Morgunblaðið - 30.06.2010, Blaðsíða 6
6 FréttirINNLENT
MORGUNBLAÐIÐ MIÐVIKUDAGUR 30. JÚNÍ 2010
ódýrt og gott
Chicago Town pizzur,
Four cheese og Pepperoni
598kr.pk.
Ráðningar standa nú yfir hjá embætti
sérstaks saksóknara. Embættinu bár-
ust 469 umsóknir eftir að auglýst var
eftir starfsfólki 25. maí síðastliðinn en
umsóknarfrestur rann út 7. júní.
Störfin eru fjölbreytt en flest gera
þau ráð fyrir háskólamenntun eða
annars konar sérþekkingu.
Meðal annars var auglýst eftir lög-
fræðimenntuðu fólki og reynslumikl-
um lögreglumönnum. Einnig var aug-
lýst eftir fólki með marktæka reynslu
af fjármálastarfsemi og með sérþekk-
ingu á flóknum fjármálagerningum.
Sömuleiðis verða ráðnir sérfræð-
ingar á sviði upplýsingatækni. Ekki
hefur verið gefið upp hvenær gengið
verður frá ráðningum en mikið álag er
á embættinu.
Stutt er síðan embætti sérstaks
saksóknara var veitt aukafjárveiting
upp á 470 milljónir króna.
Morgunblaðið hefur áður greint frá
því að heildarfjárveiting til embættis-
ins í ár nemi 790 milljónum króna.
Samkvæmt minnisblaði sem embætti
sérstaks saksóknara sendi dóms-
málaráðuneytinu er reiknað með að
starfsmenn embættisins verði 80 tals-
ins í lok árs 2010. Starfsmannafjöldinn
mun haldast óbreyttur á árunum 2011
og 2012.
Launakostnaður embættisins er
áætlaður 10 milljónir á hvern starfs-
mann á ári. hjaltigeir@mbl.is
Sérstökum saksóknara
bárust 469 starfsumsóknir
Morgunblaðið/Kristinn
Sérstakur Mikil vinna blasir við ef
marka má fjölgun starfsmanna.
Starfsmönnum
fjölgar í 80 á árinu
Ný störf
» 469 manns sóttu um störf á
vegum embættis sérstaks sak-
sóknara.
» Embættið fjölgar starfsfólki
úr 19 í 80 á þessu ári.
» Embættið auglýsti m.a. eftir
lögfræðingum, lögreglumönn-
um, viðskipta- og verkfræð-
ingum.
Gunnþórunn Jónsdóttir
gunnthorunn@mbl.is
Kjör Vigdísar Finnbogadóttur til
forseta Íslands fyrir 30 árum hafði
mikil áhrif á umheiminn. Vigdís var
fyrsti kvenforseti í heiminum og því
gríðarlega stórt skref stigið fyrir
jafnréttisbaráttuna. Af því tilefni
efndi Háskóli Íslands og Stofnun
Vigdísar Finnbogadóttur í erlend-
um tungumálum til hátíðarfundar í
Öskju, náttúrufræðihúsi Háskóla
Íslands, í gær.
Á fundinum hélt Laura Lis-
wood, framkvæmdastjóri Council of
Women World Leaders, fyrirlestur
um kjör Vigdísar og þýðingu þess
fyrir jafnréttisbaráttu kvenna víðs
vegar um heiminn undir yfirskrift-
inni „The Power of the Mirror“.
Fundarstjóri var Kristín Ingólfs-
dóttir, rektor Háskóla Íslands, og
mættu margar konur á þennan
áhugaverða fund.
Liswood sló á létta strengi á
fundinum við góðar undirtektir.
Áhugaverð ræða hennar hefur
einnig og að öllum líkindum náð til
flestra í salnum en hún talaði um
konur sem leiðtoga í heiminum í
dag. „Heitt hjarta, kaldur haus“
væri það sem einkenndi góðan leið-
toga, en til þess að geta orðið slíkur
þyrfti að hafa hvort tveggja. Hún
tók það fram að heimurinn hefði
tekið miklum breytingum þegar
Vigdís var kjörin forseti og finna
þyrfti leið til þess að flýta sögunni á
einhvern hátt, vegna þess að á þeim
hraða sem við værum tæki önnur
200 ár að ná fram þeim breytingum
sem orðið hefðu á síðustu 200 árum
í þágu kvenna. Liswood sagði Ís-
land ávallt vera í efsta sæti hvað
varðar jafnrétti eða jöfnuð en þrátt
fyrir það væri alltaf einhver kynja-
munur, eins og alls staðar í heim-
inum.
Skemmtilegur kafli í fyrirlestri
hennar var þegar hún sýndi brot úr
gömlu viðtali við Vigdísi Finnboga-
dóttur er hún gegndi embætti for-
seta. Í viðtalsbrotinu sagði Vigdís –
við mikinn hlátur gesta – að karl-
menn ættu að vera þakklátir fyrir
að vera jafngáfaðir og konur. En
bætti við að það væri líka öfugt.
Einnig nefndi Vigdís að konur væru
umburðarlyndar í garð karla þegar
þeir gerðu mistök en sagðist ekki
vita um neitt samfélag sem hefði
slíkt viðmót í garð kvenna.
Að lokum þakkaði Kristín
Liswood fyrir komuna og góðan
fyrirlestur en á móti þakkaði
Liswood Íslendingum fyrir að hafa
fært sér Vigdísi.
Morgunblaðið/Jakob Fannar
Til fyrirmyndar Þessar ungu stúlkur voru á meðal gesta í Iðnó þar sem hrundið var af stað hvatningarátaki til heiðurs Vigdísi Finnbogadóttur.
Þakkaði Íslandi fyrir Vigdísi
Þrjátíu ár liðin frá því að Vigdís Finnbogadóttir var kjörin forseti Íslands
Heimurinn tók miklum breytingum við kjörið en hraða þarf sögunni
Tveir karlar og tvær konur hafa játað
kókaínsmygl samkvæmt ákæru rík-
issaksóknara. Eru þau ákærð fyrir að
hafa flutt til landsins 1,7 kg af kókaíni
í þeim tilgangi að selja það hér á
landi. Gerðar voru athugasemdir af
hálfu ákærðu við orðalag ákærunnar
en fólkið gekkst efnislega við sök-
unum.
Kókaínið var flutt til landsins í
þremur ferðatöskum frá Spáni hinn
11. apríl síðastliðinn. Efnin fundust
við leit á Keflavíkurflugvelli. Fólkið
er einnig ákært fyrir vörslu fíkniefna
en á heimilum þess fundust tæp
hundrað grömm af kannabisefnum og
1,65 grömm amfetamíns.
Fólkið er allt á þrítugsaldri en
yngstur er maðurinn sem samkvæmt
efni ákærunnar lagði á ráðin um
smyglið. Hann fæddist 1988. Hann
gerði athugasemd við það orðalag í
ákæru að hann hefði „lagt á ráðin“
um smyglið og kveðst hafa verið milli-
göngumaður um það. skulias@mbl.is
Játuðu að
hafa flutt
inn kókaín
Með kannabis og am-
fetamín heima hjá sér
Morgunblaðið/Júlíus
Lögregla höfuð-
borgarsvæðisins
stöðvaði akstur
níu ökumanna
vegna ölvunar
um liðna helgi.
Einn ökumað-
urinn lét sér ekki
segjast og aðeins
tæpar tvær
klukkustundir
voru liðnar frá
því honum var sleppt úr haldi þar
til hann var stöðvaður aftur á bif-
reið sinni – jafn ölvaður og áður.
Fimm ökumenn óku ölvaðir og án
ökuréttinda.
Tvívegis tek-
inn ölvaður
undir stýri
Tékk Ástand öku-
manns athugað.
Fjölmargir lögðu leið sína í Iðnó í
gær þar sem fólki gafst kostur á
að setjast niður og skrifa bréf til
fjölskyldu, vina, vinnustaða, fé-
lagasamtaka eða annarra sem
bréfritarar telja hafa verið til fyr-
irmyndar á einn eða annan hátt.
Um var að ræða hvatningar-
átak tileinkað Vigdísi Finnboga-
dóttur og íslensku þjóðinni. Til-
efnið að sjálfsögðu að liðin eru
30 ár frá því að Íslendingar voru
til fyrirmyndar með því að verða
fyrstir þjóða til að kjósa konu
sem forseta í lýðræðislegum
kosningum.
Vigdís til fyrirmyndar
LANDSMENN SETTUST NIÐUR OG SKRIFUÐU BRÉF
Morgunblaðið/Jakob Fannar
Vinkonur Vigdís Finnbogadóttir ásamt Lauru Liswood sem hélt
fyrirlestur um kjör Vigdísar og hvað það hafði mikil áhrif á heiminn.