Morgunblaðið - 07.04.2010, Blaðsíða 28

28 MenningFÓLK
MORGUNBLAÐIÐ MIÐVIKUDAGUR 7. APRÍL 2010
 Breskur kvikmyndagerðar-
maður, Adnan Sarwar, segist á
vefnum last.fm vilja komast í sam-
band við íslenska tónlistarmenn.
Hann hafi áhuga á því að nota ís-
lenska tónlist í verk sín. Og af
hverju íslenska? Jú, af því hún sé sú
allra besta í heimi hér. Um kappann
má lesa á adnansarwar.com.
Óskar eftir að fá að
nota íslenska tónlist
Fólk
MIÐASALA hefst í dag í framhaldsskólum lands-
ins á Söngkeppni framhaldsskólanna sem verður
haldin á laugardaginn í Íþróttahöllinni á Akur-
eyri. Keppnin á tvítugsafmæli í ár og verður því
sérstaklega glæsileg, 32 skólar taka þátt og 2000
miðar eru seldir. Það má því búast við fjöri fyrir
norðan um helgina.
Einar Ben hjá AM Events, fyrirtækinu sem
skipuleggur keppnina, segir að fjórar hljóm-
sveitir muni troða upp í keppninni og þær ekki
af verri endanum: Bloodgroup, Bermuda (sem
sér einnig um undirleik fyrir keppendur), Erpur
og Atli og Dikta. Dikta stígur síðust á svið. Erp-
ur Eyvindarson verður kynnir.
„Við vildum fara alla leið með þetta,“ segir
Einar. Í ár verði sérstök áhersla lögð á ballið en
sá gleðskapur hafi hingað til verið í auka-
hlutverki. Söngkeppnin sé í raun tónleikar og
ball í einum pakka. „Þessi aldurshópur hefur
ekki oft tækifæri til að sjá svona stórar hljóm-
sveitir og okkur finnst það rökrétt framhald á
því sem við erum að gera að þessir krakkar hafi
aðgengi að bestu böndum landsins líka,“ segir
Einar.
Verðlaun fyrir sigurvegara keppninnar verða
déskoti fín, utanlandsferð, sími, tímar í hljóðveri
og svo eitthvað óvænt. Herlegheitin hefjast kl.
19.35 og verða sýnd í beinni útsendingu og
órugluð á Stöð 2. Einar segir að um 6% fram-
haldsskólanema komist á keppnina, miðað við
tölur frá Hagstofunni um fjölda framhalds-
skólanema. helgisnaer@mbl.is
„Vildum fara alla leið með þetta“
Morgunblaðið/Skapti Hallgrímsson
Söngkeppnin Skrautlegir söngvarar í fyrra.
 Gítarleikarinn Björn Thorodd-
sen hélt tónleika með einum þekkt-
asta gítarleikara Japans, Kazumi
Watanabe, og hljómsveit hans 2.
apríl sl. Tónleikarnir fóru fram í
þekktustu djassbúllu Tókýó, Pit
Inn. Watanabe var þar að fagna 40
ára starfsafmæli en hann hefur
leikið með mönnum á borð við Tony
Levin, Bill Bruford, Sly and Robbie,
Wayne Shorter, Patrick Moraz,
Marcus Miller, Richard Bona og
Peter Erskine. Þá léku Björn og
Kazumi einnig í íslenska sendi-
ráðinu þar í borg degi síðar. Það
má því sannarlega segja að Björn
geri það gott í Japan.
Lék með einum þekkt-
asta gítarista Japana
 Jónsi, jafnan kenndur við Sigur
Rós, sagði frá því í þættinum Rokk-
landi í gærkvöldi að hann vildi
gjarnan að Páll Óskar Hjálmtýsson
keppti aftur fyrir hönd Íslands í
Evróvisjón og að hann hefði meira
að segja samið lag sem Páll gæti
sungið. Ætti kannski að sleppa
Söngvakeppni Sjónvarpsins 2011
og láta Jónsa og Palla um þetta?
Jónsi með lag tilbúið
handa Páli Óskari
Á MORGUN kemur út platan Skúli
mennski og hljómsveitin Grjót. Af
þessu tilefni munu Skúli og Grjót
fagna plötunni víða á útgáfudegi,
en á einhverjum stöðum mun Skúli
troða einn upp með gítar. Er þá
bæði farið eftir skipulagðri dag-
skrá og stokkið inn óvænt, eins og
því er lýst í tilkynningu.
Herlegheitin hefjast eldsnemma í
fyrramálið, kl. 7 á Café Roma við
Rauðarárstíg. Tveimur tímum síðar
verður fagnað á Tíu dropum á
Laugavegi, kl. 11 í Kaffitári í
Bankastræti og þaðan haldið á
Hornið í Hafnarstræti og spilað kl.
12. Klukkustund síðar er það svo
Glætan, bókakaffi, við Laugaveg og
kl. 15 verslun Hemma og Valda við
sömu götu og örfáum metrum frá
Glætunni.
Ekki má svo sleppa Súfistanum
við Lækjargötu, tónlist flutt þar kl.
17 og um kvöldið verður svo slúttað
á Café Rosenberg við Klapparstíg.
Plata Skúla mennska og hljóm-
sveitarinnar Grjóts var tekin upp í
Tankinum í Önundarfirði, 1.-4.
mars, en um upptökur sá Önundur
Hafstein Pálsson. Á plötunni eru tíu
lög og textar eftir söngvarann
Skúla Þórðarson, þ.e. Skúla
mennska. Skúli syngur um allt milli
himins og jarðar, m.a. barlíf, fjöl-
skyldulíf, yfirbót, ástarþrá og lífs-
hlaup frelsarans.
Grjót skipa þeir Dagur Bergsson
hljómborðsleikari, Halldór Gunnar
Pálsson gítarleikari, Óskar Þor-
marsson trommuleikari, Una Svein-
bjarnardóttir fiðluleikari og Valdi-
mar Olgeirsson bassaleikari.
Skúli mennski og Grjót komu ný-
verið fram á Aldrei fór ég suður við
góðan orðstír. helgisnaer@mbl.is
Skúli og co Óskar, Dagur, Halldór (í miðju), Skúli og Valdimar. Á myndina
vantar Unu Sveinbjarnardóttur. Julia Staples tók myndina.
Barlíf, yfirbót, ástarþrá og
lífshlaup frelsarans
 Skúli mennski og Grjót spila í miðbæ Reykjavíkur
Eftir Hólmfríði Gísladóttur
holmfridur@mbl.is
TVEIR nemendur við Kvikmynda-
skóla Íslands, þær Hrefna Hagalín
og Kristín Bára Haraldsdóttir, luku
í fyrradag tökum á nýrri stuttmynd
sem er útskriftarverkefni þeirra frá
skólanum. Myndin hefur hlotið
nafnið Knowledgy en handritið
skrifaði Hugleikur Dagsson að
beiðni stúlknanna.
„Við hittum hann bara úti á götu,“
segir Kristín Bára og hlær þegar
hún er spurð um aðkomu Hugleiks,
en auk hans fengu þær sér til að-
stoðar Krumma Björgvinsson sem
sér um tónlistina, Evu Lind Hösk-
uldsdóttur klippara og sex úrvals-
leikara; Ingvar E. Sigurðsson, Nínu
Dögg Filippusdóttur, Þorstein
Bachman, Leo Fitzpatrick, Jody
Flader og Noua M. Phoenix.
Svört kómedía
Kristín segir lokaverkefni úr
kvikmyndaskóla verða nafnspjald
kvikmyndagerðarmannsins og það
sé meðal annars þess vegna sem
þær hafi viljað hafa verkefnið veg-
legt. „Við ætlum að hafa þetta flott
og halda sýningar erlendis og svona.
Við höfum haft allt besta fólkið með
okkur, eins og Árna Filippus töku-
mann, og náttúrlega frábæra leik-
ara og tæknifólk, þannig að þetta er
bara alvöru mynd, ekkert eins og
skólaverkefni eru kannski yfirleitt,“
segir hún.
Myndin, sem er svört kómedía,
verður um það bil 17-18 mínútur að
lengd og fjallar um skiptinemann
Michael sem stundar nám í kvik-
myndaskóla í Reykjavík og leigir
herbergi hjá íslensku pari sem er
við það að vígjast inn í bandarískan
sértrúarsöfnuð. Michael fær leyfi til
að gera heimildarmynd um ferlið en
hefur ekki hugmynd um hvað hann
er flæktur í.
Skólinn fékk Dag Kára Pétursson
til þess að leiðbeina nemendunum
með verkefnin sín og voru stelp-
urnar duglegar að nýta sér það.
„Við réðum því hversu mikið við
nýttum okkur þetta en við gerðum
það mikið og hittum hann vikulega,“
segir Hrefna.
Ekkert stórmál
En það voru stelpurnar sjálfar
sem stóðu að því að setja teymið
saman og lýsa þær því báðar þannig
að það hafi einfaldlega gerst með
því að hringja ótal símtöl og að ein-
hverju leyti með því að nýta þau
tengsl sem þær höfðu, en áður hafa
þær meðal annars komið að gerð
auglýsinga og tónlistarmyndbanda.
„Okkur finnst það skrýtið að fólki
finnist þetta stórt,“ segir Kristín um
umgjörðina utan um stuttmyndina.
„Þetta er bara skemmtilegt fyrir
okkur, við höfum unnið í þessu síð-
ustu fimm mánuðina og þetta er
bara gaman,“ segir hún.
Myndin verður frumsýnd 22. maí
ásamt öðrum lokaverkefnum skól-
ans en til stendur að halda fleiri
sýningar hér á landi eftir það. „Síð-
an höldum við sýningu úti í New
York á stað sem heitir Lit, sem er
bar og gallerí. Þegar við vorum að
æfa með leikurunum fórum við
þangað og kynntumst eigandanum
og hann bauð okkur að halda sýn-
inguna í galleríinu,“ segir Hrefna að
lokum.
Lokaverkefnið nafnspjald
Við tökur Frá vinstri: Hugrún, Flader, Nína Dögg, Fitzpatrick, Ingvar E., Phoenix og Kristín Bára.
 Tveir nemar við Kvikmyndaskóla Íslands vinna að metnaðarfullu lokaverk-
efni  Framleiða og leikstýra stuttmynd eftir handriti Hugleiks Dagssonar
Leo Fitzpatrick er sennilega
þekktastur fyrir hlutverk sitt í
myndinni Kids, þar sem hann
lék hinn óviðfelldna Telly.
Jody Flader er svo til nýút-
skrifuð úr námi en hefur leikið í
ýmsum leikhúsum í New York
og hefur einnig komið fram í
gestahlutverkum í þáttunum
Gossip Girl og Law&Order.
Noua M. Phoenix er sjón-
varps- og kvikmyndaleikari í
Japan.
Erlendu leikararnir