Fréttablaðið - 12.10.2011, Blaðsíða 2

12. október 2011 MIÐVIKUDAGUR2
Kínversk fræði við HÁSKÓLA ÍSLANDS
konfusius@hi.is | www.konfusius.hi.is
Allir velkomnir,
aðgangur ókeypis
Nánar á viðburðaskrá
www.hi.is
Konfúsíusarstofnunin Norðurljós og KÍM kynna
hádegisfyrirlestur Hjörleifs Sveinbjörnssonar:
Fyrirlestraröð í tilefni 40 ára afmælis stjórnmála-
sambands Íslands og Alþýðulýðveldisins Kína
Huang Nubo og kínversk-
íslenski menningarsjóðurinn
Árnagarður 301, 14. okt. kl. 12:00
Ragnar, eru þetta þá stolin
lög?
„Já, nema ég finni þau aftur.“
Tónlistarmaðurinn Ragnar Árni Ágústsson
varð fyrir því að hljóðfæri hans, upp-
tökubúnaður og hljóðritunum var stolið í
innbroti í síðustu viku.
MENNTAMÁL „Það kom mér á
óvart en þannig er þetta víst,“
segir Kjartan Ágúst Pálsson sem
útskrifast sem fyrsti íslenski
karlkyns kjólameistarinn í 55 ár.
Kjartan er í Tækniskólan-
um. Hann mun útskrifast sem
kjólameistari á laugardaginn og
hyggst ljúka klæðskeranáminu
öllu um næstu áramót. Þannig
verður hann jafnvígur á karl-
mannsföt og kvenmannsflíkur.
Í útskriftarhópnum á laugar-
daginn eru fjórtán manns og er
Kjartan eini karlinn í þeim flokki
því þótt annar kynbróðir hans sé
nú við klæðskeranám við Tækni-
skólann leggur sá ekki fyrir sig
að sauma á konur. Aðspurður
segir Kjartan nemendahópinn
vera frábæran.
„ Hópur i nn er ótr ú lega
skemmtilegur og uppbyggjandi
eins og öll þessi stétt er. Þær
sem eru í þessu eru það af mikilli
ástríðu. Og þær eru í þessu til að
hjálpa öðrum – það virðast allir
vera tilbúnir að hjálpa manni,“
segir Kjartan.
Að sögn Kjartans hefur hann
gaman af öllu sem tengist grein-
inni sem hann hafi brennandi
áhuga á og vilji gera að lífsstarfi.
Hann hafi að undanförnu ein-
blínt talsvert á tímabilið í kring-
um stríðsárin og þann sígilda stíl
sem þá réði ríkjum.
„Ég var alveg fastur í kvik-
myndastjörnum. En uppáhald-
ið er samt alltaf það sem ég er
að gera hverju sinni – öll flór-
an. Maður getur séð fyrir sér að
starfa í hverju sem er á þessum
vettvangi,“ segir hann.
Kjartan sem er 32 ára hefur
verið fimm ár í náminu. „Nú fer
maður að finna sér einhverja
stofu til að vinna á og afla sér
reynslu til að geta komið ein-
hverju á fót sjálfur seinna meir,“
segir hann um það sem tekur við
að náminu loknu.
Hann kveður atvinnumögu-
leikana vera furðu góða.
„Eftir kreppuna virtist þessi
markaður blómstra. Fólk fór að
hugsa betur um það sem það átti
– hafði ekki lengur endalaust
fjármagn til að kaupa. Þannig
að það er verið að gera við föt og
fólk fór að kaupa sér vandaðri
flíkur – eitthvað sem endist,“
segir Kjartan Ágúst.
gar@frettabladid.is
Karl að kjólameistara
eftir hálfrar aldar hlé
Kjartan Ágúst Pálsson útskrifast frá Tækniskólanum sem kjólameistari á
laugardaginn. Kjartan er fyrsti íslenski karlinn sem lýkur náminu í 55 ár. Hann
kveðst hafa brennandi áhuga á faginu og nóg sé af atvinnutækifærum.
KJARTAN ÁGÚST PÁLSSON Kjólameistarinn tilvonandi með nokkra af þeim kjólum
sem hann hefur gert. Kjartan er eini karlinn meðal fjórtán útskriftarnema. Hann
útskrifast svo sem klæðskeri um áramót. FRÉTTABLAÐIÐ/VALLI
Ég var alveg fastur í
kvikmyndastjörnum.
En uppáhaldið er samt bara
alltaf það sem ég er að ger-
ast hverju sinni – öll flóran.
KJARTAN ÁGÚST PÁLSSON
KLÆÐSKERANEMI
ÞJÓÐKIRKJAN Biskupsstofa sendi
frá sér yfirlýsingu í gær í kjölfar
viðtals við Guðrúnu Ebbu Ólafs-
dóttur á sunnudagskvöld. Karl
Sigurbjörnsson biskup hefur ekki
viljað svara spurningum fjölmiðla,
hvorki fyrir né eftir að yfirlýsing-
arnar voru sendar út.
Í yfirlýsingu frá biskupi segir
meðal annars að viðtalið hafi vakið
upp mikla sorg, reiði og harm í
huga þjóðarinnar og framkoma
Guðrúnar Ebbu hafi vakið aðdáun
vegna þess kjarks, virðingar og
yfirvegunar sem hún sýndi.
„Við erum öll í sársaukafullu
lærdómsferli. Það er harms-
efni að erindi Guðrúnar Ebbu til
Kirkjuráðs 2009 hafi ekki verið
svarað strax skriflega og hefur
biskup beðist afsökunar á því í
ræðu og riti og persónulega. Það
skal þó skýrt tekið fram að vangá
við skráningu erindis hennar
hafði ekki áhrif á málsmeðferð-
ina,“ segir í yfirlýsingunni, sem
er undirrituð af Karli, Jóni Aðal-
steini Baldvinssyni, vígslubiskupi
á Hólum, og Kristjáni Vali Ingólfs-
syni, vígslubiskupi í Skálholti.
Kristján Valur vill ekki tjá sig
persónulega um málið að öðru
leyti en því sem fram kom í yfir-
lýsingunni.
„Sem hluti af biskupsembættinu
tel ég að ég eigi ekki að tjá mig ef
biskup Íslands hefur ákveðið að tjá
sig ekki að öðru leyti en í gegnum
fréttatilkynningu,“ segir Kristján
Valur.
„Þessi mál eru í farvegi. Mér
finnst það ekki á nokkurn hátt
tímabært að tjá mig meira.“
Spurður hvort hann telji að Karl
Sigurbjörnsson eigi að segja af sér
svarar Kristján Valur: „Biskup á
allavega ekki að segja af sér fyrir
það sem Ólafur Skúlason hefur
gert.“
Ekki náðist í Jón Aðalstein Bald-
vinsson, vígslubiskup á Hólum.
- sv
Biskup Íslands og vígslubiskuparnir tveir senda frá sér yfirlýsingu vegna viðtals við Guðrúnu Ebbu Ólafsdóttur:
Harmsaga að málinu hafi ekki verið svarað strax
KRISTJÁN VALUR
INGÓLFSSON
KARL
SIGURBJÖRNSSON
KOSIÐ Ellen Johnson Sirleaf, forseti Líb-
eríu, sýnir hér kosningaspjald sitt þegar
hún kaus í forsetakosningunum í gær.
NORDICPHOTOS/AFP
LÍBERÍA, AP Mótframbjóðendur
Ellen Johnson Sirleaf, forseta Líb-
eríu, eru engan veginn ánægðir
með tímasetninguna á tilkynning-
unni um að hún hljóti friðarverð-
laun Nóbels í ár.
Norska Nóbelsnefndin skýrði frá
þessu á föstudag, fjórum dögum
fyrir kosningar í landinu þar sem
Sirleaf sækist eftir umboði lands-
manna til annars kjörtímabils.
Fimmtán manns buðu sig fram á
móti henni. Mikil fátækt er í Líb-
eríu og mikill ójöfnuður milli ríkra
og fátækra, þannig að óánægja er
útbreidd sem gæti skilað sér í því
að Sirleaf tapi kosningunum, þrátt
fyrir þá virðingu sem hún nýtur á
alþjóðavettvangi.
Kosningar voru haldnar í gær,
en fái enginn frambjóðenda ein-
faldan meirihluta verður haldin
önnur umferð milli þeirra tveggja
sem flest atkvæði fengu. - gb
Kosningarnar í Líberíu:
Óánægðir með
tímasetningu
verðlaunanna
Slysavarnahús opnað
Velferðarráðherra hefur opnað mið-
stöð slysavarna, Slysavarnahúsið, þar
sem Árvekni – verkefnastjórn um
slysavarnir barna og unglinga er til
húsa. Einstök aðstaða er í húsinu til
kennslu fyrir foreldra og aðra sem
þurfa að fræðast um öryggi barna.
FÉLAGSMÁL
SAMGÖNGUR ÍAV og svissneska fyrirtækið Marti áttu
lægsta tilboðið í Vaðlaheiðargöng, en tilboðin voru
opnuð í gærmorgun. Tilboðið hljóðar upp á 8,9 millj-
arða króna, sem nemur 95 prósentum af kostnaðaráætl-
un Vegagerðarinnar vegna verksins.
Hún hljóðaði upp á rúma 9,3 millj-
arða króna. Þrjú önnur tilboð bárust
en þau voru öll yfir kostnaðaráætlun.
Kristján L. Möller, stjórnarmaður
í Vaðlaheiðargöngum hf., segir til-
boðin nú verða skoðuð áfram og slíkt
geti tekið allt að tvo mánuði.
„Sérfræðingar Vegagerðarinn-
ar munu nú fara yfir tilboðin og sjá
hvort það verði einhverjir fyrirvar-
ar þar,“ segir hann. „Í framhaldi af
því munum við sjá hvort verkið verði
gerlegt eða ekki.“
Kristján segist bjartsýnn á að framkvæmdir geti haf-
ist fljótlega eftir áramót, þótt hann hafi vonast til þess
að tilboðin yrðu lægri.
Ögmundur Jónasson innanríkisráðherra bíður nú
eftir greinargerð frá stjórn Vaðlaheiðarganga.
„Nú er það hennar að meta hvort framkvæmdin verði
sjálfbær í efnahagslegu tilliti,“ segir Ögmundur. „Ég
fagna því ef þetta er að ná fram að ganga á þeim for-
sendum sem var lagt upp með. En þær eru alveg skýrar
– þetta verkefni verður ekki fjármagnað úr ríkissjóði,
heldur einvörðungu úr notendagjöldum.“
Vaðlaheiðargöng verða 7,5 kílómetrar og munu stytta
hringveginn um 16 kílómetra. Gert er ráð fyrir opnun
í árslok 2014. - sv
Þingmaður bjartsýnn á að framkvæmdir við Vaðlaheiðargöng hefjist fljótlega:
Vonaðist eftir lægri tilboðum
VAÐLAHEIÐI Göngin í gegn um Vaðlaheiði munu stytta hring-
veginn um 16 kílómetra.
KRISTJÁN L.
MÖLLER
FÓLK „Það stefnir í eitthvað mjög
frábært. Allt gengur mjög vel, það
er mikið líf alls staðar og bærinn
er að fyllast af fólki,“ segir Grím-
ur Atlason, framkvæmdastjóri tón-
listarhátíðarinnar Iceland Airwaves
sem hefst í dag og stendur fram á
sunnudag.
Von er á þrjú þúsund erlendum
gestum á hátíðina, þar á meðal
fjölda fréttamanna sem munu fjalla
um hátíðina. Svipaður fjöldi lands-
manna mun einnig mæta. Mikið
hefur verið rætt um mikilvægi
hátíðarinnar og í fyrra var sagt að
hún velti um milljarði króna beint
og óbeint. Hátíðin hlýtur því að hafa
mikil jákvæð áhrif á rekstur versl-
ana og veitingahúsa, svo dæmi séu
tekin? „Já, þetta er alveg gríðarlega
mikilvægt.“
Þá er ekki nauðsynlegt að eiga
aðgöngumiða á hátíðina til að njóta
þeirra tónlistarmanna sem koma
fram. Svokölluð off-venue dagskrá
er orðin mjög stór hluti af hátíðinni
að sögn Gríms. Þá spila listamenn-
irnir oftar og ekki aðeins á kvöldin
fyrir gesti hátíðarinnar. - þeb
Iceland Airwaves hefst í dag:
Gríðarlega
mikilvæg hátíð
HEILBRIGÐISMÁL St. Jósefsspítala
í Hafnarfirði verður lokað um
áramótin. Björn Zoëga, forstjóri
Landspítalans, tilkynnti þetta á
starfsmannafundi í gærdag. Frá
þessu var greint í fréttum RÚV.
Þar kom fram að reynt verði að
finna starfsfólki spítalans önnur
störf á Landspítalanum en upp-
sagnir verði óhjákvæmilegar.
Alls starfa 29 manns á St. Jós-
efsspítala. Sjúklingar sem þar
dvelja verða færðir á Landspítal-
ann. Gert er ráð fyrir því að um
190 milljónir sparist með því að
loka spítalanum en Landspítalan-
um er gert að skera niður um 630
milljónir samkvæmt fjárlögum
næsta árs. - sv
Uppsagnir óhjákvæmilegar:
St. Jósefsspítala
verður lokað
SPURNING DAGSINS