Morgunblaðið - 16.11.2010, Blaðsíða 30
30 MENNING
MORGUNBLAÐIÐ ÞRIÐJUDAGUR 16. NÓVEMBER 2010
Arnar Eggert Thoroddsen
arnart@mbl.is
Rokksveitin Cliff Clavin hefur gef-
ið út sína fyrstu plötu, The Thief’s
Manual. Bandið hefur nú verið
starfandi í fjögur og hálft ár að
sögn Bjarna Þórs Jenssonar, gítar-
leikara og söngvara. Sveitin hefur
verið á öruggri siglingu upp á við
þessi ár en ákveðin vítamín-
sprauta fékkst árið 2007 er hún
vann Íslandsriðil keppninnar Glo-
bal Battle of the Bands eða GBOB.
„Að komast í einhver sæti í
svona keppnum felur fyrst og
fremst ákveðna viðurkenningu í
sér, að maður sé að gera eitthvað
rétt,“ segir Bjarni. Hann segir að
plata hafi alltaf verið á planinu en
„það tók tíma að verða band“, eins
og hann orðar það svo skemmti-
lega og allir hljómsveitargaurar
og -gellur ættu að geta samsamað
sig þessari speki. Fyrstu árin fóru
því í linnulitla spilamennsku og
samhristingu hópsins en sveitin er
enn skipuð upprunalegum með-
limum, og því þétt og góð orðin.
Platan var síðan tekin upp á
Vestfjörðum, nánar tiltekið í
mektarhljóðverinu Tankinum á
Flateyri sem Önundur Pálsson
rekur.
„Það var mjög gott að vinna
hana þar. Einangrunin þar og
fjarlægðin frá borginni gerði okk-
ur kleift að einbeita okkur 100%
að vinnunni. Þetta var mikill skóli
og við erum þegar farnir að huga
að næstu plötu, hvernig við viljum
hafa hana. Á fyrstu plötunni er
maður greinilega að læra inn á
kerfið, átta sig á hlutunum og
kemur því vel nestaður að plötu
númer tvö.“
Rýnt hefur verið í plötuna á síð-
um þessum og í dóminum sagði í
niðurlagi: „Skotheldur frumburður
frá einkar efnilegri rokksveit sem
hefur allt að vinna og engu að
tapa.“ Ekki amalegur árangur það
og því spennandi að fylgjast með
framvindunni.
„Það tók tíma að verða band“
Rokk og ról Cliff Clavin er sannarlega orðið „band“.
Cliff Clavin gefur út sína fyrstu plötu sem er fyrir þjófana
Rokksveitin Agent Fresco býður
í hlustunarpartí á breiðskífunni A
Long Time Listening á Kaffibarn-
um næsta miðvikudagskvöld kl.
21:00. Boðið verður upp á léttar
veitingar og platan spiluð í heild
sinnni.
Útgáfudagur plötunnar hefur
verið settur 22. nóvember.
Agent Fresco bjóða
í hlustunarpartí
Fólk
Það var húsfyllir í Bíó Paradís á
sunnudag þegar myndin Eins og
við værum eftir Ragnheiði Gests-
dóttur var sýnd. Ekki vantaði fyrir-
mennin úr menningarkreðsunni,
Björk Guðmundsdóttir, Einar Örn
Benediktsson, Óttarr Proppé, Ari
Alexander og fleiri voru mættir til
að líta verkið augum, ásamt líka
þeim Ragnari Kjartanssyni og Páli
Hauki Björnssyni sem eru miðlægir
í myndinni. Tvær almennar sýn-
ingar verða á myndinni, í kvöld kl.
20 og fimmtudaginn 18. nóvember
kl. 20. Sjá nánar á www.asifweex-
isted.com og fésbókinni.
Margmenni á mynd
um Ragga Kjartans
Nú er loksins hægt að nálgast
gogoyoko.com frelsiskort / inn-
eignarkort til kaups. Kortin koma
til móts við fólk sem á ekki kred-
itkort, t.d. ungt fólk. 3 mismunandi
kort eru í boði: 1600 kr, 4000 kr,
8000 kr. Þau eru sáraeinföld í notk-
un með kóða sem virkjar inneign á
vef gogoyoko.com.
gogoyoko.com kynnir
gogoyoko frelsi
Helgi Snær Sigurðsson
helgisnaer@mbl.is
Það er ekki á hverjum degi sem
maður sest niður með ókunnugri
konu á kaffihúsi og fer að ræða við
hana um kynlíf með opinskáum
hætti. En það er nú einmitt það sem
blaðamaður gerði í liðinni viku, átti
stefnumót við kynlífsbókahöfundinn
og fjölmiðla-
konuna bresku,
Tracey Cox, en
út er komin á
vegum For-
lagsins nýjasta
bók hennar,
Lostaleikir. Út
frá titlinum
mætti halda að
í bókinni
fjallaði Cox um
kynlífsleiki en bókin er mun ítar-
legri en svo, í henni er í raun fjallað
um allt mögulegt sem tengist kynlífi
og kynhegðun mannsins, m.a. vísað í
kannanir og rannsóknir. Hér ættu
kynlífsfróðleiksþyrstir því að geta
svalað þorsta sínum og fundið lausn-
ir á vandamálum sínum, enda er
undirtitill bókarinnar „Leiðarvísir
sérfræðingsins að sannkallaðri kyn-
sælu“.
Cox segist alltaf hafa haft gaman
af skrifum og sálfræði. Hún hafi
ákveðið að gefa út bók með kynlífs-
ráðum þegar hún komst að því að
þær handbækur sem til voru um
kynlíf, undir lok síðustu aldar, væru
algjörlega lausar við skopskyn og
full læknisfræðilegar fyrir hennar
smekk. Fyrsta bók Cox, Hot Sex:
How to do it, fékk afar góðar við-
tökur þegar hún kom út árið 2000 og
er hún nú fáanleg í um 140 löndum.
Eftir útgáfu bókarinnar varð ekki
aftur snúið. „Ég hafði áður skrifað
nokkrar hagnýtar greinar í Cosmo-
politan (Cox var aðstoðarritstjóri
tímaritsins í Ástralíu fyrir um 15 ár-
um), ein snerist um það hvernig
konur ættu að fróa sér, leiðarvísir
þar sem farið var í gegnum það
skref fyrir skref,“ segir Cox. Hún
hafi skrifað svipaða grein um munn-
mök og salan á tímaritinu hafi rokið
upp við það. Greinarnar hafi aug-
ljóslega vakið áhuga kaupenda.
Ekkert læknamál
– Það hefur orðið mikil breyting á
seinustu 10-15 árum eða svo hvað
varðar leiðbeinandi kynlífsefni fyrir
bæði kyn, ekki satt?
„Já, það finnst mér,“ svarar Cox.
Fyrsta bókin hennar hafi höfðað til
fjöldans, ekkert læknamál í henni
heldur tekið létt á umfjöllunarefninu
með mátulegum skammti af skop-
skyni. „Svona eins og venjulegt fólk
talar um kynlíf,“ útskýrir Cox.
– Nú hefur mikill fjöldi slíkra
bóka verið gefinn út á seinustu árum
og kynlífsdálka að finna í svo til öll-
um kvennablöðum. Er einhverju við
þetta allt að bæta?
„Jú, það er margt nýtt að finna.
Það eru afar margar rannsóknir
gerðar á kynlífi um þessar mundir,
áhugaverðar rannsóknir, t.d. um
kynhvöt kvenna og kynferðislegar
langanir. Allir eru að reyna að finna
„hið nýja Viagra“ fyrir konur og
auðvitað er hægt að gefa konum það
en kynlífslöngun kvenna virkar ein-
faldlega ekki þannig,“ segir Cox og
gefur lítið fyrir slíkar lausnir í töflu-
formi. Hún segir háum fjárhæðum
eytt í rannsóknir á kynlífi, enda kyn-
lífið drjúg tekjulind, m.a. rannsóknir
sem tengjast efnaskiptum í heil-
anum og nýjustu fréttirnar af slík-
um rannsóknum séu t.d. þær að of
brátt sáðlát megi hugsanlega laga
með þunglyndislyfjum. „Sem er al-
gjör klikkun,“ segir Cox og hlær.
Vissulega sé nútímamaðurinn gegn-
sýrður af upplýsingum um kynlíf en
engu að síður vanti alltaf hagnýtar
upplýsingar. Þar komi hún til sög-
unnar.
Karlar eiga ekki að njóta ásta
eins og konur
– Það er mun flóknara fyrir karl-
menn að fullnægja konum en fyrir
konur að fullnægja körlum. Það
mætti líkja því við muninn á því að
fljúga orrustuþotu og að hjóla...
„Já, það er dálítið þannig, eigin-
lega mjög mikið þannig,“ segir Cox
og hlær að samlíkingunni. „Ég tel of
margar bækur skrifaðar fyrir kon-
ur. Þó svo konur kaupi bækurnar sé
ég til þess að bækurnar mínar séu
fyrir karla og konur. Ég hef ekki
áhuga á því að úthúða körlum, það
er kjaftæði að halda því fram að
karlar eigi að elskast eins og konur,
mér finnst að konur ættu í meira
mæli að elskast eins og karlar. Það á
ekki að leggja þessa miklu áherslu á
hinar fullkomnu aðstæður eða svið-
setningu, að þetta eða hitt eigi að
vera nákvæmlega svona eða hinseg-
in. Drífið bara í þessu!“ segir Cox
kímin og er komin á flug og bætir
við: „Það er ekki auðvelt fyrir konur
að fá fullnægingu, alls ekki, það þarf
mikla einbeitingu til að ná á áfanga-
stað, allt þarf að smella saman.“ Cox
segir að konur séu á valdi horm-
ónanna og þurfi því að segja körlum
til í kynlífinu, hvað veiti þeim
ánægju hverju sinni og hvað ekki.
Slíkar „kennslustundir“ séu vissu-
lega ekki kynæsandi en báðir aðilar
eigi þó að geta notið kynlífsins þeg-
ar rétt sé að farið.
Orkufrekt að forðast kynmök
Cox segir fólk almennt þurfa að
opna huga sinn gagnvart kynlífi,
læra að slaka á og losa um hömlur.
Hún segir pör líka eyða of mikilli
orku í að forðast kynlíf, velta því
fyrir sér frameftir kvöldi hvernig
þau geti komist hjá kynmökum. Því
fylgi oft samviskubit hjá þeim sem
hefur ekki áhuga og áhyggjur af því
að makinn missi áhuga á þeim kyn-
ferðislega. Aðalmálið sé að vera af-
slappaður en þó ekki of afslappaður.
„Það er heilmikil vinna fólgin í því
að halda kynlífinu við til lengri tíma,
fjári mikil vinna. Við erum ekki
byggð til þess að njóta kynlífs langt
fram eftir aldri. Móður náttúru er
skítsama hvort þú nýtur kynlífs
fram eftir ævinni. Hún vill bara að
við elskumst og eignumst börn. Þeg-
ar því takmarki er náð hefur hún
lokið sínum afskiptum af okkur.“
„Móður náttúru er skítsama“
Nýjasta bók kynlífsráðgjafans Tracey Cox, Lostaleikir, er leiðarvísir að sann-
kallaðri kynsælu Fólk mætti vera afslappaðra gagnvart kynlífi, segir Cox
Kynlíf Það má segja að Tracey Cox sé með kynlíf á heilanum enda gengur
starf hennar út á að velta því fyrir sér og fjalla um það.
www.traceycox.com
Cox nam sálfræði og fjölmiðla-
fræði í háskóla og hefur auk
þess gegnt stöðu aðstoðarrit-
stjóra tímaritsins Cosmopolitan í
Ástralíu. Hún hefur fjallað um
kynlíf í tímaritum, sjónvarpi og
útvarpi og síðast en ekki síst
sem höfundur fjölda metsölu-
bóka um kynlíf, sambönd og lík-
amstjáningu. Bækur hennar hafa
selst í yfir tveimur milljónum
eintaka á heimsvísu. Auk þess
gerir hún út kynlífshjálpartækja-
línu undir heitinu Supersex, eða
Ofurkynlíf. Tracey hefur komið
fram í fjölda sjónvarps- og út-
varpsþátta, m.a. í bresku þátt-
unum The Sex Inspectors og
þætti Opruh Winfrey, svo fátt
eitt sé nefnt.
Bækur, fjölmiðlar,
tímarit og hjálpartæki
EFTIRSÓTTUR SÉRFRÆÐINGUR