Fréttablaðið - 12.10.2011, Blaðsíða 24

12. október 2011 MIÐVIKUDAGUR4
ÞAÐ ER KOMINN TÍMI Á
DEKKJASKIPTI. KOMDU
NÚNA OG SLEPPTU VIÐ
BIÐRÖÐINA. UMFELGUN FRÁ 5.641 KR.
FLESTAR STÆRÐIR HEILSÁRS- OG
VETRARDEKKJA FYRIR FÓLKSBÍLA
OG JEPPLINGA. FJÖLDI TEGUNDA
Á GÓÐU VERÐI.
RAUÐHELLU 11
HJALLAHRAUNI 4
DUGGUVOGI 10
HJÓLBARÐAÞJÓNUSTA
RVK
HFJ
568 2020
PITSTOP.IS
HFJ
WWW
SÍMI
ÓNEGLD VETRAR- OG HEILSÁRSDEKK – UMHVERFISVÆNNI KOSTUR
Ný gerð Toyota Prius, svokall-
aður Prius Plug-in, er væntanleg
á markað á næsta ári. Toyota
hafði nýlega til umráða slíkan
bíl hér á landi sem fólki stóð til
boða að prófa, meðal annars
blaðamanni Fréttablaðsins.
Það sem greinir Prius Plug in
frá hinum hefðbundna Prius er
Lithium-Ion batterí sem má hlaða
þannig að keyra má bílinn tuttugu
kílómetra á rafmagni eingöngu á
allt að hundrað kílómetra hraða
á klukkustund. Þar fyrir utan er
Priusinn venjulegur bensínbíll
með 1,8 l vél, sjálfskiptur og með
allan venjulegan búnað bíla af
þessari stærð.
Prius Plug-In er aðallega ætlað-
ur til notkunar í borgum þar sem
hann er notaður til styttri ferða. Ef
bíllinn er hlaðinn heima og jafn-
vel í vinnu geta notendur nánast
eingöngu ekið bílnum á rafmagni.
Talið er að meðallengd bílferða í
Reykjavík sé 4,17 km og frá Lækj-
artorgi upp í Mosfellsdal eru 20
km og frá Gróttu á Seltjarnarnesi
að Elliðavatni eru 17,3 km. Því
kemst Priusinn ansi víða á hleðsl-
unni þó að 20 km hljómi auðvitað
ekki mikið. Þó er ekki stór skaði
skeður þótt hleðslan klárist, því þá
er hægt að keyra á bensínvélinni
eins og á venjulegum bíl. Um níu-
tíu mínútur tekur að hlaða bílinn
og hleðslan kostar um 52 krónur
sem aka má á 20 km. Hins vegar
kostar 374 krónur að aka 20 km á
bíl sem eyðir 8 l/100km.
Talið er að fólk geti ekið bílnum
á rafmagni 80 prósent tímans. Út
frá því má reikna að meðaleyðsla
á bensíni sé 2,6 lítrar á 100 km og
útblástur CO2 um 49g km.
Prius Plug-in
Prius Plug-in er með Lithium-Ion batteríi sem má hlaða þannig að hægt er að aka
bílinn tuttugu kílómetra á rafmagni eingöngu. FRÉTTABLAÐIÐ/VALLI
Snúra er tengd í tengil á bílnum og
síðan í innstungu.
Í mælaborðinu er hægt að fylgjast með
hve lengi er hægt að aka á hleðslunni.
Októberferð Litlunefndar
Ferðaklúbbsins 4x4 verður farin
í Hrafntinnusker á laugardaginn.
Litlanefndin heldur í dagsferð 15.
október á lítið breyttum og óbreytt-
um jeppum. Í fyrsta áfanga verð-
ur farið að Keldum, austan Hellu
en þegar malbikinu sleppir verður
mýkt í dekkjum fyrir áframhaldið.
Stefnt er á að fara hluta Fjallabaks-
leiðar syðri norður fyrir Laufafell
og þaðan að íshellunum við Hrafn-
tinnusker að sögn Ólafs Magnús-
sonar formanns Litlunefndar. Frá
Hrafntinnuskeri á síðan að halda
yfir þúsundmetrahólinn, niður
Pokahrygg, á Landmannaleið og
eftir henni á Landveg.
Síðasti skráningardagur í ferðina
er í dag á www.f4x4.is. - gun
Á þúsundmetrahól
Ólafur segir farið á lítið breyttum og óbreyttum jeppum. FRÉTTABLAÐIÐ/GVA