Morgunblaðið - 16.11.2010, Blaðsíða 10

10 DAGLEGT LÍF
MORGUNBLAÐIÐ ÞRIÐJUDAGUR 16. NÓVEMBER 2010
Bergþóra Njála Guðmundsdóttir
ben@mbl.is
Ég hef alltaf verið létturog frár á fæti, og hef þaðsennilega frá fimleikunumsem ég stundaði sem ung-
lingur,“ segir Kjartan Bragi Krist-
jánsson sjónfræðingur, um aðdrag-
anda þess að hann hóf að stunda
maraþonhlaup eftir að hann var kom-
inn á miðjan aldur. „Ég byrjaði að
hlaupa þegar ég var búinn að stofna
fyrirtækið mitt, Optical studio, en þá
áttaði ég mig á því að það vantaði eitt-
hvað í lífsmunstrið til að halda góðu
jafnvægi og hreinni hugsun. Það varð
til þess að ég byrjaði að hlaupa.“
Þetta var árið 1985, þegar Kjart-
an var 33 ára, en til að byrja með
spreytti hann sig fyrst og fremst á
styttri vegalengdum. „Ég er svolítill
öfgamaður þegar ég byrja á ein-
hverju og ákvað að setja mér það
markmið að komast 10 kílómetrana á
undir 40 mínútum. Það gekk eftir
þegar ég hljóp þá vegalengd á 39,39
svo ég ákvað að reyna við hálft mara-
þon. Ég stefndi að því að komast það
á undir 1:30 og tókst það rétt um fer-
tugt, þegar ég hljóp það á 1:29.“
Næsta skref var að hlaupa fullt
maraþon en Kjartan frestaði því í
rúm 15 ár, eða þar til í Reykjavík-
urmaraþoninu í fyrra. „Ég hafði ekki
gert mér grein fyrir því að heilt
maraþon er allt annars eðlis en hálft
maraþon, það er í rauninni lítið skylt
nema að því leyti að maður hleypur
hvort tveggja. Það er mikil stúdía að
hlaupa maraþon á réttum hraða og að
skipta hlaupinu upp á réttan máta,
ekki síst fyrir mann eins og mig sem
leggur áherslu á að komast í mark á
Eykur sjálfstraust
og eflir bjartsýni
Kjartan Bragi Kristjánsson lauk New York-maraþoninu á dögunum, á sínum
besta tíma, tæplega 58 ára að aldri. Hann stefnir á Lundúnamaraþonið í vor og
dreymir um að safna fleiri stórborgarhlaupum í framtíðinni, en áður hefur hann
hlaupið maraþon í Reykjavík og Boston.
Hún er ekki mjög nýstárleg vefsíðan
hans Hals Higdons en hún stendur
fyrir sínu. Higdon er eldri maður og
virtur hjá hlaupurum. Hann er höf-
undur þjálfunarbókarinnar Marathon:
The Ultimate Training Guide sem hef-
ur notið mikilla vinsælda. Higdon er
mikill garpur og hefur sent frá sér
þrjátíu og fimm bækur og skrifað
greinar í helstu íþrótta- og heilsu-
tímarit í heimi eins og Runner’s
World. Hægt er að lesa margar þess-
ara greina um hlaup á vefsíðunni.
Það vinsælasta á vefsíðunni eru þó
æfingaprógrömm Higdons sem eru
til fyrirmyndar. Það er úr mörgu að
velja og ættu allir að finna eitthvað
við sitt hæfi, hvort sem þeir eru að
byrja að þjálfa eða hlaupa hvert
maraþonið á fætur öðru. Þarna má
sjá hlaupaleiðbeiningar fyrir byrj-
endur, hvernig á að gerast fitness-
göngugarpur, svo eru hlaupaleiðbein-
ingar fyrir árstíðirnar, t.d. hvernig á
að hlaupa í köldu veðri að vetri og
hvernig er best að þjálfa á vorin fyrir
komandi maraþon. Svo er prógramm
fyrir heilt maraþon og hálft maraþon
og prógramm til að fara eftir til að
jafna sig eftir maraþonhlaup svo eitt-
hvað sé nefnt.
Higdon veit sínu viti og þetta er
vefsíða sem allir hlauparar ættu að
athuga.
Vefsíðan www.halhigdon.com
Reuters
Maraþon Það er vissara að fara eftir góðum leiðbeiningum fyrir keppni.
Hlaupaþjálfun Hals Higdons
Boltaíþróttir, hlaup og hopp eru ekki
fyrir alla þó allir virðist æfa eitthvað
slíkt. Það getur líka verið hundleið-
inlegt til lengdar að æfa alltaf einn
inni á líkamsræktarstöðvum. Því er
um að gera að líta í kringum sig, sjá
hvað er í boði og prófa að æfa eitt-
hvað nýtt og öðruvísi.
Þjóðaríþróttin, íslenska glíman, er
æfð víða um land en í glímu reynir á
alla þrekþætti sem er forsenda fyrir
bættri líkamshreysti og jafnvægi.
Glíma er skemmtileg og drengileg
íþrótt þar sem iðkandinn lærir fjöl-
breytt glímubrögð sem hann getur
beitt á andstæðinginn.
Á höfuðborgarsvæðinu er Glímu-
félagið Ármann með glímuæfingar
tvisvar í viku í Ármannsheimilinu.
Endilega …
… æfið eitt-
hvað öðruvísi
Morgunblaðið/Sverrir
Glíma Það getur verið hasar að glíma.
Ingveldur Geirsdóttir
ingveldur@mbl.is
Þessi bók er fyrir alla sem hafa ekki
tök á að koma á námskeið til okkar,
t.d. fólk sem býr úti á landi þar sem
boot camp er ekki í boði eða þá sem
hafa verið að æfa hjá okkur og flutt
til útlanda. Við ákváðum að gera
þessa bók til að geta þjónustað þetta
fólk,“ segir Róbert Traustason sem
er höfundur bókarinnar Boot camp –
hámarksárangur ásamt Arnaldi
Birgi Konráðssyni.
Bókinni er skipt upp í fjögur ólík
æfingaprógrömm ásamt nákvæmum
æfingalýsingum í máli og myndum, í
heildina eru þetta 22 vikur af æfing-
um.
„Það er prógramm fyrir græn-
jaxla, fólk sem hefur ekki hreyft sig
lengi eða er að koma til baka eftir
veikindi og meiðsli og vill fara aðeins
hægar í sakirnar. Svo erum við með
almennar æfingar sem við erum að
gera dagsdaglega hérna, sem henta
flestum sem hafa eitthvað hreyft sig
og vilja fá smá áskorun. Þá koma
svokallaðar elítuæfingar fyrir fólk
sem er búið að vera lengi hjá okkur
og hefur náð ákveðnum árangri;
þetta eru aðeins öflugri æfingar. Svo
settum við líka inn íþróttaþjálfun
sem er fyrir fólk sem æfir einhverjar
íþróttir og þarf að bæta við sig þrek-
þjálfun og þá eru tvær aukaæfingar
á viku fyrir það,“ segir Róbert og
bætir við að það ættu allir að geta
fundið eitthvað við sitt hæfi í þessari
bók.
Þarf meiri sjálfsaga
„Fólk þarf ekki að vera búið að
fara í boot camp-tíma til að bókin
gagnist. Allar æfingarnar í bókinni
eru þannig að það eru mjög ná-
kvæmar lýsingar á því hvernig á að
gera æfingarnar og hvað á að varast.
Síðan eru líka myndir af upphafs-
stöðu, miðstöðu og lokastöðu svo
fólk getur eiginlega ekki klikkað á
þessu.
Auðvitað er öðruvísi að gera bo-
ot camp-æfingar eftir bók en að
mæta í tíma. Það þarf að hafa meiri
sjálfsaga því það er enginn sem seg-
ir þér hvernig á að gera hlutina og
það þarf að keppa við sjálfan sig.
Við höfðum æfingarnar fjöl-
breyttar svo fólk verði ekki leitt á
þeim og brjótum bókina upp með
leikjum, spilum og öðru til að gera
þetta skemmtilegra.“
Róbert og Arnaldur hafa unnið
og þjálfað saman í um sex ár og seg-
ir Róbert þá vera orðna mjög sam-
tvinnaða. „Bókin er að miklu leyti
sett saman úr því sem við erum að
gera í tímunum. Við gáfum út bók
fyrir þremur árum sem seldist upp.
Hún hét Boot camp – grunnþjálfun.
Fólk hefur því verið að bíða eftir
svona bók lengi.“
Róbert segir að það sé fyrir
löngu komið í ljós að boot camp sé
engin bóla, þeir séu með um þúsund
iðkendur í dag og þeim hafi farið
stöðugt fjölgandi síðustu ár.
Boot camp er engin bóla
Boot Camp Æfingin Áttan úr kaflanum Þrekæfingar úr bókinni.
Boot camp-þjálfararnir Róbert Traustason og Arnaldur Birgir Konráðsson sendu
nýverið frá sér bókina Boot camp – hámarksárangur sem er skipt í fjögur
æfingaprógrömm fyrir þjálfun á mismunandi stigum.
Morgunblaðið/Jakob Fannar
Höfundur Róbert Traustason.
Boston Með glæsilegan verðlaunapening að loknu ansi strembnu hlaupi.