Morgunblaðið - 21.06.2011, Blaðsíða 22

22 MINNINGAR
MORGUNBLAÐIÐ ÞRIÐJUDAGUR 21. JÚNÍ 2011
✝ Fríða SigríðurMagnúsdóttir
fæddist í Reykja-
vík 29. september
1935. Hún lést á
Tenerife 4. júní
2011.
Foreldrar henn-
ar voru Magnús
Snorrason Weld-
ing, f. 1906, d.
1966, og Marie
Amalie Welding, f.
1908, d. 1962. Systkini Fríðu
eru Elín, f. 1933, Snorri, f.
1934, Theodór, f. 1940, d.
1961, Auður, f. 1942, d. 1998,
Karen, f. 1945, Unnur, f. 1948
og María, f. 1951.
Hinn 2. júní 1956 giftist
Fríða eftirlifandi eiginmanni
sínum, Ólafi Reykdal Karls-
syni, f. 19. maí 1935. Börn
Fríðu og Ólafs eru Sigríður, f.
1954, maki hennar er Jón Þór
Gunnarsson. Börn: Gunnar
Þór og Ólafur Karl. Fríða
Ólöf, f. 1960, maki hennar er
Skúli Gunnarsson.
Börn: Heiðrún,
Davíð Örn og
Ingvar. Ólafur
Karl, f. 1966, maki
hans er Lena Friis
Vestergaard.
Börn: Björk og
Viktor. Anna
María, f. 1972,
maki hennar er
Heimir Jónsson.
Börn: Róbert Snær
og Heiðný Embla. Auk þess
eiga Fríða og Ólafur eitt
barnabarnabarn, Helenu Mel-
berg.
Fríða og Ólafur hófu búskap
í Reykjavík og bjuggu lengst
af í Grænuhlíð 3. Fríða starf-
aði við verslunarstörf en um-
fram allt helgaði hún líf sitt
uppeldi barna sinna og fjöl-
skyldu og annaðist heimilið af
alúð.
Fríða Sigríður verður jarð-
sungin frá Háteigskirkju í
dag, 21. júní 2011, kl. 13.
Það er sorglegra en orð fá lýst
að þurfa að kveðja þig, elsku
mamma. Þú varst góð í gegn og
gerðir svo margt fyrir mig sem
ég er þakklát fyrir.
Efst í hugann kemur tíminn
þegar ömmustrákurinn þinn
hann Róbert fæddist, hann átti
alltaf öruggan stað hjá þér og
mun eiga svo dýrmætar minning-
ar um þig. Hjá ykkur pabba átti
hann sitt annað heimili og þú
varst alltaf risastór hluti af lífi
hans. Ef eitthvað markvert gerð-
ist hjá honum var alltaf fyrsta
verkið að hringja í ömmu og
segja henni frá, enda var svo
gaman að segja þér frá, þú sýndir
öllu svo mikinn áhuga. Heiðný
Embla, dúllan hennar ömmu, var
einnig farin að átta sig á þessu og
hlakkaði alltaf til að sýna þér ef
hún hafði eignast eitthvað nýtt.
Mikið eigum við eftir að sakna
þess að geta rölt upp í Grænuhlíð
að heimsækja ömmu sem ávallt
tók komu okkar fagnandi. Þar
verður einnig tómlegt í kaffitím-
anum sem hefur verið venja leng-
ur en ég man, kl. 15 var alltaf
hægt að stóla á að heitt væri á
könnunni og að þú sætir í stóln-
um þínum inni í stofu tilbúin í
spjall. Hjá þér var alltaf svo
snyrtilegt og fínt að stundum
grínuðumst við systurnar þegar
við vissum að von væri á þér, að
nú væri eftirlitið á leiðinni, eins
gott að fara að taka til. Enda
bentir þú okkur stundum á leiðir
til að þrífa og pússa hitt og þetta
heima hjá okkur. Við gátum hleg-
ið að þessu og getum enn því það
eru svo margar skemmtilegar
minningar að ylja sér við. Til að
mynda varst þú meistari í að af-
baka orð svo úr varð algjör
brandari. Þú kallaðir til dæmis
lyklaborð mælaborð og ég man
þegar Heimir ætlaði að tengja
hjá þér netið þá varstu nú ekki
par hrifin af því til að byrja með,
því þú hafðir sko ekkert pláss til
að geyma þetta internet neins
staðar! Allt sem tengdist
tækninni áttir þú erfitt með að
skilja en þú gerðir grín að þessu
sjálf þannig að oft var mikið hleg-
ið.
Elsku mamma, þú varst svo
brosmild og létt í lund, skapbetri
manneskju hef ég ekki kynnst.
Ég man aldrei eftir þér reiðri,
ekki einu sinni pirraðri. Þú varst
með svo hlýtt hjarta og um-
hyggjusemi þín var mikil. Þú
varst alltaf boðin og búin að
hjálpa og aðstoð frá þér var auð-
fengin því þú sagðir aldrei nei. Þú
hafðir ómældan áhuga á öllu sem
við tókum okkur fyrir hendur og
varst meira að segja farin að
fylgjast með fótbolta til þess að
geta tekið þátt í því. Daginn eftir
leik vissir þú alltaf hvort Liver-
pool eða Manchester hefðu unnið
eða tapað. Nú eða liðið hans
Skúla, þú varst með þetta allt á
hreinu.
Elsku mamma, þú varst mér
svo góð, betri mömmu hefði ég
ekki getað hugsað mér. Þú varst
einstök kona og um þig á ég svo
margar hlýjar og dýrmætar
minningar. Þú hefur alltaf verið
til staðar fyrir mig, alltaf verið
tilbúin til þess að hjálpa, alltaf
tekið þátt í öllu mínu og ég mun
sakna þín hvern einasta dag. Líf
mitt verður aldrei samt en ég trúi
því og treysti að nú sértu komin á
þann stað þar sem þú getur horft
á dúllurnar þínar vaxa úr grasi og
hafir þannig fengið þína hinstu
ósk uppfyllta. Bless í bili elsku
mamma mín.
Anna María Ólafsdóttir.
Meira: mbl.is/minningar
Elsku amma, aldrei hefði ég
trúað því að við ættum ekki eftir
að sjást aftur þegar ég kvaddi þig
daginn sem þú fórst til Spánar.
Ég hlakkaði svo til þegar þú
kæmir aftur heim og ég á svo erf-
itt með að sætta mig við það að nú
verði það aldrei. Þú varst besta
amma í heimi, þú varst alltaf svo
góð við mig og ég á eftir að sakna
þín svo mikið. Það var svo nota-
legt að geta farið að heimsækja
ykkur afa þegar ég vildi, þú varst
alltaf glöð að sjá mig. Mér fannst
líka svo gaman að fá stundum að
gista hjá ykkur því þá vorum við
oft að spila á kvöldin og það var
svo skemmtilegt.
Elsku amma, þú varst alltaf að
hugsa um mig og vildir allt fyrir
mig gera. Úti á Spáni keyptir þú
handa mér takkaskóna sem ég
var búinn að óska mér og ef ég
skora einhver mörk í þeim þá
verða þau öll tileinkuð þér.
Elsku amma mín, ég vona að
þér líði vel þar sem þú ert núna,
ég mun aldrei gleyma þér og ég
skal hjálpa Heiðnýju að muna
eftir þér. Ég elska þig og ég mun
alltaf elska þig og þó að þú sért
ekki hjá mér í persónu þá veit ég
að þú munt fylgjast með mér
vaxa og dafna og þú munt vera
með mér í gegnum allt mitt líf.
Róbert Snær.
Það er erfitt og sárt að trúa því
að hún Fríða frænka mín í
Grænuhlíðinni sé fallin frá en hjá
henni var einstaklega gott að
vera. Hún var yndisleg kona og
var alltaf sérlega góð við mig og
veitti mér mikla hlýju. Þegar ég
var lítil stelpa var ég stundum í
pössun hjá henni og eru þær
minningar baðaðar rósrauðum
ljóma. Ógleymanlegar minning-
ar, t.d. um ristað brauð með
kakómalti (alltaf best hjá Fríðu
frænku), margar ferðir í versl-
unina Suðurver þar sem ég fékk
alltaf grænan frostpinna, öll
flottu leikföngin, páfagaukinn
Krúsa og ég tala nú ekki um allt
útlenda nammið. Fyrir litla
sveitastelpu eins og mig var þetta
sannkallaður ævintýraheimur.
Mér er sérstaklega minnisstæður
sunnudagsbíltúr í Hveragerði að
skoða apana sem þá voru í Eden.
Mér var auðvitað boðið upp á ís
og ég var fljót að svara: „Já vá, þá
á ég tvo, hinn er á hillunni
heima.“ Eins og við var að búast
vakti þetta svar mitt mikla lukku.
Mér hefur alltaf þótt alveg ein-
staklega vænt um hana Fríðu
frænku og hefur hún alltaf átt
sérstakan stað í hjarta mínu. Hún
var falleg og glæsileg kona, mjög
skemmtileg og hnyttin í tilsvör-
um.
Ég kveð hana með miklum
söknuði en minningin um frá-
bæra frænku lifir.
Elsku Óli, Sigga, Ólöf, Óli
Kalli, Anna og aðrir aðstandend-
ur, ég votta ykkur mína dýpstu
samúð og megi góður guð styrkja
ykkur í sorginni.
Guð geymi þig.
Guðný Þ. Þórarinsdóttir.
Það er þyngra en tárum taki
að hún Fríða systir mín skyldi
enda ævi sína á Tenerife í ferð-
inni sem byrjaði svo vel. Við vor-
um saman í fermingu stuttu áður
en hún fór og þar talaði hún um
að lækna gigtina í hitanum. En
margt fer öðruvísi en ætlað er.
Ég var ekki gömul þegar Fríða
hitti lífsförunaut sinn, hann Óla
mág, ég man því varla eftir henni
án hans. Við Fríða vorum miklar
vinkonur alla tíð. Eftir að ég fór
að búa á Hamri í Þverárhlíð var
mikill samgangur, þau komu oft
að Hamri, þá var glatt á hjalla og
fórum við oft upp að Fiskivatni
með krakkana þar sem vinsælt
var að veiða. Ekki var síðra að
koma í Grænuhlíðina til þeirra.
Fríða hafði gaman af börnum og
þar voru mín börn ekki undan-
skilin. Hún var hannyrðakona og
saumaði margar fallegar myndir
og bera veggir heimilisins þess
merki.
Ég kveð systur mína með
miklum söknuði og votta Óla,
Siggu, Ólöfu, Óla Kalla, Önnu
Maríu og fjölskyldum þeirra
mína dýpstu samúð. Hvíl í friði,
mín kæra.
Þín systir,
Karen.
Fríða Sigríður
Magnúsdóttir
Elsku Ella okkar.
Nú er komið að leiðarlokum.
Við þökkum þér fyrir samfylgdina
og vináttuna sem við munum
ávallt geyma í hjörtum okkar.
Sárt er vinar að sakna.
Sorgin er djúp og hljóð.
Minningar mætar vakna.
Margar úr gleymsku rakna.
Svo var þín samfylgd góð.
Daprast hugur og hjarta.
Húmskuggi féll á brá.
Lifir þó ljósið bjarta,
lýsir upp myrkrið svarta.
Vinur þó félli frá.
Góða minning að geyma
gefur syrgjendum fró.
Til þín munu þakkir streyma.
Þér munum við ei gleyma.
Sofðu í sælli ró.
(Höf. ók.)
Það er með miklum söknuði
sem við kveðjum kraftmikla og
lífsglaða konu. Við biðjum Guð að
styrkja börn hennar, tengdabörn,
barnabörn, móður, systkini og
fjölskyldur þeirra.
Þínar vinkonur,
Ásta, Ástbjörg, Guðný
og Magnea (Maddý).
Elín Valborg
Þorsteinsdóttir
✝ Elín ValborgÞorsteinsdóttir
fæddist 8. febrúar
1947 á Eyrarbakka.
Hún lést á gjör-
gæslu Landspít-
alans 6. júní 2011.
Elín var jarð-
sungin frá Selja-
kirkju 14. júní
2011.
Elín eða Ella vin-
kona eins og ég
þekkti hana var
besta vinkona henn-
ar mömmu. Mamma
og Ella voru æsku-
vinkonur og mjög
samrýndar og voru
duglegar að hittast.
Oftar en ekki fylgdi
ég mömmu og leit ég
á Ellu sem frænku
mína. Alltaf þegar
leið mín lá í Mjóddina kom ég við í
skartgripaversluninni þar sem
Ella vann og var alltaf tekið vel á
móti mér. Ella kom í útskriftina
mína bæði þegar ég útskrifaðist
úr menntaskóla og háskóla og
þótti mér rosalega vænt um það.
Hún hafði ávallt áhuga á því sem
ég var að gera og sýndi mér mikla
væntumþykju. Þegar dóttir mín
fæddist í júlí 2010 kom Ella með
sængurgjöf sem mamma hennar
hafði prjónað og þegar það kom að
skírninni lánaði Ella mér skírnar-
kjól sem hún saumaði í hús-
mæðraskólanum og hefur ávallt
fylgt fjölskyldu minni í áratugi við
skírnir. Við systurnar höfum allar
verið skírðar í þessum kjól og
börn okkar, því er kjóllinn okkur
afar kær. Ella var svo sannarlega
meðlimur í fjölskyldunni minni.
Ella var dugleg, barngóð, gjafmild
og alltaf í góðu skapi.
Ég kveð Ellu vinkonu með
miklum söknuði og þakkir fyrir
þær stundir sem við áttum saman.
Elsku Hanna, Anna Steina,
Steini og Diddi, innilegar samúð-
arkveðjur.
Kristín Ómarsdóttir
og fjölskylda.
✝
Ástkær eiginmaður minn, faðir, tengdafaðir, afi, langafi og bróðir,
FRIÐÞJÓFUR I. STRANDBERG
sjómaður,
til heimilis að Melgerði 32,
Kópavogi,
lést á líknardeild Landspítalans laugardaginn 18. júní.
Jarðarförin verður auglýst síðar.
Guðrún Magnúsdóttir Strandberg,
börn, tengdadætur, barnabörn,
barnabarnabörn og bróðir.
✝
Elskuleg móðir okkar, tengdamóðir, amma,
langamma og langalangamma,
ELÍNÓRA HÓLM SAMÚELSDÓTTIR,
lést á dvalarheimilinu Hlíð, Akureyri,
mánudaginn 13. júní.
Hörður Gíslason, Sigurbjörg Edda Óskarsdóttir,
Hallgrímur Gíslason, Halla Svavarsdóttir,
Jón Gíslason, Aðalheiður Kristjánsdóttir,
Bjarnhéðinn Gíslason, Heiðdís Haraldsdóttir,
Aðalheiður Gísladóttir, Haukur Þorsteinsson,
barnabörn og fjölskyldur þeirra.
✝
Móðir okkar, tengdamóðir, amma, langamma
og langalangamma,
HELGA SÍMONARDÓTTIR,
andaðist á Heilbrigðisstofnun Suðurlands
fimmtudaginn 16. júní.
Útförin fer fram frá Selfosskirkju mánudaginn
4. júlí kl. 15.00.
Fyrir hönd aðstandenda,
Einar Rafn Ingvaldsson, Katrín Jóna Gunnarsdóttir,
Símon Grétar Ingvaldsson, Hrafnhildur Scheving,
Héðinn Smári Ingvaldsson, Bjarney Ragnarsdóttir,
Fanney Ósk Ingvaldsdóttir, Geir Ómar Kristinsson,
Hallgrímur Jón Ingvaldsson, Kristbjörg Gunnarsdóttir,
ömmubörn, langömmubörn og langalangömmubörn.
✝
Ástkær eiginkona mín, móðir okkar, tengda-
móðir, amma og langamma,
AUÐUR JÓNSDÓTTIR
ljósmyndari,
Barmahlíð 52,
Reykjavík,
lést á hjúkrunarheimilinu Sóltúni fimmtu-
daginn 9. júní.
Útförin fer fram frá Háteigskirkju fimmtudaginn 23. júní kl. 13.00.
Sævar Halldórsson,
Jónína Margrét Sævarsdóttir,
Guðrún Sigríður Sævarsdóttir, Kristján Vídalín Jónsson,
Hrönn Sævarsdóttir, Sigurður Sigurðarson,
Jón Alvar Sævarsson, Steinunn Baldursdóttir,
barnabörn og barnabarnabörn.
✝
Ástkær móðir okkar, tengdamóðir, amma og
langamma,
KRISTÍN GUÐBJÖRG
INGIMUNDARDÓTTIR
ljósmóðir,
Gileyri,
Tálknafirði,
lést á Heilbrigðisstofnuninni Patreksfirði
þriðjudaginn 14. júní.
Útförin fer fram frá Tálknafjarðarkirkju fimmtudaginn 23. júní
kl. 14.00.
Ingimundur Andrésson, Sigurjóna Kristófersdóttir,
Torfi Andrésson,
Kristjana Andrésdóttir, Heiðar Jóhannsson,
barnabörn og langömmubörn.
✝
Eiginmaður minn, faðir okkar, tengdafaðir, afi
og langafi,
KNÚTUR JEPPESEN
arkitekt,
lést á Landakotsspítala miðvikudaginn
15. júní.
Útför fer fram frá St. Jósefskirkju Jófríðar-
stöðum í Hafnarfirði föstudaginn 24. júní kl. 13.00.
Ragnhildur Blöndal,
Elsa Margrét Knútsdóttir,
Lárus Ari Knútsson, Gunnlaugur Bjarki Snædal,
Stefán Jón Knútsson Jeppesen, Bára Magnúsdóttir,
Anna Salka Knútsdóttir Jeppesen, Þórir Ríkharðsson,
Hulda Sigríður Jeppesen, Guðmundur J. Stefánsson,
Hanna Kejser Brinkmann, Karl H. Brinkmann,
Tim Lövgren,
barnabörn og barnabarnabörn.
✝
Ástkær móðir okkar, tengdamóðir, amma og
langamma,
KATRÍN LOFTSDÓTTIR
fyrrv. ljósmóðir,
Vík í Mýrdal,
lést á dvalarheimilinu Hjallatúni Vík sunnu-
daginn 12. júní.
Útförin hefur farið fram í kyrrþey að ósk hinnar látnu.
Loftur Guðni Þorsteinsson,
Kristín Anna Þorsteinsdóttir
og fjölskyldur.