Morgunblaðið - 21.06.2011, Blaðsíða 15

FRÉTTIR 15Innlent
MORGUNBLAÐIÐ ÞRIÐJUDAGUR 21. JÚNÍ 2011
Borgartúni 21 | 105 Reykjavík | Sími : 569 6900, 800 6969
www.ils.is
110% leiðin – átt þú rétt?
· Ef skuldir eru umfram 110% af verðmæti fasteignar er hægt að sækja
um að skuldirnar verði færðar niður að 110% af verðmæti eignarinnar.
· Á við um lán til kaupa á íbúð til eigin nota sem áttu sér stað fyrir árið 2009.
· Ef veðrými er á öðrum eignum umsækjanda lækkar niðurfærsla skulda sem því nemur.
· Kannaðu málið fyrir 1. júlí nk., en þá rennur út frestur til að sækja
um þessa niðurfærslu.
· Sækja skal um rafrænt á www.ils.is.
· Umsóknarfrestur er til 1. júlí 2011.
Helgi Bjarnason
helgi@mbl.is
Gamli vatnshverfillinn í Mjólkárvirkjun II
gengur á fullu á meðan byggt er við stöðv-
arhúsið og nýja hverflinum, sem á að leysa
þann gamla af hólmi, er komið fyrir. Fram-
leiðslan stöðvast aðeins í hálfan annað mán-
uð eftir verslunarmannahelgi og verðmæti
raforkunnar sem annars hefði tapast vinnur
upp í kostnaðinn við að stækka húsið.
Orkubú Vestfjarða lýkur á þessu ári
áfanga við endurnýjun og stækkun Mjólk-
árvirkjunar í Arnarfirði. Byrjað var á því
að byggja litla virkjun, sem kölluð er
Mjólká III. Hún komst í gagnið undir lok
síðasta árs. Þá tók við endurnýjun tækja-
búnaðar og stækkun Mjólkár II. Fram-
kvæmdum lýkur að mestu á þessu ári og
verður vélasamstæðan gangsett í sept-
ember.
Hagkvæmt að stækka
Sölvi Sólbergsson, framkvæmdastjóri
orkusviðs Orkubús Vestfjarða, segir að
nauðsynlegt hafi verið að endurnýja stjórn-
búnað, vatnshjól hverfilsins og að rafall
hennar hafi verið að komast á tíma. Þótt
vatnshverfillinn sjálfur hefði getað dugað í
mörg ár enn reyndist hagkvæmt að kaupa
nýjan og stærri. „Verðmunurinn var ekki
það mikill að aukin orkuframleiðsla borgar
mismuninn og gott betur,“ segir Sölvi.
Ákveðið var að byggja við stöðvarhúsið
sem hýsir vélar Mjólkár I og II og steypa
nýja hverfilinn þar niður. Þótti of mikil
áhætta og rask að rífa þann gamla upp til
að skapa pláss fyrir nýjan. Sölvi segir að þá
hefði þurft að stöðva framleiðslu í mun
lengri tíma. Þá vinnist það að nægilegt hús-
pláss verði til reiðu þegar endurnýja þurfi
vélbúnað Mjólkár I.
Afl Mjólkárvirkjunar verður 10,6 mega-
vött eftir breytingarnar og áætlað að orku-
magnið aukist um 30%.
Kostnaðurinn er yfir milljarður en dreif-
ist á þrjú til fjögur ár. Orkubúið hefur fjár-
magnað meginhluta framkvæmdanna með
eigin fé og lýkur við að greiða þær upp á
næsta ári. „Við höfum dregið úr öðrum
framkvæmdum á meðan en þeim verður að
sinna á næstu árum,“ segir Sölvi. End-
urnýjun á vél I er orðin aðkallandi en var
frestað um óákveðinn tíma. Þá var Orkubú-
ið með áætlanir um fjórðu virkjunina sem
kölluð er Mjólká IV. Hún reyndist dýr og
hafa áformin verið lögð til hliðar.
Varaaflið bætt
„Ávinningurinn með stækkun Mjólk-
árvirkjunar er tvíþættur. Aukin eiginfram-
leiðsla mun styrkja fyrirtækið til lengri
tíma litið og gerir það burðugra til að tak-
ast á við stærri virkjunarkosti en áður.
Einnig mun stækkunin í Mjólká gagnast vel
þegar bilanir verða á Vesturlínu og eykur
þannig afhendingaröryggi raforku á suður-
og norðursvæði Vestfjarða en íbúarnir búa
við lakasta öryggi allra í flutningskerfi
Landsnets,“ segir Sölvi.
Hann segir að Landsnet sé að athuga
möguleika á að bæta varaaflið enn frekar
með því að nútímavæða það. Tilgangurinn
er að reyna að koma í veg fyrir straumleysi
hjá sem flestum notendum. Ef nýi búnaður-
inn heldur uppi raforkukerfinu í 1 til 2 mín-
útur, skapast nægilegt svigrúm til að setja
vélarnar í Mjólká á fullt og ræsa aðrar
varaaflsvélar á svæðinu. Náist fljótt jafn-
vægi á milli orkuframleiðslu og notkunar
ætti enginn að missa rafmagnið. „Þetta er
dýr framkvæmd en þó örugglega mun ódýr-
ari en að leggja nýja línu frá landskerfinu
til Vestfjarða,“ segir Sölvi.
Gamli hverfillinn snýst á fullu á
meðan þeim nýja er komið fyrir
 Stækkun og endurbótum á Mjólkárvirkjun í Arnarfirði lýkur að mestu á þessu ári  Framleiðslan
eykst um 30%  Tekjur Orkubús Vestfjarða aukast sem og afhendingaröryggi raforku
Morgunblaðið/Helgi Bjarnason
Mjólká Byggt er við stöðvarhús Mjólkárvirkjunar til að skapa rými fyrir nýja vatnsvél. Sú
gamla mallar á meðan. Aðeins þarf að stöðva framleiðsluna í hálfan annan mánuði í haust.
„Það er ljúft hér á sumrin, sumarið
er bara ekki ennþá komið. Veturinn
er gjörólíkur. Hér eru oft hörð veð-
ur í norðaustanáttum,“ segir Stein-
ar Jónasson, stöðvarstjóri í Mjólk-
árvirkjun í Arnarfirði,
einangruðustu virkjun landsins.
Fjórir starfsmenn eru í Mjólk-
árvirkjun, tveir standa vaktina í
einu. Þeir sinna ýmsum verkefnum
við rekstur raforkukerfisins á Vest-
fjörðum og orkukaup Orkubús
Vestfjarða, auk þess að halda virkj-
uninni gangandi.
Virkjunin er lokuð á milli tveggja
heiða, Hrafnseyrarheiðar að norð-
an og Dynjandisheiðar að sunnan.
Vegurinn er ekki mokaður á vetr-
um og er byggðin því ekki í vega-
sambandi nokkra mánuði á hverju
ári. Í vetur lokaðist Hrafnseyrar-
heiðin í desember og var ekki opn-
uð fyrr en í maí. Steinar segist ekki
áður hafa orðið var við snjóflóð í
maímánuði í þau fimmtán ár sem
hann hefur starfað við virkjunina.
Eina þjónustan sem starfsmenn-
irnir fá er póstbátur sem kemur frá
Bíldudal tvisvar í viku.
Allir starfsmennirnir eiga heimili
annars staðar og hafa sín ráð til að
komast heim í vaktafríum, þótt veg-
urinn sé lokaður. Þeir ryðja sjálfir
vegina innan sveitar og fá snjóbíl
frá Þingeyri til að flytja sig yfir
Hrafnseyrarheiði. Ef nægur snjór
er geta þeir farið á snjósleðum og
stundum ganga þeir yfir heiðina, ef
því er að skipta. Steinar tekur fram
að starfsmennirnir þekki aðstæð-
urnar og reyni að laga sig að þeim.
Grundvöllur þess að vera með
fjölskyldu í Mjólkárvirkjun brast
þegar skólinn var lagður niður. Þá
var raunar aðeins eitt barn eftir.
Byggðin í sveitinni hefur látið
undan síga, þannig hefur búskap
verið hætt á þremur bæjum á síð-
ustu árum og nú er aðeins búið á
einum.
Steinar telur að skýringar á
hnignun byggðarinnar megi rekja
til einangrunarinnar. Enginn vilji
koma til að taka við búskap þegar
samgöngurnar eru ekki í lagi.
Lengi vel hafi fólk bundið vonir við
göng í gegnum Hrafnseyrarheiði
og uppbyggingu vegar um Dynj-
andisheiði en þær hafi brugðist.
Hann telur raunar að lokunin á mili
suður- og norðurhluta Vestfjarða
valdi einnig hnignun jaðarbyggð-
anna beggja vegna.
„En við njótum góðs af 17. júní,
þegar fyllt er í holurnar og rykið
bundið. Það er jákvætt en verst að
svo gerist ekkert meira það sem
eftir er sumars,“ segir Steinar.
Morgunblaðið/Helgi Bjarnason
Stöðvarstjóri Steinar Jónasson stýrir einangruðustu virkjun landsins.
Laga sig að aðstæðum