Morgunblaðið - 30.07.2011, Qupperneq 14

14 FRÉTTIRInnlent
MORGUNBLAÐIÐ LAUGARDAGUR 30. JÚLÍ 2011
Gauti Jóhann-
esson hefur var-
ið doktorsrigerð
við Háskólann í
Umeå í Svíþjóð.
Ritgerðin ber
heitið „Intra-
ocular pressure – clinical
aspects and new measurement
methods“. Í ritgerðinni eru
augnþrýstimælar bornir sam-
an með tilliti til nákvæmni
mælinga og áhrifa eiginleika
hornhimnu á þær. Enginn
mælir reyndist algjörlega
óháður eiginleikum hornhimn-
unnar. Einnig var glákutíðni á
Vesturlandi rannsökuð og
niðurstöðurnar gáfu til kynna
að afturvirk nálgun geti við
sérstakar aðstæður gefið
gagnlegar upplýsingar.
 Gauti Jóhannesson er fæddur
1979 og uppalinn á Akranesi. For-
eldrar hans eru Jóhannes Guð-
jónsson og Guðrún J. Guðmunds-
dóttir. Gauti er kvæntur Therese
Ahlepil lyfjafræðingi og eiga þau
tvö börn. Hann hefur starfað sem
læknir á augndeild Háskóla-
sjúkrahússins í Umeå í Svíþjóð
frá 2008.
» FÓLK
Doktor í
læknisfræði
Bjarki Jóhann-
esson hefur var-
ið doktorsritgerð
sína í líffræði við
Háskóla Íslands.
Hann stundaði
doktorsnám við
Evrópsku sameindalíffræði-
stofnunina (EMBL) í Heidel-
berg í Þýskalandi í samvinnu
við líf- og umhverfisvís-
indadeild Háskóla Íslands. Rit-
gerðin fjallar um rannsóknir
tengdar slímseigju (cystic fi-
brosis) og langvinnri lungna-
teppu. Í rannsóknum á músum
var sýnt fram á að breytileikar
í jónaflutningi hafa áhrif á upp-
söfnun slíms í öndunarvegi og
sett var fram tilgáta um að
breytileg seyting klóríðjóna
geti haft áhrif á upphaf lang-
vinnrar lungateppu í mönnum.
 Bjarki Jóhannesson er fæddur
1981 og uppalinn á Akranesi. For-
eldrar hans eru Jóhannes Guð-
jónsson og Guðrún J. Guðmunds-
dóttir. Hann er búsettur í Róm þar
sem hann stundar post doc-
rannsóknir við EMBL á Ítalíu.
Bjarki er í sambúð med Daniella
Cornacchia, doktorsnema í sam-
eindalíffræði.
Doktor í líffræði
Matthias Eggerts-
son hefur lokið
doktorsprófi í al-
þjóðaviðskiptum
frá Nova South-
eastern Univers-
ity í Bandaríkj-
unum. Doktorsritgerðin nefnist
„Country-of-Origin and Brand-
ing in B2B Context“. Oft eru
vörur framleiddar í einu landi,
með vörumerki í öðru og seldar
allt annað. Tilgangur rannsókn-
arinnar var að ákvarða hlutfalls-
legt mikilvægi framleiðslulands
vöru og heimalands vörumerkis.
Niðurstöður sýna að kaupendur
kjósa að kaupa vörur sem eru
framleiddar af þróuðum þjóð-
um.
 Matthias er sonur Eggerts Ó.
Eggertssonar og Brynhildar I. Matt-
híasdóttur. Hann er kvæntur Mari-
zelda S. Eggertsson hljómlist-
arkonu. Þau búa í Flórída í
Bandaríkjunum þar sem Matthías
rekur alþjóðamarkaðsfyrirtæki og
er stundakennari.
Doktor í alþjóða-
viðskiptum
FRÉTTASKÝRING
Halldór Armand Ásgeirsson
haa@mbl.is
Salvör Nordal, formaður stjórnlag-
aráðs, afhenti Ástu Ragnheiði Jó-
hannesdóttur, forseta Alþingis, nýtt
frumvarp til stjórnskipunarlaga á
blaðamannafundi í Iðnó í gærmorg-
un. Frumvarpið er afrakstur vinnu
ráðsins, sem hófst 6. apríl síðastlið-
inn. Engin greinargerð með frum-
varpinu hefur enn litið dagsins ljós
en Salvör sagði í ávarpi sínu að nú
væri unnið að greinargerðinni og
hún yrði afhent Alþingi í næstu viku.
Hún sagði ennfremur að fjöldi hug-
leiðinga og tillagna hefði borist
ráðinu frá almenningi og einhverjar
þeirra birtust nú í frumvarpinu
sjálfu.
Kynnt á fundi forsætisnefndar
Nýja frumvarpið felur í sér um-
talsverðar breytingar frá núgildandi
stjórnarskrá og forvitnilegt verður
að sjá hvaða meðferð það mun fá hjá
Alþingi. Ásta Ragnheiður sagði í
ávarpi sínu að það væri henni heiður
að taka við frumvarpinu. Hún bætti
við að hún myndi kynna frumvarpið
á næsta fundi forsætisnefndar Al-
þingis og það yrði jafnframt kynnt
formönnum allra þingflokka.
„Ég geri ráð fyrir að ný fasta-
nefnd Alþingis, stjórnskipunar-
nefnd, muni koma mikið að meðferð
málsins og fá til sín meðlimi stjórn-
lagaráðs til ráðgjafar og upplýsing-
ar,“ sagði Ásta Ragnheiður og bætti
við að hún vonaðist eftir því að Ís-
lendingar myndu eignast nýja
stjórnarskrá „sem þeir ekki einungis
[yrðu] sáttir við, heldur stoltir af“.
Frumvarpið var samþykkt ein-
róma með atkvæðum allra ráðsfull-
trúa á síðasta fundi ráðsins, miðviku-
daginn 27. júlí síðastliðinn. Fulltrúar
ráðsins hafa lýst því yfir að þeir séu
sammála um að veita eigi lands-
mönnum færi á að greiða atkvæði
um nýja stjórnarskrá áður en Al-
þingi afgreiðir frumvarpið endan-
lega. Þeir hafa jafnframt lýst sig
reiðubúna til að koma aftur að mál-
inu áður en þjóðaratkvæðagreiðsla
fer fram.
Áður en Ásta Ragn-
heiður tók við frumvarp-
inu fyrir hönd Alþingis
á blaðamannafundinum
skiptust meðlimir stjórnlagaráðs á
að rísa, hver á fætur öðrum, úr sæt-
um sínum og kalla einhvers konar
stjórnskipunar-slagorð út í salinn í
Iðnó: „Uppskrift að réttlátara sam-
félagi!“ sagði einn. „Loksins, loksins,
eftir 160 ár!“ kallaði annar. Aðrir lof-
sungu náttúru Íslands og sögðu
frumvarpið „ilma af hamingju“.
Hamingjuilmurinn hefur eflaust
nýlega tekið sér bólfestu í frumvarp-
inu enda stóðu deilur yfir í vikunni
um aðfaraorð þess. Í fyrradag var
hins vegar samþykkt að aðfaraorð
frumvarpsins hæfust með eftirfar-
andi hætti: „Við sem byggjum Ísland
viljum skapa réttlátt samfélag þar
sem allir sitja við sama borð. Ólíkur
uppruni okkar auðgar heildina og
saman berum við ábyrgð á arfi kyn-
slóðanna, landi og sögu, náttúru,
tungu og menningu. Ísland er frjálst
og fullvalda ríki með frelsi, jafnrétti,
lýðræði og mannréttindi að horn-
steinum.“
Ekki aðeins einn kostur
Skipun stjórnlagaráðs var staðfest
með þingsályktun hinn 24. mars síð-
astliðinn. Meirihluti allsherjarnefnd-
ar Alþingis lýsti í áliti sínu frá 14.
mars síðastliðnum yfir að vilji hans
stæði til þess að „taka eins og hægt
[væri] tillit til hugmynda sem fram
[hefðu] komið um að efnt [yrði] til
kosninga um niðurstöður stjórnlag-
aráðs áður en þær [kæmu] til kasta
Alþingis“. Jafnframt kom fram í álit-
inu að vænst væri þess að stjórnlag-
aráð gerði tillögu að því hvernig
haga ætti slíkri kosningu. Ennfrem-
ur kom fram að ekki ætti að gefa sér
fyrirfram að einn kostur yrði borinn
undir þjóðina í kosningu. „Æskilegt
væri að finna leið sem gerði það
kleift að bera mismunandi kosti und-
ir þjóðina, t.d. þannig að menn gætu
sjálfstætt lýst afstöðu um einstök
ákvæði nýrrar stjórnarskrár eða eft-
ir atvikum einstaka kafla hennar.“
Nýja stjórnarskrá þarf að sam-
þykkja á tveimur þingum og rjúfa
skal þing þess á milli og kjósa nýtt
þing.
Íslendingar verði hreyknir
af nýrri stjórnarskrá sinni
 Nýtt stjórnarskrárfrumvarp stjórnlagaráðs afhent forseta Alþingis í Iðnó í gær
 Verður kynnt forsætisnefnd og formönnum þingflokka  „Ilmar af hamingju“
Morgunblaðið/Sigurgeir S.
Frumvarp Ásta Ragnheiður Jóhannesdóttir, forseti Alþingis, tók við nýju stjórnlagafrumvarpi frá Salvöru Nordal,
formanni stjórnlagaráðs. Ásta Ragnheiður sagði að hún myndi kynna frumvarpið á fundi forsætisnefndar Alþingis.
„Það er flestum steinum velt við í þessu frumvarpi og það er ljóst að
meðlimir stjórnlagaráðs hafa tekið til hendinni,“ segir Ágúst Þór Árna-
son, brautarstjóri lagadeildar Háskólans á Akureyri.
Hann segir ýmislegt jákvætt við frumvarpið en það sé ekki galla-
laust. „Það er margt í frumvarpinu sem er af hinu góða en hins vegar
finnst mér vanta upp á nálgunina og ekki er nægilega hugað að innra
samhengi frumvarpsins og tengslum þess við núgildandi stjórnar-
skrá.“ Hann segir jafnframt að verkinu sé ekki lokið. „Það er ekki
hægt að tala um þetta sem endanlegt verk. Stjórnarskrá má ekki
vera of mikil hraðsuða. En hins vegar er frumvarpið mikilvægt
framlag og með því skapast grundvöllur til frekari umræðna
og rannsókna.“
Má ekki vera hraðsuða
ÁGÚST ÞÓR ÁRNASON
Anna Lilja Þórisdóttir
annalilja@mbl.is
Veðurfar er vinsælt umræðu- og
umkvörtunarefni, einkum að sum-
arlagi og hafa margir látið í ljós
óánægju sína með tíðarfarið á
höfuðborgarsvæðinu í júlí. Veður-
athugunarmaður segir að júl-
ímánuður í ár sé yfir meðallagi hvað
varðar fjölda sólskinsdaga, lítið hafi
rignt og því séu kvartanir með öllu
ástæðulausar.
„Þetta hefur verið fyrirmyndar-
júlí fram að þessu,“ segir Sigurður
Þór Guðjónsson, veðurathug-
unarmaður, sem hefur fylgst með
veðri um áratuga skeið og bloggar
um veðurathuganir sínar á
www.nimbus.blog.is. „Það er bara
þvæla þegar fólk segir að júlíveðrið
hafi verið slæmt. Reyndar var svo-
lítið kalt í gær (fimmtudag), en það
er eini dagurinn
sem hefur verið
kaldur. Hitinn er
1,8 gráðum yfir
meðallagi, það
hefur rignt í 13
daga og það hafa
verið tíu dagar
þar sem sólin hef-
ur skinið í tíu
klukkustundir
eða meira.“
Hann segir úrkomu, það sem af er
mánuðinum, hafa verið helmingi
minni en vant er.
Hefur fylgst með veðri frá 1967
Að sögn Sigurðar Þórs var júlí-
mánuður í fyrra sá hlýjasti sem vit-
að er um hér á landi og því sé ekki
sanngjarnt að nota hann til sam-
anburðar. „Sumir segja að ekkert
sumar hafi komið í ár, það mætti
stundum halda að fólk væri með
veðuralzheimer, það er svo fljótt að
gleyma.“ Sigurður hefur fylgst náið
með veðri í tæp 45 ár. „Ég byrjaði á
þessu 11. júlí 1967 og hef síðan þá
fylgst með veðrinu. Á þessum tíma
var ég að lesa jarðfræði og það vakti
áhugann. Svo voru líka veðurfrétt-
irnar í Sjónvarpinu að byrja á þess-
um tíma og það jók enn frekar á
áhugann,“ segir Sigurður Þór.
Hann segir tilkomu netsins hafa
breytt miklu fyrir sig. „Það var því-
lík bylting þegar netið kom, þá var
hægt að fylgjast auðveldlega með
veðrinu um allan heim,“ segir Sig-
urður. Hann segist seint verða leið-
ur á veðurathugunum, en hann
bloggar um veður nánast daglega.
„Það er alltaf eitthvað nýtt að ger-
ast í veðrinu, það breytist á hverjum
degi og er mismunandi eftir land-
svæðum.“
Þetta hefur verið fyrirmyndar-júlí
 Hitinn í júlí talsvert yfir meðallagi  Ósanngjarnt að bera saman við júlí í
fyrra  Veðurathugunarmaður segir landsmenn þjást af „veðuralzheimer“
Sigurður Þór
Guðjónsson
Skin og skúrir í júlí
» Hlýjast var í
júlí árin 1991 og 2010, þá
var meðalhiti 13 stig.
» 1871 var kaldasti júlí-
mánuðurinn, þá var meðalhiti
8,4 stig.
» Flestar sólarstundir í júlí
voru árið 1939 og þá voru þær
308,4.
» Fæstar voru sólarstundirnar
árið 1913, þær voru þá 66 tals-
ins.
» Meðalhiti í júlí fer sífellt
hækkandi og var 0,5 stigum
hærri síðustu tíu ár en hann
var á árunum 1931-1960.