Morgunblaðið - 07.04.2010, Blaðsíða 7
200.000.000
+2.100.000.000
Ekki gleyma að vera með,
fáðu þér miða fyrir klukkan
fjögur í dag á næsta sölustað
eða á lotto.is
Fyrsti vinningur stefnir
í 200 milljónir og Ofurpotturinn
stefnir í 2.100 milljónir.
ALLTAF Á MIÐVIKUDÖGUM!
MIÐINN GILDIR 7. APRÍL 2010
A. 12 14 17 21 41 48
B. 05 16 23 36 37 38
C. 07 09 13 22 34 38
D. 03 06 19 24 25 31
E. 11 19 21 25 38 42
F. 01 25 35 36 39 46
G. 18 19 20 23 28 46
H. 22 27 29 39 40 42
Fréttir 7INNLENT
MORGUNBLAÐIÐ MIÐVIKUDAGUR 7. APRÍL 2010
Eftir Hlyn Orra Stefánsson
hlynurorri@mbl.is
ÞVERPÓLITÍSKUR samráðs-
hópur ræddi í gær um töku
veggjalda í stað eldsneytisgjalda til
að fjármagna vegaframkvæmdir.
Kristján Möller samgönguráðherra
segir hugmyndina vera á frumstigi
og engar ákvarðanir teknar.
Sérstaklega hefur verið rætt um
fjármögnun framkvæmda við Vest-
urlandsveg, Suðurlandsveg og
Reykjanesbraut í samstarfi við líf-
eyrissjóðina. Hafa fulltrúum sjóð-
anna verið kynntar hugmyndir um
að veggjöld standi straum af endur-
greiðslum til þeirra.
Vilja flýta fyrir framkvæmdum
„Við erum að leita leiða til að flýta
fyrir framkvæmdum,“ segir Krist-
ján og bendir á að áðurnefndar
framkvæmdir séu bæði atvinnu-
skapandi og auki umferðaröryggi.
Víða í Evrópu er rætt um að fjár-
magna vegaframkvæmdir með not-
endagjöldum í stað eldsneytisgjalda.
Kubb er þá komið er fyrir í bílum
sem skráir með hjálp gervihnattar
upplýsingar um akstur. „Þetta er
talið vera framtíðarmúsíkin í Evr-
ópu og þarf líka að skoða hér, að
teknu tilliti til persónuverndarsjón-
armiða,“ segir Kristján.
Hann segir notendagjöld bæði
skynsamlega og sanngjarna leið til
að fjármagna vegaframkvæmdir.
„Hvaða sanngirni er t.d. í því að þeir
sem eiga bíla sem ganga fyrir bens-
íni eða olíu greiða olíu- og bens-
íngjöld til ríkissjóðs og þar með talið
vegasjóðs, en þeir sem keyra t.d.
rafmagnsbíla eða metanbíla borga
ekkert? Við ætlum okkur að fjölga
umhverfisvænum bílnum, og þá þarf
auðvitað að vera fyrir hendi kerfi
sem tryggir að allir greiði sinn hlut
til rekstrar vegakerfisins, án tillits
til orkugjafa.“
Hægt að stýra akstri betur
„Ég hef í sjálfu sér ekkert á móti
því að það verði innheimt veggjöld,
en tel að það verði að skoða tekju-
öflun í samgöngumálum heildstætt,“
segir Árni Þór Sigurðsson, þingmað-
ur Vinstri-grænna, sem situr í sam-
ráðshópnum.
Verði sú leið farin að lífeyrissjóð-
irnir fjármagni áðurnefndar fram-
kvæmdir hefst endurgreiðsla ekki
fyrr en árið 2014 eða 2015. Því er
heppilegast, segir Árni Þór, að bíða
með innheimtu veggjalda þar til búið
er að koma á fót kerfi sem innheimti
slík gjöld af öllum ökumönnum, en
ekki bara þeim sem aka um Vest-
urlandsveg, Suðurlandsveg eða
Reykjanesbraut.
Með veggjöldum er hægt að stýra
akstri með ýmsum hætti, bendir
Árni Þór á. Til dæmis er bygging og
viðhald vega misdýrt, og væri hægt
að rukka hærra gjald fyrir akstur
um dýrari vegi. Einnig væri hægt að
dreifa umferð betur með því að taka
hærra gjald á háannatímum.
Guðmundur Steingrímsson, þing-
maður Framsóknar, tekur undir að
skynsamlegt geti verið að innheimta
veggjöld með hjálp kubbs sem er
tengdur við gervihnött. „En það þarf
þá að huga vel að persónuvernd-
arsjónarmiðum.“ Guðmundur, sem
einnig situr í áðurnefndum samráðs-
hópi, segir að ræða þurfi málið vand-
lega, og ítrekar að veggjöld ættu að
koma í stað gjaldheimtu í núverandi
formi, en ekki bætast við hana.
Veggjöld það sem koma skal?
Notendagjöld bæði skynsamlegri og sanngjarnari en bensín- og olíugjöld, segir samgönguráðherra
Heppileg leið til að stýra akstri og stuðla að betri nýtingu vega, segir þingmaður Vinstri-grænna
Pólitískur vilji er fyrir því að taka
upp veggjöld til að fjármagna
vegaframkvæmdir. Meðal annars
er rætt um framkvæmdir í sam-
starfi við lífeyrissjóðina.
Morgunblaðið/Kristinn
Háannatími Með veggjöldum mætti dreifa umferð, segir þingmaður VG, með því að taka hærri gjöld á annatímum.
Hollendingar hafa tekið ákvörð-
un um að frá og með árinu 2017
verði vegaframkvæmdir alfarið
fjármagnaðar með veggjöldum í
stað skatta á eldsneyti. Hug-
myndin er að kubbur, sem talið
er að verði hluti af staðalbúnaði
nýrra bíla, verði í beinu sam-
bandi við gervihnött, og upplýs-
ingum um akstur bílsins verði
þannig safnað saman á einn
stað. Slíkt kerfi þekkist víða nú
þegar, sér í lagi í bifreiðum sem
notaðar eru í atvinnuskyni.
Hollendingar fyrstir