Morgunblaðið - 07.04.2010, Blaðsíða 22

22 Minningar
MORGUNBLAÐIÐ MIÐVIKUDAGUR 7. APRÍL 2010
✝ Birna Árnadóttirfæddist í Reykja-
vík 26. október 1938.
Hún lést á Landspít-
alanum 24. mars 2010.
Foreldrar hennar
voru Ásdís Krist-
insdóttir og Árni Jó-
hannesson. Birna var
fjórða í röðinni af 6
systkinum, hin eru
Valdimar (látinn),
Karl, Kristín Eva,
Soffía Ingibjörg og
Anna. Fyrstu æviárin
bjó fjölskyldan við Njálsgötu í
Reykjavík en vorið 1950 fluttust þau
í Kópavog þar sem Birna bjó æ síðan.
Birna fór snemma út á vinnumark-
aðinn en eftir að börnin fæddust sá
hún alfarið um uppeldi þeirra.
Eiginmaður Birnu var Stein-
grímur Heiðar Steingrímsson, hann
lést 24. desember 2001. Eiga þau 5
uppkomin börn. Elstur er Árni, áður
giftur Maju Jill Einarsdóttur, börn
þeirra eru þrjú, Kolbrún Nadira,
Friðrik og Valdimar, sambýliskona
Árna er Valborg Björgvinsdóttir. Jó-
hanna Steingrímsdóttir, áður gift
Guðmundi Guðmundssyni, þau eiga
soninn Ólaf Helga, seinni maður
hennar er Stefán Árni Arngrímsson,
þau eiga þrjá syni, Jóhannes, Arn-
grím og Árna Stein. Birna Stein-
grímsdóttir, áður gift Kristjáni
Haukssyni, þau eiga tvo syni, Jóhann
og Steingrím Óla, Birna er gift Haf-
þóri Frey Víðissyni. Ásdís, gift Gunn-
ari Carli Zebitz, þau eiga tvö börn,
Ásdísi og Guðmund. Sigríður, áður
gift Hlyni Sveinbergs-
syni, þeirra börn eru tvö,
Sólveig og Páll Heiðar,
sambýlismaður Bjarki
Þór Sigurðsson og eiga
þau synina Sigurð Pétur
og Baldvin Snæ. Barna-
barnabörnin eru orðin 8
og fleiri á leiðinni.
Alla ævi hafði Birna
brennandi áhuga á póli-
tík og var flokksbundin
Framsóknarkona frá því
fyrir tvítugt. Hún var
einn af stofnendum
Freyju, félags Framsóknarkvenna í
Kópavogi og sat í fyrstu stjórn þess,
var í formennsku 2 tímabil og gegndi
störfum gjaldkera þess í mörg ár.
Um margra ára skeið starfaði Birna í
Orlofsnefnd húsmæðra í Kópavogi
fyrir Freyju og var formaður þeirrar
nefndar þar til hún lést, þar var hún
oft sem leiðsögumaður í hinum ýmsu
ferðum, einnig starfaði hún í Mæðra-
styrksnefnd Kópavogs í mörg ár. Síð-
astliðin ár var Birna í ferlinefnd fatl-
aðra hjá Kópavogsbæ og einnig sat
hún í stjórn Framness sem rekur
húsnæði Framsóknarflokksins á
Digranesvegi 12 og var einn af hlut-
höfum þess. Birna starfaði sem sjálf-
boðaliði í Ellimálaráði Þjóðkirkj-
unnar á vegum Kársnessóknar en
það starfar ekki ósvipað og heim-
sóknarvinir Rauða krossins, þ.e. far-
ið er í heimsókn til fólks og því stytt-
ar stundir.
Útför Birnu fer fram frá Kópa-
vogskirkju í dag, 7. apríl 2010, og
hefst athöfnin kl. 13.
Hún mamma er dáin. Það er erfitt
að hugsa til þess að við sjáumst ekki
aftur. Alltaf tók hún á móti mér með
bros á vör er ég kom í bæinn og gisti
hjá henni. Hún var ótrúlega góð og
gerði allt fyrir alla en gleymdi alveg
sjálfri sér. Alltaf gat hún passað
barnabörnin sín ef til hennar var
leitað.
Alveg var það eins með allar kon-
urnar sem hún var með í ferðalög-
unum í kvennaorlofsferðunum. Hún
var fararstjóri í mörgum ferðum til
útlanda og líka hér innanlands. Hún
hugsaði fyrst og fremst um konurn-
ar sínar, svo kannski um sig. Hún
gaf ótrúlega mikið af sjálfri sér.
Ég sakna hennar ótrúlega mikið
og finnst ég vera langt frá henni. Ég
veit að hún er komin til pabba, sem
hún saknaði mikið og að nú líður
þeim vel. Ég var búin að láta pabba
vita af henni og hann beið eftir að
hún kæmi. Nú er veikindum hennar
lokið og henni líður vel. Hvíl í friði
og guð veri með þér, mamma. Ég
geymi þig í hjarta mér.
Þín dóttir,
Jóhanna.
Elsku mamma, okkur skilur
að um tíma dauðans hönd.
Þó að hvíld sé þreyttum blessun,
og þægur byr að ljóssins strönd.
Þó er jafnan þungt að skilja.
Þokast nær mörg fögur mynd,
þegar hugur krýpur klökkur,
kær við minninganna lind.
Sérhvert barn á mætri móður
margt að þakka, er samvist dvín.
Yfir brautir æskubreka
okkur leiddi höndin þín.
Því við bindum þöglum huga,
þýtt, með hlýrri vinamund
þakkarkrans, sem tregatárin
tállaus vökva á kveðjustund.
Vertu blessuð, elsku amma,
okkar hugsun með þér fer
yfir hafið hinum megin
horfnir vinir fagna þér.
Þó við dóminn skapa ei skiljum,
skýrist margt við kærleiks yl.
Lítil barnssál líka getur
leitað, saknað, fundið til.
Vinakveðja okkar allra
er hér borin fram í dag,
kærleikshlý við hvílu þína,
er klukkur leika sorgarlag.
Fögur samstarfsmanna minning
mestur dýrðarsjóður er.
Blítt á leiði blómum vaggar
blærinn, sem um dalinn fer.
(Höf. ók.)
Þín dóttir,
Birna (Bidda) og fjölskylda.
Elsku mamma!
Síðustu dagar hafa verið mjög
óraunverulegir, við systkinin á fullu
að undirbúa allt fyrir jarðarförina
þína. Það er svo sannarlega nokkuð
sem við vildum að við hefðum ekki
þurft að gera nærri strax. En þú
vissir vel að það stefndi í þetta, sem
og við systkinin. Ég er ofboðslega
fegin að hafa verið hjá þér síðustu
dagana þína, við gátum klárað að
skrifa í bókina hans Guðmundar,
Amma segðu mér. Það verður gam-
an að geta rifjað upp þína barnæsku
í gegnum bókina og allt hitt sem við
skrifuðum í hana. Við náðum alla
vega að klára hana og svo lásum við
saman bókina hennar Maju að mig
minnir, Fallen Angel. Mér fannst
eiginlega hálf ótrúlegt að þú skyldir
alveg skilja þegar ég var að lesa fyr-
ir þig á ensku en þú náðir alla vega
inntakinu og ég gat gert mér í hug-
arlund eftir að hafa einungis lesið
síðustu blaðsíðurnar, hversu svaka-
leg bókin er.
Þegar þú fórst í fyrstu spítalalot-
una þína í október sögðu læknarnir
þér að nú yrðir þú að fara að hætta
að hugsa um aðra og fara að hugsa
um sjálfa þig og það var einmitt það
sem var á dagskránni. Í denn hafð-
irðu unun af því að lesa en hafðir
ekki gefið þér tíma til þess í mörg ár
svo núna var loksins aftur komið að
því. Þú náðir að klára þessa bók en
fleiri urðu þær ekki. Ég hef hins
vegar alveg fengið þessi gen frá þér
því ef það er eitthvað sem ég get
eytt peningunum mínum í, þá eru
það bækur og það er árviss viðburð-
ur að ég tapi mér á bókamarkaði for-
laganna eins og ég gerði rétt áður en
þú kvaddir okkur.
Eitt er það sem ég gerði mér aldr-
ei almennilega grein fyrir en það er
þetta með hjartagæskuna og plássið
sem þið pabbi áttuð fyrir alla. Á upp-
vaxtarárum okkar systkinanna var
alltaf nóg pláss fyrir alla og var ekk-
ert tiltökumál þegar Anna frænka,
Ásdís frænka, Sigursteinn frændi og
Guðbjörg frænka þurftu gistingu til
lengri tíma, að vísu öll á misjöfnum
tíma, enda litu Anna og Ásdís á ykk-
ur pabba sem aðra foreldra sína.
Við eigum okkar minningar sam-
an, t.d. unnum við saman á sínum
tíma í bakaríinu og ræddum við ein-
mitt um þá tíma núna um daginn.
Engu að síður eru síðustu dagar ein-
hver besta minningin mín en jafn-
framt sú erfiðasta. Þú varst orðin
svo veik undir það síðasta en þegar
þú varst vakandi spjölluðum við um
heima og geima og ég var með dikta-
fóninn með mér og tók stundum upp
svo ég gæti t.d. skráð niður í bókina
góðu. Ég á eftir að hlusta á röddina
þína og rifja upp þegar ég sat við
hliðina á rúminu þínu og við spjöll-
uðum um æskuárin þín og ýmislegt
fleira.
Þið pabbi áttuð mörg ár saman og
einhvern morguninn í liðinni viku
sagðir þú mér að þig hefði dreymt
hann og hann hefði sagt að þetta
myndi allt lagast og þú trúðir því.
Auðvitað gerði það það þegar þú
fórst yfir þar sem hann hefur tekið á
móti þér með bros á vör, ánægður
með að núna væru engir verkir og að
allt væri í „himnalagi“. Ég trúi því
líka statt og stöðugt, enda hefðir þú
aldrei viljað lifa lífinu nema til fulls,
þú varst alveg búin að segja okkur
það. Núna erum við systkinin sjálf
orðin höfuð hverrar fjölskyldu fyrir
sig, þar sem þið pabbi eruð bæði far-
in. Elsku mamma, ég elska þig og
sakna þín óskaplega, skilaðu ástar-
kveðju til pabba frá mér.
Þín,
Ásdís.
Elsku mamma. Þessi orð eru
skrifuð með miklum söknuði í hjarta
og augun full af tárum.
Við áttum svo ótrúlega margar
góðar stundir saman enda var ég
dugleg við að flytja aftur heim og
alltaf var mér og minni fjölskyldu
tekið opnum örmum. Þú varst stoð
mín og stytta á erfiðum tímum.
Ég átti yndislega barnæsku, þú
varst svo dugleg að sinna okkur
Birna Árnadóttir✝
Elskulegur eiginmaður minn, faðir okkar,
tengdafaðir og afi,
JÓN BÖÐVARSSON,
fyrrverandi skólameistari,
lést á Landspítalanum í Fossvogi á páskadag.
Útför hans fer fram frá Hallgrímskirkju mánudag-
inn 12. apríl kl.13:00.
Guðrún Erla Björgvinsdóttir
Björgvin Jónsson Sigríður Dóra Magnúsdóttir
Böðvar Jónsson Jóna Hrefna Bergsteinsdóttir
Sigríður Jónsdóttir
Ásthildur Jónsdóttir
barnabörn og barnabarnabarn.
✝
Okkar innilegustu þakkir til allra þeirra sem sýndu
okkur samúð og hlýhug við andlát elskulegrar
eiginkonu minnar, móður okkar, tengdamóður,
ömmu og langömmu,
FJÓLU GÍSLADÓTTUR,
Sléttuvegi 13.
Gunnlaugur Lárusson,
Stefanía Erla Gunnlaugsdóttir,
Lárus Gunnlaugsson, Kristín Jóna Jónsdóttir,
Jónína Gunnlaugsdóttir,
Margrét Gunnlaugsdóttir, Jón Rafn Gunnarsson,
Ólöf Kristín Magnúsdóttir, Carl Möller,
barnabörn og barnabarnabörn.
✝
Eiginmaður minn,
EIRÍKUR SIGURJÓNSSON
frá Sogni í Kjós,
síðast til heimilis
Sólvangsvegi 1,
Hafnarfirði,
sem lést á St. Jósefsspítala fimmtudaginn
25. mars, verður jarðsunginn frá Hafnarfjarðarkirkju
fimmtudaginn 8. apríl kl. 13.00.
Þeim sem vilja minnast hans er bent á Landssamtökin Þroskahjálp.
Guðný Gísladóttir.
✝
Þökkum auðsýnda samúð, vinarhug og
hluttekningu vegna andláts og útfarar
GUÐMUNDAR SIGURJÓNSSONAR
frá Flatey.
Guð blessi ykkur öll.
Fyrir hönd ættingja,
Guðný Hólmgeirsdóttir.
✝
Okkar innilegustu þakkir til allra þeirra sem sýndu
okkur samúð og hlýju við andlát elskulegrar móður
okkar, tengdamóður, ömmu og langömmu,
AUÐAR EIÐSDÓTTUR,
er lést á Hrafnistu í Reykjavík þriðjudaginn 23. mars.
Útförin hefur farið fram í kyrrþey að ósk hinnar
látnu.
Aðstandendur vilja þakka starfsfólki Hrafnistu
og Pétri Thorsteinssyni lækni, fyrir góða umönnun.
Eiður Baldur Hilmisson, Heide Wiek,
Ásgrímur Hilmisson, Ása Sigríður Sverrisdóttir,
Hilmir Hilmisson, Ingibjörg Elín Björnsdóttir,
barnabörn og barnabarnabörn.
✝
Móðir okkar,
GUÐRÚN THEODÓRA SIGURÐARDÓTTIR,
lést á líknardeild Landspítalans að kvöldi skírdags,
1. apríl.
Útförin verður auglýst síðar.
Sigríður Steinunn, Eiríkur og Sigurður Sverrir Stephensen.
✝
Elskulega móðir mín, vinkona, dóttir og systir,
GUÐMUNDA MAGNEA GUNNARSDÓTTIR,
sem lést á heimili sínu mánudaginn 29. mars,
verður jarðsungin frá Fossvogskirkju fimmtudaginn
8. apríl kl. 13.00.
Fyrir hönd aðstandenda,
Gunnar Sigmar Kristjánsson,
Svavar Bergmann Indriðason,
Sigríður Magnúsdóttir,
Ásthildur Gréta Gunnarsdóttir,
Margrét Jenný Gunnarsdóttir,
Óskar Tryggvi Gunnarsson.
Morgunblaðið birtir minningar-
greinar endurgjaldslaust alla út-
gáfudaga.
Skil | Greinarnar skal senda í
gegnum vefsíðu Morgunblaðsins.
Smellt á reitinn Senda inn efni á for-
síðu mbl.is og viðeigandi efnisliður
valinn.
Skilafrestur | Ef óskað er eftir
birtingu á útfarardegi verður greinin
að hafa borist eigi síðar en á hádegi
tveimur virkum dögum fyrr (á föstu-
degi ef útför er á mánudegi eða
þriðjudegi).
Þar sem pláss er takmarkað getur
birting dregist, enda þótt grein ber-
ist áður en skilafrestur rennur út.
Minningargreinar