Fréttablaðið - 18.11.2011, Síða 38

4 föstudagur 18. nóvember
Lilja Nótt Þórarins-
dóttir fór með hlutverk
Snæfríðar Íslandssólar
skömmu eftir útskrift úr
Leiklistarskóla Íslands
og hlaut mikið lof fyrir.
Nú hefur hún komið á
fót leikhópnum Suðsuð-
vestur sem setur upp
leikritið Eftir lokin í
Tjarnabíói.
Viðtal: Sara McMahon
Mynd: Vilhelm Gunnarsson
L
ilja Nótt er uppalin
á bóndabýlinu Eyvík
í Grímsnesi og flutti
snemma að heiman
og til Reykjavíkur til
að geta lokið grunnskólagöngu
sinni. „Ég flutti til föðurbróður
míns í Mosfellsbæinn þegar ég
var þrettán ára. Ég var að springa
úr gelgju á þessum tíma, foreldr-
ar mínir og bróðir geta vottað
fyrir það, því fannst mér æðislegt
að flytja úr sveitinni og komast í
stærri skóla.“
Lilja segir föðurafa sinn hafa
átt stóran þátt í að hún smitaðist
af leiklistarbakteríunni því hann
starfaði lengi sem leiksviðsstjóri
Þjóðleikhússins og fékk Lilja oft
að fylgja honum til vinnu þegar
hún var yngri. „Þetta er titill sem
er ekki til lengur en á þessum
tíma sá hann um allt sem tengd-
ist sviðinu. Ég fékk stundum að
fara með afa í vinnuna þegar ég
var í pössun hjá honum og ömmu
og fékk þá að fara baksviðs eftir
sýningar og ég held að það hafi
átt stóran þátt í að kveikja þenn-
an áhuga minn,“ segir Lilja Nótt
sem var ung farin að semja ljóð
sem hún flutti fyrir hvern þann
er hlýða vildi og taka þátt í skóla-
leikritum.
„Ég tók þátt í öllum skólaleik-
ritum og elskaði að dansa, þó það
hafi verið svolítið erfitt að stunda
„free-style“ dans upp í sveit. Ætli
ég hafi ekki verið tólf ára þegar ég
áttaði mig á því að leiklistin væri
það sem ég vildi gera í lífinu og
síðan þá hefur fátt annað komið
til greina.“
JÓL Á BAHAMA
Lilja vann ýmis ólík störf áður en
hún sneri sér að leiklistinni, til
að mynda starfaði hún á snekkju
bandarísks auðjöfurs á Bahama
um hríð ásamt vinkonu sinni.
Þær bjuggu um borð í snekkjunni
en starfið var ekki sveipað þeim
ævintýraljóma sem Lilja hafði
búist við í upphafi. „Þessi Banda-
ríkjamaður hafði verið mikið á
Íslandi og ég held að hann hafi
verið hrifinn af vinnusemi Íslend-
inga og þess vegna viljað ráða til
sín íslenskt starfsfólk. En þetta
fór svo allt út um þúfur, snekkj-
an var meira og minna biluð allan
tímann sem við vorum úti og við
vorum settar í að skrúbba burt ryð
ofan í skutnum þannig það var
lítill glamúr í þessu,“ segir hún
og hlær.
Alls dvaldi Lilja í fimm mán-
uði á eyjunni og upplifði þar ým-
islegt framandi, svo sem snjólaus
jól með ljósaskreyttum pálma-
trjám. „Ég er rosalegt jólabarn! Ef
kærasti minn mundi sleppa mér
lausri mundi ég kaupa jólaserí-
ur fyrir fimmtíu þúsund krónur
hver einustu jól, ég fæ ekki nóg
af þessu. Það var því mjög skrít-
ið að upplifa jól á Bahamaeyjum
þar sem pálmatré voru skreytt
með seríum, jólalögin voru með
bongótrommuspili og svo auðvi-
tað enginn snjór. Ég man að ég lá í
kojunni minni í bátnum og hlust-
aði á Ellý Vilhjálms syngja jóla-
lög í litlum ferðageislaspilara og
hugsaði heim.“
LEIKLIST EINS OG HVER
ÖNNUR VINNA
Hún viðurkennir að hún hafi
verið lengi að ákveða sig hvort
hún ætti að sækja um í leiklist-
arnám og segir óttann við neitun
hafa átt stóran þátt í því hversu
lengi hún var að taka af skarið.
Árið 2004 bauðst Lilju hlutverk í
kvikmyndinni Strákarnir okkar og
varð sú upplifun til þess að hún
ákvað að lokum að sækja um í
Listaháskólanum. „Ég var komin
inn í leiklistarskóla í Englandi
en frestaði því námi um ár svo
ég gæti tekið að mér hlutverkið í
Strákunum okkar. Á meðan ákvað
ég að skella mér í inntökuprófið
hér líka til að sjá hvað gerðist og
viti menn, ég komst inn. Ég kaus
Listaháskólann fram yfir skól-
ann í Englandi og tíminn þar er
líklega sá skemmtilegasti sem ég
hef upplifað.“
Auk Strákanna okkar hefur
Lilja leikið í kvikmyndunum 101
Reykjavík og Reykjavík Rotter-
dam en í þeirri síðarnefndu fór
hún með hlutverk Írisar, eigin-
konu Baltasars Kormáks. Innt
eftir því hvort það hafi verið
taugatrekkjandi að mæta fyrsta
daginn í vinnuna vitandi að hún
ætti eftir að leika á móti tveim-
ur af þekktari leikurum landsins
svarar hún því neitandi. „Maður
spáir lítið í það því þetta er bara
vinnan manns, svo eru þeir báðir
svo yndislegir að maður er fljót-
ur að verða afslappaður í návist
þeirra. Ætli þetta sé ekki eins og
að vinna inni á Alþingi, þá gengur
maður líklega ekki um og hugs-
ar; „Guð minn góður, þarna er
Steingrímur J!“
Starf leikara er þó ólíkt starfi
flestra og þurfti Lilja til að mynda
að kyssa mótleikara sína strax
fyrsta tökudaginn á Reykjavík
Rotterdam. „Við vorum að taka
upp „flash back“ senur, sem voru
allar klipptar úr, og ég þurfti að
kyssa bæði Ingvar E. og Baltasar
Kormák og ég viðurkenni að það
var skrítið að byrja fyrsta dag-
inn á þennan hátt. En svo verð-
ur þetta fljótt eðlilegur hluti af
starfinu.“
Kærasti Lilju heitir Ólafur
Gauti Guðmundsson og starfar
sem hugbúnaðarverkfræðingur
og segir Lilja að það þurfi að ríkja
mikill skilningur og traust á milli
pars þegar annar aðilinn neyðist
til að kyssa samstarfsfélaga sína
í vinnunni. „Ég hef rætt þessi
mál við samstarfsfélaga mína og
þetta er alltaf viðkvæmt, jafnvel
þótt makinn sé líka leikari. Maður
Kossaflens fyrsta
vinnudaginn
Sjálfstæð Lilja Nótt Þórarinsdóttir hefur
komið víða við á stuttum leikferli. Hún
fór með hlutverk Snæfríðar Íslandssólar
í Þjóðleikhúsinu en starfar nú sjálfstætt
með leikhópnum Suðsuðvestur.
verður bara að ræða þessa hluti
og sýna makanum tillitssemi.“
GAT EKKI AFÞAKKAÐ
HLUTVERK SNÆFRÍÐAR
Lilja útskrifaðist úr Leiklistarskól-
anum árið 2009 og bauðst henni
vinna bæði hjá Þjóðleikhúsinu
og Borgarleikhúsinu skömmu
eftir útskriftina. Hún segist hafa
verið tvístígandi með að velja á
milli en þegar henni bauðst hlut-
verk Snæfríðar í Íslandsklukk-
unni gat hún ekki afþakkað. „Ég
held það séu fáar íslenskar leik-
konur sem myndu segja nei við
því hlutverki.“
Hún viðurkennir að tilboðið hafi
komið flatt upp á hana enda var
hún nýútskrifuð og hlutverkið
krefjandi. „Þetta var mikil pressa
en Benedikt (Erlingsson) er alveg
einstakur leikstjóri og passaði
vel upp á mig. Hann treysti mér
fullkomlega og skapaði jákvætt
og gott vinnuumhverfi fyrir leik-
arana. Það sem mér þótti erf-
iðast við hlutverkið var vitneskj-
an um að allir hafa sína skoðun á
Snæfríði og að ég gæti aldrei upp-
fyllt kröfur allra. En ef þú reynir
að þóknast öllum verður persón-
an hvorki fugl né fiskur og þá ertu
búinn að skjóta þig í fótinn.“
SJÁLFSTÆÐIÐ
SKEMMTILEGT
Lilja er einn af stofnendum og
meðlimum leikhópsins Suðsuð-
vestur sem sýnir verkið Eftir lokin
í Tjarnabíói, en sýningum lýkur í
byrjun desember. Verkið er eftir
Dennis Kelly og segir frá tveimur
vinnufélögum. Þau eru innilok-
uð í sprengjubyrgi eftir sprengju-
árás. Saman reyna þau að þrauka
í gegnum hörmungarnar og hvort
annað á meðan þau hírast inni-
lokuð í byrginu. Leikstjóri verks-
ins er Stefán Hallur Stefánsson og
leikur Sveinn Ólafur Gunnarsson
á móti Lilju. „Verkið er spennu-
verk og við Sveinn erum tvö ein á
sviðinu allan tímann. Áhorfendur
sitja allt í kringum okkur þannig
að það ríkir mikil nánd milli okkar
og þeirra sem mér finnst mjög
krefjandi.“