Fréttablaðið - 12.10.2011, Blaðsíða 6

12. október 2011 MIÐVIKUDAGUR6
ReykjavíkurvegiHoltagörðumBorgartúni Sími 414 9900 www.tekkland.is
15% afsláttur
til N1 korthafa
Mundu að framvísa N1 kortinu til að
tryggja þér afsláttinn.
Elsa Bára Traustadóttir sálfræðingur heldur námskeið
í reiðistjórnun í húsi Kvíðameðferðarstöðvarinnar (KMS),
Skútuvogi 1a. Námskeiðið er ætlað körlum og konum
Reiði og neikvæð viðbrögð við reiði og
lífsgæði fólks verulega.
Nánari upplýsingar og skráning í síma 662-8318 eða
með tölvupósti þar sem fram kemur nafn, kennitala
og símanúmer á póstfangið: elsabt@simnet.is
Námskeiðið hefst 17. október og lýkur 17. nóv
Faxafeni 14 www.heilsuborg.is
Viltu léttast og láta þér líða betur?
Nýtt námskeið hefst 24. okt.
Heilsulausn 3- Hentar einstaklingum sem glíma við offitu, ofþyngd,
hjartasjúkdóma og /eða sykursýki. 12 mánaða námskeið að léttara lífi.
Grunnnámskeið
2 mán. og
framhaldsnámskeið
10 mán.
Verð 14.900 kr.
á mánuði í ár
Að námskeiðinu standa
læknar, íþróttafræðingar,
hjúkrunarfræðingar,
markþjálfi, sjúkraþjálfari
og næringarfræðingur.
Skráning á
mottaka@heilsuborg.is
eða í síma 560 1010.
DÓMSMÁL Tæplega fertugur karl-
maður, Redouane Naoui, neitaði
sök við fyrirtöku máls í Héraðs-
dómi Reykjavíkur í vikunni, þar
sem hann er sakaður um mann-
dráp. Naoui bar við minnisleysi
um þá atburði sem áttu sér stað
í júlí á veitingastaðnum Monte
Carlo í Reykjavík, þar sem maður
var stunginn með hnífi og lést
síðan af völdum áverkanna.
Redouane Naoui er gefið að
sök að hafa að kvöldi fimmtu-
dagsins 14. júlí 2011, á veitinga-
staðnum Monte Carlo á Laugavegi
34 í Reykjavík, veist að íslensk-
um manni með hnífi og stungið
hann í hálsinn vinstra megin með
þeim afleiðingum að slagæð fór í
sundur.
Árásarmaðurinn, sem hefur
verið búsettur hér á landi í átta ár,
var handtekinn á veitingastaðn-
um eftir atlöguna. Maðurinn sem
fyrir árásinni varð var fluttur á
Landspítalann. Hann lést 26. júlí
2011 af völdum áverkanna.
Aðstandendur hins látna krefj-
ast þess að Naoui verði dæmdur
til greiðslu bóta samtals að fjár-
hæð ríflega fimm milljónir króna.
- jss
Ákærður fyrir að hafa valdið dauða annars manns, en ber við minnisleysi:
Neitaði sök í manndrápsmáli
DÓMSMÁL Karlmaður um fertugt
hefur verið dæmdur í tveggja
mánaða skilorðsbundið fangelsi
fyrir að bíta lögreglumann.
Manninum er gefið að sök að
hafa í mars síðastliðnum ráðist
með ofbeldi á viðkomandi lög-
reglumann á lögreglustöðinni
í Reykjanesbæ og bitið hann í
þumalfingur hægri handar.
Afleiðingarnar urðu þær að
lögreglumaðurinn hlaut tveggja
sentimetra skurð yfir fingurinn
og annað bitsár rétt við naglrót
hægri þumalfingurs. - jss
Beitti tönnum á lögreglustöð:
Beit í hönd á
lögreglumanni
REDOUANE NAOUI Fyrirtaka í máli
gegn honum fór fram í héraðsdómi í
vikunni. FRÉTTABLAÐIÐ/GVA
DÓMSMÁL Alþingiskonan Siv Frið-
leifsdóttir hefur beðið lögreglu að
fara yfir öryggismál hennar vegna
tölvupósts frá Þorsteini Húnboga-
syni, fyrrverandi sambýlismanni
hennar, sem hún telur að innihaldi
hótanir.
Þetta kom fram í Héraðsdómi
Reykjavíkur í gær þar sem fram
fór aðalmeðferð í máli ákæruvalds-
ins gegn Þorsteini. Þorsteinn er
ákærður fyrir brot á fjarskiptalög-
um með því að hafa komið fyrir eft-
irfararbúnaði í bíl sem hún hafði til
umráða. Hann gat með því nálgast
nákvæmar upplýsingar um ferðir
hennar á lokuðu vefsvæði.
Talsverður munur var á frásögn-
um Þorsteins og Sivjar fyrir dómn-
um.
Saga Þorsteins er eitthvað á
þessa leið: Hann hafi rætt það við
Siv snemma árs 2010 að þau þyrftu
að koma ökurita fyrir í bíl sínum
því sonur þeirra væri að fara að
nota hann í æfingaakstri og að
loknu bílprófi.
Um haustið, eftir að þau slitu
sambúð, hafi hann síðan látið verða
af því, farið með annan bíl þeirra
á verkstæði og látið koma ökurita
fyrir. Sé ökuriti í bíl þarf að auð-
kenna hann með límmiða í hliðar-
glugga bílstjóra og segist Þorsteinn
hafa beðið um annan slíkan, enda
kynni hann að vilja færa ökuritann
í hinn bíl þeirra – þann sem Siv not-
aði hvað mest.
Það segist hann svo hafa gert,
ekki til að njósna um Siv, heldur
af því að sonur hans mundi líklega
nota þann bíl meira. Hann hafi límt
miðann sem hann fékk á verkstæð-
inu í afturrúðuna.
Þorsteinn segist alls ekki hafa
verið kominn upp á lagið með að
nota vefsvæðið sem fylgdi ökurit-
anum þegar Siv kærði hann. Hann
hafi því einfaldlega ekki kunnað
að fylgjast með ferðum fólks með
aðstoð hans. „Ef þessi kæra er lesin
er hún bara hreinn og klár sóða-
skapur,“ sagði Þorsteinn um kæru
Sivjar.
„Það er haugalygi,“ sagði Siv um
þá fullyrðingu Þorsteins að þau
hefðu rætt það fyrr á árinu að koma
fyrir ökurita í bílnum.
Að hennar sögn fór hún að verða
vör við það skömmu eftir að hún
sleit sambúðinni við Þorstein í
fyrrahaust að hann virtist vita
mikið um það hvar hún héldi sig
dags daglega og birtist jafnvel á
stöðunum eins og fyrir tilviljun.
„Ég hélt fyrst að hann væri með
manneskju að elta mig,“ sagði Siv.
Hún hafi orðið mjög vör um sig og
kvaðst hafa vitað til þess að Þor-
steinn hefði beðið fólk að fylgjast
með henni.
Eftir því sem tilvikunum fjölgaði
sagðist Siv hafa áttað sig á því að
tæpast gæti verið um tilviljun að
ræða. Hún hafi því að endingu farið
með bílinn á verkstæði og beðið
um að leitað yrði að njósnabúnaði í
honum. Þar hafi þau svör fengist að
engin ytri ummerki væru um slík-
an búnað, til dæmis enginn límmiði
í glugga. Við ítarleit hafi ökuritinn
þó fundist.
„Ég vildi helst ekki trúa þessu
en það bara hlaut að vera. Mér mis-
býður bara svona,“ sagði Siv. Að
baki njósnunum byggi „einbeittur
vilji til að reyna að knésetja“ hana.
Siv sagðist halda að límmið-
inn sem lögregla fann í afturrúðu
bílsins hefði ekki verið þar fyrr
en málið komst upp. Þá hefði Þor-
steinn stolið gömlum límmiða af
öðrum bíl og komið honum fyrir
á sínum „til að þykjast hafa merkt
bílinn“.
Þessi kenning fékk nokkra stoð í
framburði vitna. Þannig könnuðust
starfsmenn fyrirtækisins þar sem
Þorsteinn keypti ökuritann ekki við
að hann hefði fengið aukalímmiða,
auk þess sem miðinn sem fannst í
glugganum var af gerð sem ekki
hefur verið notuð í fimm ár. Þá bar
lögregluþjónn að miðinn hefði verið
snjáður, líkt og hann hefði verið
notaður áður.
Siv bar fleiri sakir á Þorstein í
dómsalnum í gær, sem ekki koma
málinu beint við. Málið sem nú
væri fyrir dómi væri aðeins topp-
urinn á ísjakanum. Hún sagði hann
hafa sent sér „ógeðsleg sms“, hefði
brotist inn í upplýsingar um sím-
notkun hennar og sent þær út í
bæ til greiningar og hótað henni
í tölvupósti. „Ég varð mjög hrædd
og vildi að lögregla færi yfir það
hvort ég þyrfti að gera ráðstafan-
ir,“ sagði Siv.
Dagmar Ösp Vésteinsdóttir, sem
flutti málið af hálfu ákæruvaldsins,
sagði að Þorsteinn hefði með athæfi
sínu brotið gróflega gegn friðhelgi
einkalífs Sivjar og fór fram á að
hann yrði dæmdur í tveggja mán-
aða skilorðsbundið fangelsi.
Brynjólfur Eyvindsson, lögmað-
ur Þorsteins, sagði á móti að meint
afbrot Þorsteins væru með öllu
ósönnuð. Það eina sem lægi fyrir
væri að hann hefði komið ökurita
fyrir í bíl sem skráður hefði verið
á son þeirra en hefði í raun verið
eign Þorsteins. Honum hafi verið
fyllilega heimilt að gera það, enda
hafi Siv notað bílinn í heimildar-
leysi eftir sambúðarslitin.
Þá sagði Brynjólfur að engar
sannanir væru fyrir því að Þor-
steinn hefði nokkurn tímann notað
kerfið sem fylgdi ökuritanum til
að grafast fyrir um ferðir Sivj-
ar. Meðal gagna í málinu er þó
útprentaður listi sem Siv fann á
heimili Þorsteins yfir staði sem hún
hafði verið á tiltekinn dag.
stigur@frettabladid.is
Siv bað lögregluna að
kanna öryggismál sín
Siv Friðleifsdóttir segist hafa óttast um öryggi sitt vegna hegðunar fyrrverandi
sambýlismanns síns, Þorsteins Húnbogasonar. Saksóknari fór í gær fram á að
Þorsteinn yrði dæmdur á tveggja mánaða skilorð fyrir að njósna um Siv.
Í HÉRAÐSDÓMI Í GÆR Gærdagurinn hjá Siv Friðleifsdóttur hófst með því að hurð í bílageymslu Alþingis skelltist á hönd hennar
svo hún þríbrotnaði. Hún mætti síðan eftir hádegi í héraðsdóm og bar vitni í máli gegn fyrrverandi sambýlismanni sínum. Á
myndinni til vinstri má sjá Þorstein ásamt lögmanni sínum, Brynjólfi Eyvindssyni. FRÉTTABLAÐIÐ/GVA
Ég varð mjög hrædd
og vildi að lögregla
færi yfir það hvort ég þyrfti
að gera ráðstafanir.
SIV FRIÐLEIFSDÓTTIR
ALÞINGISMAÐUR
Telur þú að Karl Sigurbjörnsson
biskup eigi að segja af sér?
JÁ 76,3%
NEI 23,7%
SPURNING DAGSINS Í DAG:
Styður þú framkvæmdir við
Vaðlaheiðargöng?
Segðu þína skoðun á Vísi.is
KJÖRKASSINN