Morgunblaðið - 21.06.2011, Blaðsíða 14

 Fyrstu tuttugu punda laxarnir komnir á land í sumar  Ein best heppnaða breyting á veiði sem menn
hafa farið í  Meira vatn og kaldara en í fyrravor  Aðstæður voru afleitar  Tóku Monkey fly
STANGVEIÐI
Kjartan Þorbjörnsson
golli@mbl.is
Það var líf og fjör neðan Æðarfossa í
Laxá í Aðaldal í gærmorgun. Lax-
mýringar voru mættir til að veiða
fyrstu vaktina á neðsta svæði Lax-
árfélagsins en þar er bara veitt á
tvær stangir. „Þetta var bara eins og
í gamla daga,“ sagði Jón Helgi
Björnsson glaður í bragði þegar
blaðamaður heyrði í honum. „Það
komu tíu laxar á land, þar af einn 21
pund, annar 20 og sá þriðji 17 pund.“
Hann sagði tuttugu pundarana
hafa komið í Kistukvísl, annar að
austan en hinn að vestan. Laxarnir
tóku Frances-túpur enda væri mikið
vatn í Laxá og því þörf á þungum
flugum til að veiða djúpt. „Það er
meira vatn og kaldara en síðustu
vor,“ sagði Jón Helgi. Hann sagðist
hafa mjög góða tilfinningu hvað varði
stórlaxinn í sumar. Talsvert sé
greinilega komið af honum í ána.
Jón Helgi segir þau frændsystk-
inin hafa veitt í opnun árinnar í um
tuttugu ár og þetta væri með því
besta sem þau myndu eftir og það
langbesta eftir að eingöngu var farið
að veiða á flugu í Laxá.
Spennandi með flugu
Aðspurður hvort hann héldi að þau
hefðu getað náð fleiri löxum með
gömlu maðkaaðferðunum sagðist Jón
Helgi alls ekki vera viss um það.
Menn væru farnir að læra svo vel á
fluguveiðar á þessu svæði. „Ég held
að þetta sé ein best heppnaða breyt-
ing á veiði sem menn hafa farið í,
mönnum finnst meira spennandi að
veiða á flugu. Svo erum við líka mjög
kátir með það hvað veiðimenn hafa
tekið því vel að sleppa öllum fiski.
Þessir fiskar syntu allir aftur út í
ánna.“
Orri Vigfússon, formaður Lax-
árfélagsins, sagði þetta vera eina
bestu opnun í ánni síðustu tuttugu ár
og spennandi verði að fylgjast með
stórlöxunum í sumar. „Í fyrra kom á
land hjá okkur að meðaltali einn lax á
dag sem var tuttugu pund eða
stærri,“ sagði hann en um 80 laxar í
þeim stærðarflokki náðust á land í
fyrra á veiðisvæðum Laxárfélagsins.
Veiðimenn voru líka glaðir í Laxá í
Kjós í gærmorgun. Átta laxar komu
á land þessa fyrstu vakt. „Það komu
sex laxar úr Kvíslarfossi, einn úr
Laxfossi og einn úr Strengjum. Svo
misstu menn fisk í Bugðu og sáu
fleiri í Pokafossi,“ sagði Jón Þór Júl-
íusson, leigutaki Laxár. Hann sagði
fimm þessara átta laxa vera tveggja
ára fisk. „Vatnsstaðan í ánni er æð-
isleg. Hún er að vísu búin að vera
köld og því laxinn er kannski ekki
kominn jafn hátt í ána og í fyrra. Eft-
ir því sem hlýju dögunum fjölgar þá
kemst hann á meira trukk.“
Landeigendur við Laxá í Kjós hafa
ekki farið sömu leið og Laxmýringar
að færa sig alfarið í fluguveiði heldur
vilja enn renna maðki fyrir laxinn á
neðsta svæðinu. Þetta er þó eini dag-
ur ársins sem sú undantekning gildir,
eftir það ræður flugan ríkjum.
Afleitar aðstæður
Veiði hófst í Þverá og Kjarrá þann
15. júní síðastliðinn. Kuldi og stíf
norðanátt settu strik í reikning veiði-
manna sem þar hófu veiðar. „Þetta
fór rólega af stað en síðan var hæg
stígandi í þessu,“ sagði Óskar Páll
Sveinsson veiðimaður sem var í
Kjarrárhollinu. „Aðstæður voru af-
leitar, norðan 30 metrar á sekúndu
allan tímann. Menn entust ekki úti
alla 12 tímana.“ Hann sagði ána einn-
ig hafa litast og gruggast ofan af
heiðum. „Það fjölgaði fiskunum með
hverri vaktinni og menn fóru að
lenda í skotum síðustu vaktina þar
sem voru greinilega komnir nokkrir
laxar í helstu hylina.“ Óskar Páll
sagði að sama holl hefði fengið
draumaopnun á síðasta ári en þá
náðu þeir fimmtíu löxum. „Náttúran
þarna upp frá virðist vera tveimur til
þremur vikum seinna á ferðinni en í
fyrra.“ Þrátt fyrir það náði þetta sex
stanga holl 31 laxi. Aðspurður hvort
menn hafi helst verið að veiða djúpt
með þungum flugum sagði Ósk-
ar Páll það alls ekki vera svo.
Langflestir fiskarnir hafi
tekið Sunray Shadow og
Monkey fly. „Monkey fly er
þekkt í Skotlandi og
Skand-
inavíu.
Þetta er silfruð flösku-
túpa sem er nánast eins
og Sunray nema með
löngu gulu skeggi.“
„Ein besta opnun í tuttugu ár“
Ljósmynd/Jón Þór
Gárutúpa Þórður Ingi Júlíusson með 80 sentimetra hrygnu sem tók gárutúpu í Laxfossi í Laxá í Kjós.
14 FRÉTTIRInnlent
MORGUNBLAÐIÐ ÞRIÐJUDAGUR 21. JÚNÍ 2011
Borgarstjórinn var mættur á
bakka Elliðaánna í gærmorgun
þegar færi var rennt þar í fyrsta
skiptið í sumar. Hann var þó að-
eins á blankskónum í þetta
skiptið og hafði eftirlátið Reyk-
víkingi ársins 2011, Gunnlaugi
Sigurðssyni, það hlutverk að ná
fyrsta laxinum. Gunnlaugur sem
er 79 ára gamall sagðist aldrei
hafa veitt neitt merkilegra en
þorsk á ævinni en var spenntur
að prófa. Hinn margreyndi leið-
sögumaður Ásgeir Heiðar var
Gunnlaugi til halds og trausts,
beitti fyrir hann þremur möðk-
um og renndi í Sjávarfoss með
fjórum sökkum. Eftir örfáar
mínútur tók lax sem Gunn-
laugur tók fast á. Í átökunum
slitnaði línan við sökku. Strax
í næsta rennsli tók þó aftur
lax sem náðist á land. Var sá
rúmlega fimm
punda hængur
með fyrri öngulinn
fastan ofan í koki.
Maríulaxinn tók því
sama agnið tvisvar.
Maríulaxinn
tók tvisvar
NÝLUNDA Í ELLIÐAÁNUM
Meira í leiðinniWWW.N1.IS
VEIÐIKORTIÐ FÆST Á N1
Patti Húsgögn
Dugguvogi 2 / s: 557 9510 / www.patti.is
Opið : Mánud. - Föstud. frá 9 til 18
Basel
Þú velur
og drauma sófinn þinn er klár
GERÐ (fleiri en 90 mismunandi útfærslur)
STÆRÐ (engin takmörk)
ÁKLÆÐI (fleiri en 2000 tegundir)
Sófinn þinn útfærður eftir þínum óskum
Landsins mesta úrval af sófasettum
Íslensk
framleiðsla
Torino