Fréttablaðið - 22.12.2011, Side 78

22. desember 2011 FIMMTUDAGUR62
KÆRU JÓLASVEINAR, GEFIÐ STÖÐ 2 Í SKÓINN!
Eins og allir jólasveinarnir vita er áskrift að Stöð 2 tilvalin aðfangadagsgjöf í skóinn. Með gjafakorti Stöðvar 2 getur þú virkjað áskriftina
á Þorláksmessu eða á aðfangadag og gildir hún í heilan mánuð. Njóttu þess að hafa Stöð 2 yfir hátíðarnar!
Við erum í Kringlunni í dag.
Þar færð þú Stöð 2 í skóinn.
VILDARÁSKRIFT AÐ STÖÐ 2 INNIHELDUR AUK STIGVAXANDI AFSLÁTTAR. 512 5100 STOD2.IS VERSLANIR VODAFONE VERSLANIR OG ÞJÓNUSTUVER SÍMANS 800 7000
JÓLA BÍÓ
Stöð 2 Bíó sýnir yfir 200
úrvalskvikmyndir í hverjum
mánuði og stöðin fylgir frítt
með áskrift að Stöð 2.
Bíó ★★
Blitz
Leikstjórn: Elliott Lester
Leikarar: Jason Statham, Paddy Considine, Aidan Gillen, David
Morrissey, Zawe Ashton
Farðu úr úlpunni!
Breska hasarhetjan Jason Statham getur látið til sín taka þegar sá gállinn er
á honum. Í myndinni Blitz er hann hins vegar á sjálfstýringu og gefur lítið af
sér. Hann klæðist úlpu stóran hluta myndarinnar og ég fékk það á tilfinn-
inguna að það væri ekki ákvörðun búningadeildarinnar heldur bara það að
Statham hefði mætt á tökustað og hreinlega ekki nennt að fara úr úlpunni.
Blitz fjallar um lögreglumanninn Tom Brant sem reynir, ásamt félögum
sínum, að hafa hendur í hári löggumorðingja sem kallar sig Blitz. Brant, eins
og flestar persónur Stathams, á að sjálfsögðu að vera grjótharður og tilfinn-
ingalaus, en er ofan á það hundleiðinleg og hommafælin karlremba. Atriðin
þar sem áhorfandinn á að hlæja að því hversu dónalegur og gamaldags
hann er eru mun pínlegri en þau eru fyndin.
Myndir sem reyna að afsaka lögregluofbeldi í nafni „réttlætis“ skilja oftast
eftir óbragð í munni, og Blitz gerir það ítrekað. Statham ætti að hysja upp
um sig, fara úr úlpunni og velja aðeins betri hlutverk. Þetta fer að verða
vandræðalegt. Endum þetta samt á jákvæðu nótunum. Löggumorðinginn
er virkilega viðurstyggilegur og frábærlega leikinn af Aidan nokkrum Gillen.
Hann náði þó ekki að drepa nærri því jafn marga og Statham drap úr
leiðindum.
Haukur Viðar Alfreðsson
Niðurstaða: Þunnur þrettándi með þreyttum leikara.
Árni Ólafur Ásgeirsson og
Sigtryggur Magnason leiða
saman hesta sína við gerð
sjónvarpsþáttaraðarinnar
Mist. Fjölskyldudrama með
spennuívafi, að sögn leik-
stjórans.
„Þetta er fjögurra þátta sería sem
við erum að skrifa,“ segir Árni
Ólafur Ásgeirsson kvikmynda-
gerðarmaður.
Árni leikstýrði síðast hinni
margverðlaunuðu Brim sem hann
gerði með leikhópnum Vestur-
porti en er núna að skrifa hand-
rit að sjónvarpsþáttaröð með
Sigtryggi Magnasyni sem hefur
verið gefið vinnuheitið Mist.
Árni segir þetta vera fjölskyldu-
drama með spennuívafi, ekki þó
neina glæpasögu. „Þetta er meira
drama en verður vonandi bæði
spennandi og skemmtileg.“
Hann segir vinnuna hafa verið
í gangi síðastliðið ár og reikn-
ar með því að þeir félagar reki
smiðshöggið á handritagerðina
í byrjun næsta árs. „Þá verður
reynt að fara í fjármögnun. Ég
er voðalega spenntur fyrir þessu
og sjónvarp er mjög heillandi,
það gefur manni meiri tíma til að
kanna karaktera og vinna í sög-
unni. Auðvitað er þetta bara mjög
góð afsökun til að gera fjögurra
klukkustunda langa bíómynd,“ en
upphaflega stóð til að handritið
færi á hvíta tjaldið.
„Ef allt gengur að óskum
getum við vonandi farið í tökur á
næsta ári,“ segir Árni en Snorri
Þórisson, eigandi Pegasus, er með
þeim í verkefninu.
freyrgigja@frettabladid.is
Árni og Sigtryggur skrifa
spennandi fjölskyldudrama
SKRIFA HANDRIT AÐ
SJÓNVARPSÞÁTTARÖÐ
Árni Ólafur Ásgeirsson og Sigtryggur
Magnason eru að skrifa sjónvarpsþátta-
röð sem gæti farið í tökur næsta vetur.