Morgunblaðið - 16.11.2010, Blaðsíða 11

New York Svilinn Haukur, eiginkonan Hulda og systir hennar Rannveig voru í stuðningsliði Kjartans á dögunum.
sómasamlegum tíma.“
Hann segir Reykjavíkur-
maraþonið hafa verið mikla reynslu,
en hann hljóp það á tímanum 3:42,
eða um 8 mínútum hraðar en hann
hafði sett sér að markmiði. „Þessi
tími gerði mér kleift að skrá mig í
Boston-maraþonið sem er með tíma-
takmarkanir – þeir sem eru 55 ára og
eldri verða að hafa hlaupið maraþon á
3:45 eða hraðar. Boston-maraþonið
hefur líka þá sérstöðu að taka aðeins
inn 24 þúsund þátttakendur, á meðan
New York-maraþonið tekur við 45
þúsund hlaupurum. Og það fyllist
fljótt svo skráningin stendur yfirleitt
bara yfir í einn til tvo daga.“
Efldist eftir 30 kílómetra
Þegar Kjartan mætti í Boston-
maraþonið í apríl sl. var formið þó
ekki upp á sitt besta. „Ég hafði verið
að kljást við álagsmeiðsl vegna of-
þjálfunar enda hafði ég ekki
farið alveg rétt í þjálf-
unarferlið. Það kom
svolítið í bakið á mér,
ekki síst þegar ég kom
að hinum frægu He-
artbreak-hæðum,
sem eru þekktar
fyrir að reynast
maraþonhlaupurum
þungar í skauti. Ég
slapp nú samt með
skrekkinn og kom mér í
mark á tímanum 3:49 sem ég
var ekki alveg nógu ánægð-
ur með. Ég lét þetta mér
hins vegar að kenningu
verða og ákvað að passa
betur upp á þjálfunina, ef ég
færi aftur í svona alvöru maraþon.“
Þess var ekki langt að bíða.
Kjartan kynntist hópi Íslendinga sem
höfðu skráð sig í New York-
maraþonið og fékk tækifæri til að
slást í hópinn eftir að einn félaginn
hafði helst úr lestinni. „Ég kom inn í
þennan hlaupahóp á miðju sumri og
þjálfaði mig sérstaklega í að hlaupa
hægt en jafnt og vera með tímann
nokkurn veginn ákveðinn fyrirfram.
Mér fannst þetta ákaflega skemmti-
legur undirbúningur og hljóp u.þ.b.
70 – 90 kílómetra á viku í haust. Ég
tók líka mataræðið í gegn, smakkaði
ekki áfengi, og allt snakk var í formi
grænmetis. Best fannst mér að
hlaupa á morgnana og ég fór eftir æf-
ingaprógrammi sem ég fékk sent frá
þjálfara í New York, sem ég reyndar
hitti aldrei.“
Þegar stóri dagurinn rann upp
fyrir rúmri viku reyndi töluvert á
þann aga sem Kjartan hafði tileinkað
sér í þjálfuninni. „Mér fannst ég geta
hlaupið miklu hraðar en ég hafði
ákveðið en lét það ekki eftir mér. Það
borgaði sig því maður sá að margir,
sem fóru heldur geyst í byrjun misstu
niður hraðann þegar leið á hlaupið.“
New York maraþonið hefst á
Staten Island, þaðan sem hlaupið er
yfir Verrazano-Narrows brúna til
Brooklyn, upp í Queens og svo yfir
Queensborough brúna á Manhattan.
Áfram er hlaupið eftir Fyrsta breið-
stræti upp til Bronx, í gegn um Har-
lem og á Fimmta breiðstræti niður
eftir Manhattan þar sem hlaupið end-
ar í Central Park. „Það er gríðarleg
upplifun að hlaupa eftir breiðstræt-
unum á Manhattan,“ segir Kjartan.
„Beggja vegna götunnar er óslitinn
áhorfendaskari, hljómsveitir sem
spila og ótrúleg stemning.“
Kjartan hafði samið við konuna
sína um að bíða á ákveðnum stað á
Manhattan til að freista þess að ná af
honum mynd og það gekk eftir. „Þá
var ég búinn að hlaupa 30 kílómetra
og fann ég að ég átti nóg eftir. Ég
hætti þá að líta á hraðamælinn á
úrinu mínu, jók hraðann og hljóp síð-
ustu tíu kílómetrana eins og mér leið
vel með. Þegar ég kom síðan í mark
átti ég nóg eftir“ – en tími hans í
hlaupinu var 3:39, sem er besti tími
hans í maraþoni. „Ég gæti ekki verið
ánægðari – við vorum þarna stór hóp-
ur Íslendinga og ég var meðal þeirra
fremstu þótt flestir væru mun yngri
en ég.“
Mikilvægt að takmarka
salernisstoppin
Hann segir þetta sanna hversu
mikilvæg þjálfunin er og að halda sig
við þær áætlanir sem lagt er upp
með. „Það er t.d. mikil stúdía hvernig
maður drekkur og nærir sig á hlaupi
sem tekur a.m.k. þrjá og hálfan tíma.
Í upphafi getur maður þurft að bíða í
allt að tvo og hálfan tíma að auki, því
fólkinu er hleypt af stað í hollum. Ég
var með sykurgel á mér og vatn sem
ég fékk mér af á fimm kílómetra
fresti. Það er mikið atriði að drekka
ekki of mikið á vatnsstöðvunum til að
takmarka salernisstopp eins og hægt
er. Það eru ferðaklósett meðfram
hlaupabrautinni og þegar maður þarf
að nýta sér þau getur það orðið mikið
stress því stundum eru einn eða tveir
sem bíða og á meðan tapast tími. Allt
er þetta undirbúningur og áætl-
anagerð sem þarf að reyna að standa
við í hlaupinu sjálfu.“
En hvað er það við langhlaupin
sem hvetur Kjartan áfram?
„Þetta gefur manni svo mikla
fyllingu, eykur sjálfstraust og gerir
mann bjartsýnni,“ svarar hann um
hæl. „Maður tekst á við verkefni
dagsins með bros á vör. Sumir tala
um að adrenalínflæðið gefi aukna
orku og einhver orðaði það svo að lífið
verði aldrei eins eftir að maður hefur
hlaupið maraþon einu sinni – það
breyti öllu. Fyrst og fremst staðfestir
þetta að ég er í góðu formi og lífið
snýst líka um það – að ganga heill til
skógar sem lengst. Það er t.d. mikið
fyrir það gefandi að halda sér í réttri
þyngd, sem kemur sjálfkrafa með
svona hlaupum. Í staðinn þarf maður
ekki að neita sér sérstaklega um eitt
eða annað. Hins vegar er rétt að láta
víndrykkju að mestu leyti eiga sig
þegar maður er í svona maraþon-
þjálfun, þótt eitt og eitt rauðvínsglas
fái að fljóta með.“
Kjartan er hvergi nærri af baki
dottinn í hlaupunum og er búinn að
skrá sig til leiks í London næsta vor.
„Það er fyrst núna, þegar ég er tæp-
lega 58 ára, að ég er farinn að safna
stórborgarmaraþonum undir belti,
eins og sagt er,“ segir hann hlæjandi.
„Eftir Lundúnamaraþonið hef ég
jafnvel áhuga á að hlaupa aftur í New
York, en eins dreymir mig um að
taka þátt í maraþonunum í Chicago,
Berlín, París og Tókýó. En auðvitað
er það undir því komið hvernig
skrokkurinn verður í framtíðinni.“
DAGLEGT LÍF 11
MORGUNBLAÐIÐ ÞRIÐJUDAGUR 16. NÓVEMBER 2010
Í hlaupunum reynir Kjartan að
passa að staðsetja sig út við
kant, hægra megin á brautinni,
þar sem hann er blindur á
hægra auga. „Ég sé því illa þá
sem eru hægra megin við mig,
ekki síst því ég þarf reglulega
að líta á hlaupaúrið á vinstri
úlnliðnum. Ég þarf líka
að fylgjast með
hlaupurum fyrir
framan mig og
vatnsstöðvunum.“
Í New York-
maraþoninu fá þátt-
takendur úthlutuð
númer í
ákveðnum lit,
sem segir til
um hvar á
brautinni
þeir eiga
að vera
fyrstu 13
kílómetr-
ana. Strax
eftir þessa
vegalengd
flutti Kjartan sig
yfir á hægri kantinn
til að tryggja sem
besta yfirsýn yfir
hlaupaleiðina.
Á kantinum
hægra megin
BLINDUR Á ÖÐRU AUGA
Um næstu helgi, 19. til 20. nóvember,
fer fram Bikarmót Alþjóðasambands
líkamsræktarmanna í Íþróttahúsinu í
Mosfellsbæ og í Laugardalshöllinni.
Bikarmótið er að þessu sinni haldið
sem hluti af íþróttahátíðinni Ice-
landic Fitness and Health Expo. Alls
eru sextíu og fimm keppendur skráð-
ir til keppni.
Mótið hefst kl. 12 á föstudaginn í
Mosfellsbæ með vigtun og innritun í
vaxtarrækt og fitness karla, hæðar-
mælingu og innritun í fitness kvenna
og módelfitness. Úrslit allra flokka
verða svo í Laugardalshöllinni kl. 19 á
laugardaginn.
Líkamsrækt
Bikarmótið
í líkamsrækt
Morgunblaðið/Golli
Keppni Vel æfða líkama má sjá.
n o a t u n . i s
ÓDÝRT
750 G
Fljótlegt
og gott
í Nóatúni
ÝSUFLÖK
ROÐ- OG BEINLAUS
KR./KG
1598 ALLRA
FORSOÐNAR
KARTÖFLUR
349
KR./PK.
HEIMILISJÓGÚRT
1 L., 3 TEGUNDIR
209
KR./STK.
AUNT MABEL’S
MUFFINS
3 TEGUNDIR
KR./STK.
189
Ö
ll
ve
rð
er
u
bi
rt
m
eð
fy
rir
va
ra
um
pr
en
tv
ill
u
og
/e
ða
m
yn
da
br
en
gl
F
ÚRFISKBOR
ÐI
ÚR
FISKBORÐI
FERSKIR
Í FISKI
KJÚKLINGALEGGIR
AÐ INDVERSKUM
HÆTTI
KR./KG
849
Á Manhattan Kona Kjartans beið á ákveðnum stað til að mynda garpinn.