Morgunblaðið - 24.12.2010, Blaðsíða 12

VIÐTAL
Helgi Bjarnason
helgi@mbl.is
„Ég var svo einangruð þegar ég kom fyrst í
Hlutverkasetur að ég gat varla talað. Hafði
ekkert að ræða um og fyrstu mánuðina tal-
aði ég varla við nokkurn mann. Allt í einu
fór að opnast fyrir það,“ segir Ágústa Karla
Ísleifsdóttir. Hún hefur komið fram og rætt
um reynslu sína í tengslum við Evrópuár
gegn fátækt.
Ágústa hefur lengi átt við veikindi að
stríða. Hún var fyrst lögð inn á geðdeild
fyrir átján árum og hefur verið mikið lasin
síðustu fjögur til fimm árin. Hún er með
geðrof og geðklofa, heyrði raddir og var full
af ranghugmyndum. „Þetta hefur tekið á
heilsuna og fjölskylduna,“ segir Ágústa.
Hún segir að foreldrar sínir hafi haft miklar
áhyggjur af sér. Hún á fjögur börn á aldr-
inum níu ára til tvítugs en hefur ekki getað
haft þau hjá sér. „En þau koma reglulega
til mín. Ef ég ætti þau ekki væri ég miklu
veikari,“ segir hún.
Erfitt að breyta um umhverfi
Ágústa segir að þegar fólk verði félítið
hefjist sjálfkrafa ákveðin einangrun. Það
geti ekki skroppið á kaffihús eða gert þessa
litlu hluti sem kosta lítið en fólk þurfi þó að
eiga fyrir. „Þegar maður hefur verið lengi
einn heima, eins og ég var, er erfitt að fara
út á meðal fólks og breyta umhverfi sínu.
Ég vildi alltaf vera heima en þegar ég var
heima leiddist mér svo mikið,“ segir
Ágústa.
Hún bætir við: „Ef ég hefði ekki átt
fjölskylduna hefði ég engan þekkt. Það er
þó ekki nóg að eiga foreldra, þótt þeir reyn-
ist manni vel. Ég átti ekki vinkonu eða
neinn sem ég gat hringt í.“
Stendur til bóta
Frænka Ágústu hafði áhyggjur af
henni og fór með henni í Hlutverkasetur.
Þangað kemur fólk sem misst hefur vinnuna
eða annað mikilvægt hlutverk í lífinu, fær
starfsendurhæfingu eða hjálp við að koma
reglu á lífið og taka þátt í að byggja upp já-
kvætt umhverfi.
Þetta reyndist góð leið fyrir Ágústu.
„Þetta stendur allt til bóta, ég á auðveldara
með að nálgast fólk.“
Hún segir þó að frumskilyrðið sé að
hætta allri neyslu, á áfengi og öðrum vímu-
efnum. „Ef ég fer að vesenast í því fer ég
strax niður aftur,“ segir hún.
Ágústa byrjaði að sækja Hlutverka-
setur fyrir ári. Hún segir að það hafi ekki
verið auðvelt í byrjun, vegna þess hversu
félagslega einangruð hún hafi verið orðin.
„En mér leist vel á umhverfið og fólkið. Ég
fæ að ráða mér sjálf og gera hlutina á mín-
um hraða. Mér finnst gott að vera þarna,“
segir hún.
Boðið er upp á ýmis námskeið og verk-
efni í Hlutverkasetri. Ágústa mætir þangað
daglega og segist taka þátt í ýmum verk-
efnum.
Fleiri sem eiga í vandræðum
Erfitt er að fá fólk til að koma fram og
deila jafnerfiðri lífsreynslu og Ágústa hefur
gengið í gegnum á sinni ævi. En hún sam-
þykkti að vera opinbert andlit Evrópuárs
gegn fátækt og félagslegri einangrun og
sagði sögu sína á hreinskilinn hátt í mynd-
skeiði sem gert var vegna verkefnisins. Það
varð til þess að henni var boðið á lokaráð-
stefnu Evrópuársins sem haldin var í
Brussel í lok síðustu viku. Ágústa fór upp á
svið með Elínu Ebbu Ásmundsdóttur, fram-
kvæmdastjóra Hlutverkaseturs, sem kynnti
stöðu mála hér á landi. Síðan var hún á ís-
lenska kynningarbásnum.
„Eina ástæðan fyrir því að ég var tilbú-
in að vera andlit verkefnisins út á við er að
mér leið svo illa ein heima og veit að það
eru fleiri sem eiga í vandræðum. Ég segi
því: Það er hægt að komast út úr þessum
vítahring. Það tekur tíma en maður verður
að vinna með tímanum,“ segir Ágústa og
bætir við almennt um Evrópuárið og ráð-
stefnuna: „Ef það bjargar einni manneskju,
þá finnst mér það þess virði.“
Átti ekki vinkonu til að hringja í
 Ágústa Karla Ísleifsdóttir var svo félagslega einangruð að hún gat varla talað þegar hún kom fyrst í
Hlutverkasetur  Hún sagði sögu sína til kynningar á Evrópuári gegn fátækt og félagslegri einangrun
Morgunblaðið/Ernir
Birta Hlutirnir standa til bóta hjá Ágústu Körlu Ísleifsdóttur. Hún kemur daglega í Hlutverkasetur og fæst þar við ýmis verkefni á eigin for-
sendum. Það hefur hjálpað henni í gegnum erfiðleikana. Ágústa var opinbert andlit Evrópuárs gegn fátækt og félagslegri einangrun.
12 FRÉTTIRInnlent
MORGUNBLAÐIÐ FÖSTUDAGUR 24. DESEMBER 2010
Við óskum viðskiptavinum okkar og samstarfsaðilum
gleðilegrar hátíðar og farsældar á komandi ári með
þökkum fyrir viðskiptin á því sem er að líða.
Árlegur styrkur MP banka til góðgerðarfélags, sem
viðskiptavinir tóku þátt í að velja, fer til Einstakra barna,
stuðningsfélags barna með sjaldgæfa sjúkdóma eða
skerðingar.
Starfsfólk MP banka
Hátíðarkveðja
frá MP banka
Ármúla 13a | Borgartúni 26 | 540 3200 | www.mp.is