Fréttablaðið - 19.12.2011, Blaðsíða 56

19. desember 2011 MÁNUDAGUR40
VILDARÁSKRIFT AÐ STÖÐ 2 INNIHELDUR AUK STIGVAXANDI AFSLÁTTAR. 512 5100 STOD2.IS VERSLANIR VODAFONE VERSLANIR OG ÞJÓNUSTUVER SÍMANS 800 7000
BYLTING Í
ÞÆGINDUM
Nú getur þú horft á Stöð 2 hvar og hvenær sem er.
Stöð 2 Netfrelsi gerir þér kleift að horfa á eftirlætis
þættina þína í tölvunni, farsímanum eða spjald-
tölvunni – þegar þér hentar.
TÖLVASNJALLSÍMI SPJALDTÖLVA
Nýjung fyrir áskrifendur Stöðvar 2
Allt uppáhaldsefnið þitt, innlent og erlent er aðgengilegt í tvær
vikur eftir frumsýningu. Farðu inn á stöð2.is, veldu Netfrelsi,
skráðu þig og byrjaðu að horfa - en hver þáttur kostar aðeins
30 Stöðvar 2 punkta fyrstu tvo mánuðina. Nýttu þér Stöð 2
Netfrelsi – hvar og hvenær sem er!
HANDBOLTI Þjálfarinn Aron Krist-
jánsson er að gera magnaða hluti
með lið Hauka í N1-deild karla og
hefur sýnt enn og aftur að hann er
einn af okkar bestu þjálfurum um
þessar mundir.
Aron gerði Hauka að Íslands-
meisturum þrjú ár í röð áður en
hann hélt í víking til Þýskalands,
þar sem hann tók við liði Hann-
over-Burgdorf. Aron var rekinn
frá félaginu undir lok síðasta tíma-
bils og ákvað að koma aftur heim.
Á meðan Aron var úti gekk allt
á afturfótunum hjá Haukum, sem
komust ekki einu sinni í úrslita-
keppnina. Var því ekki búist við
allt of miklu af liðinu í vetur en
undir stjórn Arons er það frekar
óvænt á toppi deildarinnar.
„Mér fannst margt hafa breyst
hjá Haukunum á þessu ári sem ég
var úti. Bæði voru það áherslur
hjá félaginu og að mér fannst
vanta harðari ramma í kringum
liðið og aukið skipulag. Það hafði
talsvert verið slakað á klónni frá
því ég var síðast á Ásvöllum,“
sagði Aron um heimkomuna.
Halldór Ingólfsson tók við af
Aroni en undir stjórn Halldórs
virkaði lið Hauka óagað og ekki
í nægilega góðu líkamlegu formi.
Fór því svo að Halldór var rekinn
og Gunnar Berg Victorsson klár-
aði tímabilið sem þjálfari liðsins.
„Þegar félög hafa verið lengi
á toppnum sofna menn stundum
á verðinum og taka árangrinum
sem sjálfsögðum. Það er ekki gott
því það krefst mikillar vinnu og
fagmennsku að vera á toppnum,“
sagði Aron, en flestir voru á því
að ungu strákarnir í Haukaliðinu
hefðu tekið skref til baka í fyrra.
„Ég sá talsvert af leikjum með
þeim á netinu í fyrra og það vant-
aði stöðugleika og karakter. Menn
virkuðu líka ekki í nægilegu góðu
líkamlega standi. Það sýndi sig er
leið á tímabilið.“
Aron var fljótur að taka til
hendinni eftir að hann tók við
á nýjan leik og æfðu Haukarn-
ir gríðarlega vel í sumar. „Það
þurfti að herða agann í kringum
liðið og fá menn til þess að leggja
sig mikið fram. Við byrjuðum því
snemma að æfa af krafti og bæta
líkamlega þáttinn. Það var mikið
um mælingar og vigtanir í allt
sumar til að halda á mönnum á
tánum. Þær mælingar komu ekki
vel út í byrjun sumars en síðan
voru miklar framfarir enda menn
að taka vel við sér.“
Aron segir að það hafi verið
áskorun fyrir sig að koma Haukum
aftur í hóp þeirra bestu. Eru fram-
farirnar samt hraðari en hann gerði
ráð fyrir?
„Ég var ekki með þær væntingar
að við yrðum á toppnum í kringum
jólin. Ég vildi að við bættum okkur
stig frá stigi og sæjum svo hvað
gerðist.“
Þjálfarinn geðugi er þekktur
fyrir að koma vel fyrir og miss-
ir sjaldan stjórn á skapi sínu. Það
gerðist þó á Akureyri um daginn er
Haukar töpuðu á síðustu sekúndu.
Þá reiddist Aron verulega, rauk inn
á völlinn og fór hálfur úr bolnum í
reiðikasti.
„Konan mín er búin að nudda mér
upp úr þessu daglega og þetta ger-
ist því örugglega ekki aftur. Ég er
vanur að halda ró minni en þarna
var ég orðinn svo pirraður því við
vorum slakir út af einbeitingarleysi.
Svo köstum við þessum leik út um
gluggann og ég varð bara mjög pirr-
aður og brást svona við. Ég reif í
bolinn og svo festist hann á hausn-
um á mér,“ sagði Aron og hló við er
hann rifjaði þetta atvik upp.
Fjölskylda Arons var mjög ánægð
með að komast aftur heim til Íslands
og því gerir hann ekki ráð fyrir því
að reyna fyrir sér aftur erlendis á
næstu árum.
„Það er mikil gleði yfir því að
vera komin heim. Ef svo færi þá
færi ég einn en það er ekkert að
fara að gerast á næstu árum, tel ég.“
henry@frettabladid.is
Það vantaði aga og festu í hópinn
Aron Kristjánsson er búinn að rífa Haukana upp á nýjan leik. Hann segir að margt hafi breyst hjá félaginu
á því eina ári sem hann var fjarverandi. Það hafi því verið mikil áskorun að rífa Haukana aftur upp á
meðal þeirra bestu. Hann stefnir ekki á að þjálfa aftur erlendis á komandi árum.
AGI OG FESTA Aron hefur komið skikki á leik Haukaliðsins á nýjan leik og það mætir
Íslandsmeisturum FH í stórleik í kvöld. FRÉTTABLAÐIÐ/HAG
FÓTBOLTI Barcelona varð heims-
meistari félagsliða í gær með
öruggum 4-0 sigri á brasilíska
liðinu Santos.
Talsvert var gert úr því að
í leiknum myndi besti knatt-
spyrnumaður heims, Lionel
Messi, mæta efnilegasta leik-
manni heims, Neymar. Í leiknum
mátti sjá að það er talsvert bil á
milli þess besta og efnilegasta.
Á meðan Messi lék á alls oddi og
skoraði tvö mörk komst Neymar
lítt áleiðis. Yfirburðir Barcelona í
leiknum voru ótrúlegir. Messi var
valinn besti leikmaður mótsins.
Hin mörk Barcelona skoruðu
Xavi og Cesc Fabregas. Staðan
var 3-0 í hálfleik og Barca gat því
slakað á klónni í síðari hálfleik en
samt haft betur.
„Ég veit ekki hvort Barcelona
er ósigrandi en þetta er besta lið
heims. Við lærðum í dag hvað fót-
bolti er,“ sagði hinn 19 ára gamli
Neymar auðmjúkur eftir leikinn
„Þetta var bara kennslustund í
fótbolta.“ - hbg
Barcelona vann HM félagsliða
Yfirspiluðu
Santos
HETJAN Messi sýndi frábæra takta í gær
og skoraði tvö mörk. NORDIC PHOTOS/AFP