SunnudagsMogginn - 01.05.2011, Blaðsíða 39

1. maí 2011 39
É
g ætla rétt að vona að hugur Vilhjálms hafi í gær
vogað sér inn á miður konunglega siðprúð svæði,
þegar hún Kata litla birtist honum svona líka föngu-
leg í sínum brúðarklæðum.
Ekki ætla ég að efast neitt um hans hjartahreinu ást en til-
standið allt hefur þó vonandi ekki steindrepið í honum alla
náttúru.
Þetta er jú kornungur og hraustur maður og væntanlega
þokkalegt hormónaflæði í hans líkama.
Og hann er sagður elska fljóðið, svo streyma ætti blóðið.
En ekki hefur sjálfur erfðaprinsinn mátt verða uppvís að
upprisu síns konunglega holds upp við altarið, með augu
heimsins hvílandi á sér, svo hann
hefur kannski einungis leyft sér í
örskotsstund að sjá hasakroppinn
Kötu fyrir sér á Adamsklæðunum.
Hver veit nema hugurinn hafi
hvarflað inn í nóttina, þegar hann
loks fengi næði til að flysja utan af
henni milljónakjólinn.
Guð gefi að hann Vilhjámur hafi
borðað almúgakonuna Katarínu
eins og heimsins bestu brúðartertu.
Að honum hafi í nótt tekist að kalla fram allt það besta sem
býr í hennar nautnabrunni.
Að þau hafi sleppt dýrinu lausu og svitnað duglega í silki-
klædd rúmfötin. Eða bara kútvelst um gólfið, nóg ætti að vera
plássið í konunglegum vistarverum.
Ég held það hljóti að hafa verið mikill léttir að fleygja sér í
hjónasængina, losna undan öllum tilætluðu hreyfingunum,
brosunum og orðunum. Fá að sprella tvö ein eins og hverjir
aðrir ástfangnir krakkar.
Má hugsa um prinsa, kónga, prinsessur og drottningar í
suddalegu kynlífi?
Já það má.
Eðalborið fólk hefur í gegnum tíðina gefið fullt tilefni til
þess. Nóg er til af eldfornum teikningum sem sýna orgíur að-
alsstéttanna. Og kynsvallið sem viðhaft var í Versölum þótti
saga til næsta bæjar. Ekki voru þær allar við eina fjöl felldar
margar þessar Margrétur, Katarínur, Júlíur og Elísabetur, svo
ekki sé talað um Edvardana og Vilhjálmana.
Ungu prinsarnir sem í dag eru sjálfsagt lítillega lúnir í kon-
ungshöllinni í Bretlandi, þeir Vilhjálmur og Harry, hafa ekki
heldur verið nein englabörn frá því þeir komust til vits og ára.
Einhverjar skandalmyndir hafa skotið upp kolli öðru hvoru.
Óþekktarormurinn yngri bróðirinn hefur stundum verið
kallaður Dirty Harry, enda hefur sést til hans þar sem hann
situr gleiður með bjór í annarri og konubarm í hinni.
Það er svo ágætt fyrir okkur óbreyttan pöpulinn að fá stað-
festingu á því annað kastið að við erum öll sömu dýrin, hvort
sem blátt blóð rennur í æðum okkar eður ei.
Dirty Harry hefur tekið duglega á því á djamminu í gegnum tíðina.
Konungleg
kyntröll
’
Og hann
er sagður
elska
fljóðið, svo
streyma ætti
blóðið.
Stigið í
vænginn
Kristín Heiða
khk@mbl.is
Segja má að verkföll síðustu áratuga hafi fylgt flóði og fjöru í efna-
hagsmálum. Ríkisstjórn Steingríms Hermannssonar bannaði verð-
tryggingu launa árið 1983 og náði með því að slökkva verðbólgubálið
um stundarsakir. Eldurinn gaus aftur upp árið eftir í kjölfar samn-
inga við BRSB og langvinnrar kjaradeilu opinberra starfsmanna við
ríkið. Hefur í því sambandi verið talað um „síðasta stóra verkfallið“ –
en það stóð í alls fjórar vikur. Þau verkföll sem síðan hafa komið hafa
fæst orðið söguleg, þó hart hafi verið sótt, t.d. af hálfu kennara
Í myndum Morgunblaðsins af kjaradeilum fyrri ára er Guðlaugur
Þorvaldsson áberandi. Eftir farsælan feril, m.a. sem rektor Háskóla
Íslands, var hann skipaður ríkissáttasemjari og gegndi því embætti
frá 1979 til starfsloka 1994. Skeyti um verkfallsboðanir streyma inn,
er merkt við meðfylgjandi mynd sem er frá því um 1990. „Hann
brást aldrei viðhorfi jafnréttis og réttsýni. Hann ... bar þar vel arfinn
frá því umhverfi alþýðufólks sem hann var vaxinn úr, þar sem fá orð
og athafnir hafa jafnan dugað betur en hróp og köll á torgum,“ sagði
Benedikt Davíðsson í minningargrein að Guðlaugi látnum árið 1996.
En hvað þarf til að leysa kjaradeilu sem er í rembihnút? „Eigi að
leysa erfiðar deilur þarf fólkið við samningaborðið að hafa sameig-
inlega sýn um hvernig markmið náist best – og vinna sig þannig út úr
vandanum til farsællar niðurstöðu,“ segir Elín Björg Jónsdóttir for-
maður BSRB. „Fólk má aldrei fara svo djúpt niður í skotgrafirnar að
ekki sjái til sólar. Þeir sem eru í forystu samtaka á vinnumarkaði hafa
alla jafna góða reynslu í félagsmálum og læra á ferlinum hvaða
vinnubrögð gefast best svo árangur náist. Einsýni er aldrei líkleg til
niðurstöðu.“
Sigurður Bogi Sævarsson sbs@mbl.is
’
Þar sem fá orð
og athafnir
hafa jafnan
dugað betur en hróp
og köll á torgum
Elín Björg
Jónsdóttir.
Manchester United, og Barcelona. Kunnastur er
Stewart þó fyrir ást sína á skoska landsliðinu sem
hann fylgir gegnum súrt og sætt. Þó aðallega súrt.
Átta börn með fimm konum
Stewart hefur verið í tygjum við margar konur
gegnum tíðina og gengið að eiga sumar þeirra. Má
þar nefna fyrirsæturnar Britt Ekland, Kelly Em-
berg og Rachel Hunter. Núverandi eiginkona
hans er fyrirsætan og ljósmyndarinn Penny Lan-
caster sem er 26 árum yngri en Stewart. Lancas-
ter hefur alið honum tvo syni og fæddist sá yngri
fyrr á þessu ári. Samtals á Stewart átta börn með
fimm konum. Það elsta, Sarah Streeter, fæddist
árið 1963. Það er sumsé 48 ára aldursmunur á
henni og litla bróðurnum, Aiden Stewart.
Rod Stewart ásamt eiginkonu sinni, Penny Lancaster. Þau eignuðust sitt annað barn fyrr á þessu ári.
Reuters
Stewart er alltaf jafnsprækur á sviði.
Kona nokkur í Þýskalandi átti sér
einskis ills von þegar hún skrapp í
heimsókn til nágrannanna í vik-
unni. Hún var þó ekki fyrr komin
inn úr dyrunum að æði rann á
heimilishundinn sem réðst á kon-
una. Náði hún með naumindum að
slíta sig lausa og fela sig bak við
hurð. Engum böndum varð á
skepnuna komið og lögregla því kvödd á vettvang.
Ekki tók þá betra við. Lögregla hóf skothríð á vett-
vangi og drap hundinn. Í látunum geigaði kúla og
hæfði aumingja konuna í handlegginn, þar sem hún
lá ennþá í felum bak við hurðina. Hún slapp með
skrámur. Bæði hundeigendurnir og lögreglumaðurinn
sem skaut konuna eiga kæru yfir höfði sér.
Skutu konu fyrir hund
Það þyrmdi yfir liðlega
tvítugan mann, Niko-
laus Trombley, nótt eina
á dögunum í Connecti-
cut í Bandaríkjunum.
Hann hafði setið að
sumbli og sárþurfti að
fá sér kríu. Fyrir vikið braust kappinn inn í geymslu í
skóla nokkrum til að leggja sig. Þegar inn í geymsluna
var komið birti hins vegar skyndilega yfir Trombley
enda kom hann þar auga á forláta sláttuvél. Í stað
þess að halla sér flötum, stal hann sláttuvélinni og
hélt sem leið lá heim til foreldra sinna og sló lóðina fyr-
ir þá. Að því búnu sneri hann til baka. Af einhverjum
ástæðum skildi hann sláttuvélina hins vegar eftir á
miðri leið. Til Trombleys sást á öryggismyndavélum og
hefur hann verið kærður fyrir innbrot og þjófnað.
Sló í skjóli nætur