Morgunblaðið - 11.04.2011, Qupperneq 13

13
MORGUNBLAÐIÐ MÁNUDAGUR 11. APRÍL 2011
Morgunblaðið/Ómar
Sumdardagur Frá Delft í Hollandi.
Baldur Arnarson
baldura@mbl.is
„Ég tel að á þessari stundu sé enginn
möguleiki á því að Ísland fái aðild að
Evrópusambandinu. Á því er enginn
möguleiki,“ segir Sylvester Eijff-
inger, prófessor í hagfræði við Til-
burg-háskóla og einn ráðgjafa Mark
Rutte, forsætisráðherra Hollands í
Icesave-deilunni, um afleiðingar
þess ef íslensk stjórnvöld efni ekki
nýja Icesave-samninginn fyrir
aðildarumsókn Íslands að ESB.
Kemur til kasta dómstóla
„Málið fer fyrir dómstól,“ segir
hann og bætir því við að Íslendingar
ættu að „skipta um forseta“, með
vísan til þess að Ólafur Ragnar
Grímsson, forseti Íslands, hefur í tví-
gang vísað Icesave-lögum í þjóðar-
atkvæðagreiðslu.
Spurður um það sjónarmið að
þrotabú Landsbankans eigi að duga
til að bæta Hollendingum og Bretum
tjón vegna tapaðra innistæðna á Ice-
save-reikningnum svarar Eijffinger
að þeir hinir
sömu lifi í „blekk-
ingu“. Hvað
snertir næstu
skref hollenskra
stjórnvalda
kveðst Eijffinger
hins vegar ekki
geta tjáð sig,
enda sé hann
bundinn trúnaði
sem ráðgjafi stjórnvalda. Bendir svo
á yfirlýsingu De Jager, fjár-
málaráðherra Hollands, þess efnis
að samningaleiðin sé að baki og að
dómsmál taki nú við.
Niðurstaðan sætir furðu
Hann segir niðurstöðu kosning-
anna vekja undrun í Hollandi.
„Allir eru furðu lostnir. Þetta er í
annað sinn sem röskun verður á
gerðum samningum vegna aðkomu
forseta Íslands og þjóðar-
atkvæðagreiðslu í kjölfarið. Síðasti
samningur fól í sér mjög rausnar-
legt tilboð af hálfu breskra og holl-
enskra stjórnvalda,“ segir hann.
Hóta að standa í vegi aðildar að ESB
 Ráðgjafi forsætisráðherra Hollands vill að Íslendingar skipti um forseta
Sylvester
Eijffinger
Danny Alexand-
er, aðstoðarfjár-
málaráðherra
Bretlands,
kveðst vera von-
svikinn yfir því
að Íslendingar
skuli hafa hafnað
Icesave-
samkomulaginu.
Hann sagði að
málið færi fyrir
dómstóla, að sögn breska útvarps-
ins, BBC.
Alexander kom fram í þætti And-
rews Marrs, þekkts útvarpsmanns
og fyrrverandi ritstjóra dagblaðs-
ins Independent, og sagði að niður-
staða þjóðaratkvæðagreiðslunnar
hefði „augljóslega valdið von-
brigðum … Við reyndum að komast
að samkomulagi. Það er skylda
okkar að ná þessum peningum til
baka og við munum halda því áfram
þar til það tekst … Við sem land er-
um í erfiðri fjárhagslegri stöðu og
þessir peningar kæmu sér vel,“
sagði Alexander.
Mikið var fjallað um málið í
breskum fjölmiðlum og má nefna
að BBC ræddi við Jón Daníelsson,
hagfræðing hjá London School of
Economics. „Ísland mun líklega
horfa fram á að lánshæfismatið
verður fært niður. Aðgangur að er-
lendu lánsfé mun þrengjast og auka
enn á einangrun landsins. Líklegt
er að íslensk fyrirtæki muni flytja
höfuðstöðvar sínar úr landi,“ sagði
Jón í lauslegri þýðingu á íslensku
en viðtalið fór fram á ensku.
Vonsvikinn yfir
niðurstöðunni
Danny
Alexander
„Hinn almenni
borgari er lítið
að velta málinu
fyrir sér. Það
skýrist af því að
hollenskir spari-
fjáreigendur
eru búnir að fá
peninginn sinn
til baka,“ segir
Vigfús Sigurðs-
son, húðlæknir á
háskólasjúkrahúsinu í Utrecht, um
afstöðu hollensks almennings til Ís-
lands vegna Icesave-kosninganna.
Munar um minna
Að sögn Vigfúsar eru talsmenn
allra hollensku flokkanna von-
sviknir yfir niðurstöðunni.
„Sem íslenskur ríkisborgari sé
ég ekki að þetta muni hafa nein
áhrif. Það er engin slík reiði í
gangi. Það er af og frá. Ef spurt er
hvort Íslendingar eigi að borga eru
hins vegar flestir á því að þeir eigi
að gera það. Þetta er töluverður
peningur. Það munar um minna.“
Thijs Peters, ritstjóri fréttasíð-
unnar Z24, sagði skotárásina í
Hollandi á laugardag hafa yfir-
skyggt Icesave-deiluna. Hann býst
við að hægri flokkarnir muni segja
ESB-aðild Íslands úr sögunni,
nema til komi greiðsla vegna Ice-
save. „Ég held ekki að þetta hafi
áhrif á ímynd Íslands. Ímynd
landsins er nokkuð góð,“ segir Pet-
ers.
Hefur lítil áhrif
á ímynd Íslands
Vigfús
Sigurðsson