SunnudagsMogginn - 18.09.2011, Blaðsíða 35

18. september 2011 35
vonum framar og menn eru þegar farnir
að skoða möguleikana á því að fara með
hana á Broadway,“ segir Óskar.
Að sögn Signýjar ætlar Leikhúsmó-
gúllinn bæði að vera með eigin sýningar
í Gamla bíói og leita eftir samstarfi við
aðra. Fyrsta frumsýningin er á föstu-
daginn á Hjónabandssælu eftir kan-
adíska leikskáldið Michele Riml með
Eddu Björgvinsdóttur og Ladda í aðal-
hlutverkum. Leikstjóri sýningarinnar,
sem Leikhúsmógúllinn framleiðir sjálf-
ur, er Þórhildur Þorleifsdóttir.
Signý hefur mikla trú á þessari sýn-
ingu. „Fólk þekkir Eddu og Ladda auð-
vitað fyrst og fremst sem grínleikara en
það er dágóður slatti af dramatík í þessu
verki líka. Það er virkilega spennandi að
sjá þau fara þangað. Edda og Laddi eiga
stóran hóp aðdáenda og þeir eiga ekki
eftir að verða fyrir vonbrigðum. Við
gátum ekki fengið betri leikara í þessi
hlutverk.“
Óskar er innilega sammála því. „Það
voru ótrúlegar tvær vikur þegar við
lönduðum leigusamningi um Gamla bíó
og svo Eddu, Ladda og Þórhildi í kjölfar-
ið. Það var æðislegt að allt skyldi smella
saman.“
Leikhúsmógúllinn hefur þegar sett
Hjónabandssælu upp í Los Angeles og
fyrir dyrum standa sýningar í Þýska-
landi. „Verkið hefur slegið rækilega í
gegn,“ segir Signý, „og viðbrögð gesta
eru mjög misjöfn. Sumum finnst verkið
drepfyndið út í gegn en öðrum há-
dramatískt.“
Hrekkjusvínin ryðjast inn
Önnur sýningin í húsinu er samstarfs-
verkefni. Um er að ræða glænýjan ís-
lenskan gamansöngleik sem byggður er
á hinni sívinsælu hljómplötu Hrekkju-
svínanna „Lög unga fólksins“ frá 1977.
Verður hann frumsýndur 14. október.
Söngleikurinn er ætlaður öllum aðdáend-
um Hrekkjusvína, ungum sem öldnum,
en tónlistarstjóri verður enginn annar en
Hrekkjusvínið og höfundur laganna Val-
geir Guðjónsson. Leikstjórn er í höndum
Maríu Reyndal og er verkið byggt á laga-
textum Péturs Gunnarssonar en um eig-
inleg handritsskrif sáu Guðmundur
Brynjólfsson, Sveinn Geirsson og Tinna
Hrafnsdóttir. Leikarar verða átta talsins
ásamt fimm manna hljómsveit.
Í október eða nóvember fara síðan hinir
ástsælu spéfuglar Pétur Jóhann Sigfússon
og Þorsteinn Guðmundsson af stað með
glænýtt uppistand í Gamla bíói Leikhúsi.
Um er að ræða sýningu á síðkvöldi en
Signý gerir ráð fyrir að hún muni hefjast
kl. 22:30.
Enda þótt leiklistin verði í öndvegi í
Gamla bíói í vetur segir Signý húsráð-
endur hafa mikinn áhuga á tónleikahaldi
líka. Þegar er búið að bóka eina tónleika,
hljómsveitin Of Monsters and Men fagnar
útgáfu sinnar fyrstu breiðskífu með tón-
leikum í Gamla Bíói fimmtudagskvöldið
6. október.
„Við reynum að sæta lagi með tón-
leikana, til dæmis í desember, þegar að-
eins hægist um í leiklistinni,“ segir Signý.
Starfsemin snýst ekki bara um salinn, á
efstu hæð Gamla bíós er íbúð sem leigja á
út fyrir móttökur og aðra viðburði. Íbúð-
in er 150 fm með 3 stofum, 3 herbergjum,
eldhúsi, 2 baðherbergjum og stórum 300
fm svölum með útsýni yfir borgina. Signý
segir íbúðina henta vel fyrir móttökur og
aðra viðburði fyrir allt að 270 manns.
„Þetta er best geymda leyndarmálið í
miðborg Reykjavíkur!“
Fá leikhús státa af eins tilkomumikilli miðasölu og Gamla bíó.
Hægt er að leigja íbúðina á efstu hæð hússins fyrir móttökur og aðra viðburði. Íslenska óperan var lengi til húsa í Gamla bíói svo sem sjá má á veggjum hússins.
Gamla bíó var vígt árið 1926 og var þá talið eitt af glæsilegri húsum landsins. Húsið
byggði danskur maður, Peter Petersen, sem ráðinn hafði verið til að aðstoða við kvik-
myndasýningar í Fjalakettinum og fékk það fyrirtæki nafnið „Reykjavíkur Biograf-
theater“ sem styttist í daglegu tali í „Bíó“. Annað bíó var sett á laggirnar skömmu
síðar og var það nefnt „Nýja bíó“ en þá var farið að kalla bíóið sem fyrir var „Gamla
bíó“ og festist það nafn við fyrirtækið sem þá var rekið í Fjalakettinum. Petersen
eignaðist Gamla bíó og efnaðist ágætlega af rekstri þess en húsakynnin í Fjalakett-
inum voru þröng og hentuðu ekki vel.
Petersen ákvað að byggja nýtt kvikmyndahús og keypti til þess lóð við Ingólfs-
stræti árið 1924 og teiknaði Einar Erlendsson húsið í samráði við Bíó-Petersen, eins
og hann var þá kallaður. Húsið var fullbúið stærsta og glæsilegasta kvikmyndahús á
landinu en þótti einnig henta vel til hljómleikahalds, þannig að í tvo áratugi var
Gamla bíó aðalhljómleikahús Reykjavíkur.
Eigendaskipti urðu á húsinu í árslok 1939 þegar Petersen seldi það nýstofnuðu
hlutafélagi, Gamla bíó hf., sem starfrækti húsið til 1981 en þá keypti Íslenska óper-
an það og hafði þar starfsemi sína í 30 ár.
Húsið hefur hýst fjöldann allan af menningarviðburðum eins og leiksýningar, tón-
leika og baráttufundi, fyrir utan að vera óperuhús Íslendinga síðastliðin 30 ár. Þannig
hefur þetta hús verið samofið íslenskri menningarsögu og stór hluti af lífinu í miðbæ
Reykjavíkur.
Heimild: gamlabio.is
Samofið menningarsögunni