt ekki vera for-
seti ef þú ert ekki fæddur í þessu landi. Þessa
stundina hef ég raunverulegar efasemdir,“ sagði
Trump 7. apríl.
„Ég er mjög stoltur af sjálfum mér í dag vegna
þess að mér hefur tekist nokkuð sem engum
öðrum hefur tekist,“ sagði Trump þegar hann
frétti að Obama hefði gert fæðingarvottorðið op-
inbert. Hann beið síðan ekki boðanna að slengja
fram næstu samsæriskenningu: „Hermt er sam-
kvæmt því sem ég hef lesið að hann hafi verið
hræðilegur námsmaður í Occidental-skólanum.
Svo kemst hann inn í Columbia, síðan inn í Har-
vard. … Hvernig kemst maður inn í Harvard ef
maður er ekki góður námsmaður? Kannski er
þetta í lagi, kannski er það ekki í lagi. En ég skil
ekki af hverju hann birtir ekki gögnin.“
Hinir ötulustu í að ala á samsærishugmyndum
um fæðingarvottorðið, sem reyndar hafði verið
birt fyrir nokkrum árum, en ekki í þeirri ræki-
legu útgáfu sem fram kom á miðvikudag, voru
hins vegar ekki lengi að koma því á framfæri að
birting þess breytti engu.
Forustumenn repúblikana hafa verið hikandi í
umræðunni um uppruna forsetans. Til dæmis
kvaðst John Boehner, forseti fulltrúadeildar
Bandaríkjaþings, telja að Obama hefði fæðst í
Bandaríkjunum, en hann gerði sér grein fyrir því
að margir kjósendur væru sér ósammála og hann
myndi ekki reyna að hafa áhrif á þá: „Bandaríska
þjóðin hefur rétt til að hugsa það sem hún hugs-
ar.“
Í leiðara í The New York Times sagði að birting
forsetans á vottorðinu hefði verið „niðurlægj-
andi augnablik í bandarísku stjórnmálalífi“.
Aldrei hafi leikið vafi á hvar Obama hafi verið
fæddur og umræðan aldrei snúist um það, heldur
hafi hún verið „staðgengill fyrir þá sem aldrei
sættu sig við lögmæti forsetans og ástæðurnar
eru eitruð blanda, sem í eru hugmyndafræði,
djúpstæð pólitísk reiði og, hættulegast af öllu,
kynþáttamál. Upprunalega var málinu haldið
fram af jaðarpersónum á hinum róttæka hægri
væng, en hófsamir repúblikanaleiðtogar leyfðu
henni að gerjast til að þóknast þeim sem eru æfir
út af veru Obama í Hvíta húsinu.“ Bætti blaðið
við að óhugsandi væri að slík herferð til að láta
líta út fyrir að Obama væri af öðrum heimi hefði
átt sér stað á hendur hvítum forseta.
Í byrjun apríl birtist skoðanakönnun á vegum
New York Times og CBS þess efnis að 41% repú-
blikana og 53% óháðra kjósenda teldu að Obama
hefði fæðst í Bandaríkjunum. Nokkrum dögum
síðar birtu sömu fjölmiðlar nýja könnun þar sem
aðeins 33% repúblikana trúðu því að hann væri
fæddur í Bandaríkjunum. Kannski það hafi orðið
til þess að Obama, sem hafði látið umræðuna um
fæðingarvottorðið eiga sig þótt hún væri þrálát,
birti vottorðið á miðvikudag.
Obama bregst við
„vitleysisgangi“
Efasemdir urðu til þess að
Obama birti fæðingarvottorð sitt
Barack Obama greinir frá því að hann hafi birt fæðingarvottorð sitt til
að bregðast við umræðu um að hann hafi ekki fæðst í Bandaríkjunum.
Reuters
Fæðingarvottorð Bandaríkjaforseta frá Havaí.
Reuters
Vikuspegill
Karl Blöndal kbl@mbl.is
Donald Trump segir að Barack Obama
sé linur og komi engu í verk. Hann
myndi sjálfur fara „inn í Líbíu og taka
olíuna“. Sama segir hann um Írak:
„Við verðum þar áfram og tökum olíu-
na.“ Þegar hann var spurður hvort
Bandaríkjamenn ættu „bara að stela
henni“ var svarið: „Afsakaðu, við erum
ekki að stela neinu. Við erum að taka
… við erum að endurgreiða okkur.“
Trump lítur svo á að „þegar maður fer í
stríð og sigrar, þá á maður þjóðina“.
Tökum olíuna
Study Medicine, Dentistry and
physiotherapy In Hungary 2011
Interviews will be held in Reykjavik
in May, July and July. For details contact:
Tel.:+ 36 209 430 492. Fax:+ 36 52 324 031
E-mail: omer@hu.inter.net
internet: http://www.meddenpha.com