SunnudagsMogginn - 10.07.2011, Side 8

8 10. júlí 2011
Í hálft fimmta ár, frá febrúar 2004 fram í ágúst 2008,
var lítið fjör á toppi heimslistans í tennis. Svisslend-
ingurinn Roger Federer sat þar í mestu makindum
237 vikur í röð sem er met. Enginn komst með tærn-
ar þar sem hann hafði hælana. Það er engin tilviljun
að Federer er sigursælasti tennisleikari allra tíma,
hefur unnið sextán stórmót. Bandaríkjamaðurinn
Pete Sampras kemur næstur með fjórtán.
Það var annað séní, Spánverjinn Rafael Nadal,
sem velti Federer úr sessi fyrir þremur árum. Leikur
hans var þá með þeim hætti að menn áttu alveg eins
von á öðru meti í setu á toppnum. Það fór á annan
veg. Federer beit nefnilega í spaðaröndina og skaut
Nadal á ný aftur fyrir sig tæpu ári síðar. Bætti í þeirri
lotu við sig 48 vikum á toppnum en vék aftur fyrir Na-
dal viku áður en hann jafnaði met Samprasar í sam-
anlagðri setu á toppi listans, 286 vikur. Nadal
vermdi svo toppsætið í rúmt ár eða þangað til Djoko-
vić hafði sætaskipti við hann í byrjun vikunnar. Fede-
rer er nú í þriðja sæti listans.
Það er ekki lítið afrek hjá Djoković að hafa skotið
bæði Federer og Nadal aftur fyrir sig en báðir eru í
hópi fremstu tennisleikara sem sögur fara af.
Margt bendir til þess að Federer, sem verður þrí-
tugur í næsta mánuði, sé á niðurleið enda þótt
ógætilegt væri að afskrifa hann alfarið í baráttunni
um toppsætið á komandi misserum. Leirkóngurinn
Nadal er hins vegar aðeins 25 ára og hefur örugglega
áform um að skipa sér aftur í öndvegi – sem fyrst.
Tennisunnendur brenna í skinninu að fylgjast
áfram með baráttu þeirra félaga á vellinum.
Skaut goðsögnunum ref fyrir rass
Djoković smellir einum blautum á Wimbledonbikarinn.
Reuters
Hvernig ætli Rafael Nadal kunni við sig í skugganum?
Reuters
H
ann var fjögurra ára en svo vand-
lega var pakkað niður í tennis-
töskuna að ætla mátti að hann væri
á leið á æfingu með atvinnumönn-
um í greininni. „Hver pakkaði niður í töskuna
þína, hróið mitt?“ spurði þjálfarinn forvitinn.
Svarið var stutt og laggott: „Ég sjálfur.“ Þjálf-
arinn mældi þennan snaggaralega pilt út með
augunum og spurði aftur: „Hvað langar þig að
verða þegar þú verður stór?“ Aftur var svarið
hreint og beint: „Besti tennisleikari í heimi!“
Um síðustu helgi, réttum tuttugu árum síðar,
náði Serbinn Novak Djoković markmiði sínu.
Hann hefur höggvið nærri því á umliðnum
mánuðum en eftir sigurinn á Spánverjanum
Rafael Nadal á Wimbledon-mótinu var efsta
sætið á styrkleikalistanum sannarlega hans.
Hápunkturinn á mögnuðu ári, þar sem Djoko-
vić hefur aðeins tapað einum leik af 49 sem
hann hefur leikið, gegn Roger Federer í undan-
úrslitum Opna franska meistaramótsins. Fram
að því hafði kappinn unnið 43 leiki í röð sem er
þriðji besti árangur sögunnar. Aðeins Guill-
ermo Villas (46 leikir 1977) og Ivan Lendl (44
leikir 1981-82) hafa gert betur.
Wimbledonsigurinn er annað stórmótið sem
Djoković vinnur á árinu, hitt var Opna ástr-
alska meistaramótið en alls hefur hann farið
með sigur af hólmi á þremur stórmótum á ferl-
inum. Vann Opna ástralska líka árið 2008.
Djoković er fyrsti Serbinn til að vinna stórmót í
tennis og viðtökurnar sem hann fékk við heim-
komuna eftir sigurinn á Wimbledon staðfesta
rækilega að hann er þjóðhetja í Serbíu, skreytt-
ur í bak og fyrir af veraldlegum og geistlegum
öflum.
Til gamans má geta þess að serbneska blús-
rokkbandið Zona B sendi á síðasta ári frá sér lag
honum til heiðurs, „The Joker“.
Sigurinn á Nadal var sérstaklega sætur en
Djoković hafði ekki í annan tíma lagt Spánverj-
ann á stórmóti. Það var svo dísætur desert að
ryðja honum úr efsta sæti heimslistans. Raunar
hefur Djoković haft gott tak á Nadal síðasta
kastið en þetta var fimmti sigur hans á Spán-
verjanum í röð. Hinir komu allir á smærri mót-
um en sem kunnugt er hafa hin fjögur stóru,
Opna ástralska, franska og bandaríska, auk
Wimbledon, sérstöðu í tennisheiminum.
Fór tólf ára að heiman
Þrátt fyrir vilja og eindreginn metnað var ekki
sjálfgefið að Novak Djoković næði takmarki
sínu, að verða bestur í heimi. Hann er af fátæku
foreldri kominn og var aðeins tólf ára þegar
hann var í fyrsta skipti sendur einn að heiman
til æfinga í Þýskalandi. Slíkir þóttu hæfileikar
drengsins. Foreldrar hans höfðu ekki efni á því
að fylgja honum og segir Djoković það hafa
verið erfitt í fyrstu en vanist fljótt enda missti
hann aldrei sjónar á draumnum. Í Þýskalandi
tók Nikola Pilić piltinn undir sinn verndarvæng
en hann verður líka fyrsta þjálfaranum sínum
heima í Serbíu ævinlega þakklátur, Jelenu Gen-
cić – þeirri er tók á móti honum fjögurra ára.
Frægasti skjólstæðingur hennar er Monica Seles
sem sleit sínum fyrsta spaða einnig í Serbíu.
„Jelena kenndi Novak ákveðið viðhorf, ekki
bara til íþrótta heldur lífsins í heild,“ segir faðir
hans, Srðan Djoković.
Djoković byrjaði að keppa á alþjóðavettvangi
aðeins fjórtán ára gamall og varð atvinnumaður
í greininni sextán ára. Hann komst fyrst í hóp
tíu bestu tennisleikara heims, samkvæmt
heimslistanum, árið 2007 og hefur velgt þeim
bestu hressilega undir uggum síðan – og nú
skotið þeim ref fyrir rass. Hann lenti að vísu í
svolitlum ógöngum á velli fyrir tveimur árum,
einkum með uppgjöfina, en vann sig með bra-
vör út úr þeim. Helsti styrkur hans þykir
hreyfanleiki og svaðaleg bakhönd.
Djoković er fleira til lista lagt en að leika
tennis en hann er löngu orðinn víðfrægur inn-
an tennishreyfingarinnar fyrir létta lund og af-
bragðsvald á eftirhermum. Gerir hann óspart
grín að félögum sínum, svo sem Rafael Nadal og
Mariu Sharapovu. Þá þykir hann ná John
McEnroe upp á tíu. Vakti það mikla kátínu þeg-
ar Djoković tók léttan snúning á gamla skap-
hundinum áður en þeir léku stuttan sýning-
arleik á Opna bandaríska meistaramótinu fyrir
tveimur árum. Er nema von að félagar hans
kalli hann „Djókarann“.
Djókur
á móti
bragði
Novak Djoković
er nýja stjarnan
í tennisheimum
Novak Djoković ber sér vígreifur á brjóst í úrslitaleiknum á Wimbledon-mótinu um síðustu helgi. Hann er nýi meistarinn.
Reuters
Vikuspegill
Orri Páll Ormarsson
orri@mbl.is
Novak Djoković fædd-
ist í Belgrað 22. maí
1987. Foreldrar
hans, Srðan og Dij-
ana, voru bæði
keppnisfólk á skíðum
og yngri bræður hans
tveir, Marko og
Ðorðe, hafa báðir
sett stefnuna á at-
vinnumennsku í tenn-
is. Djoković er í sam-
búð með Jelenu
nokkurri Ristić og búa
þau í Monte Carlo.
Kominn
af keppn-
isfólki