Morgunblaðið - 30.07.2011, Page 16

ÚR BÆJARLÍFINU
Gunnlaugur Auðunn Árnason
Stykkishólmur
Grásleppuvertíðin í Hólminum er
langt komin. Vertíðin í fyrra var sér-
lega góð og skilaði góðri afkomu.
Vertíðin í ár freistaði því margra.
Sóknin er miklu meiri nú. Alls
stunda 44 bátar grásleppuveiðar á
móti 29 bátum í fyrra. Árangurinn er
ekki í takt við útkomuna í fyrra. Í
Stykkishólmi hefur verið landað
132.500 kg af hrognum á móti
390.300 kg í fyrra. Aflinn er því að-
eins þriðjungur af því sem veiddist í
fyrra. Aflahæsti báturinn er Anna
Karín með 6.387 kg
  
Hafarannsóknastofnun hefur
áhuga á að leggja fram tillögur um
hámarksveiði grásleppu. Hingað til
hefur veiðunum verið stjórnað með
fjölda veiðidaga. Sjómenn eru lítt
hrifnir af þeim afskiptum og benda á
að grásleppan hefur verndað sig sjálf
hingað til og miklar sveiflur í veiðum
eru vel þekktar.
  
Bæjarhátíðin Danskir dagar
verður haldin 12.-14. ágúst nk. Há-
tíðin hefur verið haldin í mörg ár, en í
fyrra var gert smáhlé. Þráðurinn
verður tekinn upp að nýju og er und-
irbúningur hafinn. Danskir dagar
hafa notið vinsælda og margir ferða-
menn sótt staðinn heim og notið
ánægjulegra daga með bæjarbúum.
  
St. Fransiskusspítali verður
opnaður að nýju 4. ágúst en spítalinn
hefur verið lokaður í fjórar vikur
vegna sparnaðar. Stjórnendur höfðu
um tvo kosti að velja til að ná niður
sparnaði um sjö milljónir króna.
Annaðhvort varð að segja upp starfs-
fólki eða loka deildum yfir sumartím-
ann. Síðari kosturinn var valinn
þetta árið. Sjúklingar voru fluttir til
Akraness, en koma til baka þegar
stofnunin verður opnuð á þriðjudag-
inn.
  
Strandveiðar eru stundaðar frá
Hólminum. Þá daga sem þær eru
leyfðar er meira um að vera við höfn-
ina seinni part dags er bátarnir koma
til að landa, enda er það eitt að-
almarkmið veiðanna að glæða líf á
bryggjum landsins. Mönnum í öðrum
störfum gefst gott tækifæri að nota
sumarfríið til að sækja sjóinn og afla
tekna fyrir heimilið. Margur sjómað-
urinn sem selt hefur kvótann og
haldið að sjómannsferlinum væri lok-
ið getur glaðst að nýju og haldið til
sjós á ný eins og ekkert hafi í skorist.
Til strandveiða eru ekki gerðar sömu
kröfur og til handhafa byggðakvóta
um að landa aflanum til vinnslu í
heimabyggð, þar ríkir meira frelsi.
  
Þá er það veðráttan. Fyrir ut-
an kuldakastið í vor hefur verið hag-
stæð tíð í Hólminum, nokkuð þurr að
vísu. Júní hefur verið mjög þurr síð-
astliðin í 4 ár og júlí einnig nema
2008, en mjög þurrt var í júlí 2007.
Samkvæmt upplýsingum Veðurstofu
er úrkoma (% af meðallagi í sviga):
maí 45 mm (133), júní 21 (53), júlí 30
(70).
Meðalhiti (vik frá meðaltali í
sviga): maí 5,1 (+0,2), júní 7,2 (-0,9)
júlí 11,4 (+1,5).
Af þessu má sjá að júlí hefur
verið mjög hlýr í ár og þrettándi júlí í
röð með hita yfir meðallagi.
Aldrei hafa fleiri bátar
verið á grásleppuveiðum
Vel til fara í vinnunni Bæjarstarfsmenn sjá um að snyrta og fegra í Hólm-
inum fyrir bæjarhátíðina Danska daga.
Morgunblaðið/ Gunnlaugur Árnason
16 FRÉTTIRInnlent
MORGUNBLAÐIÐ LAUGARDAGUR 30. JÚLÍ 2011
Um verslunarmannahelgina verða
útimessur ef veður leyfir og messur
í eyðibyggð.
Í ár eru 50 ár liðin frá vígslu
kirkjunnar á Efra-Núpi, Miðfirði.
Þess verður minnst við árlega
messu kl. 14 í dag. Í Ábæjarkirkju í
Austurdal verður messað á morg-
un, sunnudag, kl. 14. Karl Sig-
urbjörnsson, biskup Íslands, pré-
dikar í báðum messunum. Árleg
messa verður einnig í gömlu kirkj-
unni á Núpsstað og guðsþjónusta
verður undir berum himni í Skarðs-
dalsskógi, Siglufirði, sunnudag, kl.
11.
Þá verður árleg útimessa á Þing-
völlum á sunnudag ef veður leyfir.
Verður hún kl. 14.
Messað úti
Minningarmót Harðar Barðdal í
pútti fór fram í Hraunkoti í Hafn-
arfirði nýverið. Jóhanna Ásgeirs-
dóttir kom sá og sigraði í flokki
fatlaðra og varði þar með titilinn
frá árinu 2010 þegar hún varð
fyrst til að vinna sigur á mótinu en
þetta var í annað sinn sem minn-
ingarmótið fór fram. Sveinbjörn
Guðmundsson fékk svo sérstök
hvatningarverðlaun á mótinu.
Úrslit í flokki ófatlaðra voru
þessi: Fyrsta sæti: Sveinbjörn Guð-
mundsson 28 högg, annað sæti:
Mark Rossi 29 högg og þriðja sæti:
Sindri Þ. 30 högg.
Í flokki fatlaðra varð Jóhanna
Ásgeirsdóttir með 33 högg í fyrsta
sæti, í öðru sæti varð Hildur Jóns-
dóttir með 33 högg, en verri seinni
níu en hjá Jóhönnu og í því þriðja
Jakob Ingimundarson með 34
högg.
Hvatningarbikar GSFÍ er far-
andbikar gefinn af dætrum Harðar
Barðdal í minningu hans og var
veittur nú í fyrsta skipti. Hann
hlaut Sveinbjörn Guðmundsson að
þessu sinni fyrir góða ástundun
æfinga, að vera duglegur að æfa
milli æfinga og fyrir góða fram-
komu utan vallar sem innan.
Vinningshafar Jakob Ingimundarson, Jóhanna Ásgeirsdóttir og Hildur Jónsdóttir.
Jóhanna Ásgeirsdóttir sigraði á púttmóti
Rauði krossinn dreifir matvælum
daglega til þúsunda fjölskyldna í
Mið- og Suður-Sómalíu, þvert á
átakalínur meðan stríð geisar þar.
Þá njóta um 5.500 börn umönnunar
í 40 næringarmiðstöðvum Rauða
krossins og Rauða hálfmánans víðs-
vegar um landið. Rauði krossinn
rekur einnig um 20 heilsugæslu-
stöðvar um allt land og vinnur að
vatnsveituverkefnum á þurrka-
svæðunum.
Rauði kross Íslands hefur eyrna-
merkt öll framlög íslensks almenn-
ings kaupum á vítamínbættu hnetu-
smjöri. Notkun þess er bylting í
umönnun vannærðra barna og
hægt er að hjúkra börnum til heil-
brigðis á 3-4 vikum.
Öllu söfnunarfé frá almenningi
verður 100% varið í neyðaraðstoð.
Hægt er að styrkja neyðaraðstoð
Rauða krossins með því að hringja í
904-1500. Þá bætast 1.500 krónur
við næsta símreikning. Einnig er
hægt að leggja inn á reikning hjálp-
arsjóðs Rauða krossins í banka
0342, hb. 26, reikn. 12, kt. 530269-
2649.
Reuters
Hjálp Ísak er 4 daga gamall og dvelur við
erfiðar aðstæður í flóttamannabúðum.
Rauði krossinn
dreifir matvælum
Fjármálaráðherra, Steingrímur J. Sigfússon, er heið-
ursgestur á Íslendingahátíðum í Kanada og Banda-
ríkjunum sem standa nú um helgina og fram á þriðju-
dag í næstu viku.
Íslendingahátíð er nú haldin í 112. sinn í Mountain,
Norður-Dakóta og í 122. sinn í Gimli í Manitoba en
fjölmennar Íslendingabyggðir voru á þessum svæðum
á tímum vesturfaranna og vel er hlúð að íslenskum
rótum íbúanna á svæðinu nú.
Fjármálaráðherra mun taka þátt í dagskrá og
menningarviðburðum á hátíðunum og flytja ávarp á
hvorum stað.
Dagskráin er fjölbreytt að venju og er m.a. ekið í skrúðgöngu með fjall-
konuna í broddi fylkingar.
Steingrímur heiðursgestur í Kanada
Steingrímur J.
Sigfússon
Slysavarnarfélagið Landsbjörg og
66°NORÐUR skrifuðu nýverið und-
ir áframhaldandi samstarfssamn-
ing um að björgunarsveitarmenn
félagsins klæðist áfram fatnaði frá
fyrirtækinu.
Þá mun 66°NORÐUR framleiða
sérstaklega Snæfell jakka í ein-
kennislitum Landsbjargar fyrir
meðlimi félagsins. Snæfell jakkinn
hefur vakið mikla athygli og unnið
til tveggja virtra verðlauna á úti-
vistarsýningum í Þýskalandi á
þessu ári.
Með þessum samningi verður
Landsbjörg fyrsta björgunarsveitin
í heiminum sem fær sérframleiddan
fatnað fyrir sig úr efninu NeoS-
hell® sem notað er í Snæfell jakk-
ann. Jakkinn er væntanlegur á
markað fyrir jól.
Landsbjörg semur
um nýjan fatnað
STUTT
Önundur Páll Ragnarsson
onundur@mbl.is
Langisjór hefur verið friðlýstur og
innlimaður í Vatnajökulsþjóðgarð,
ásamt norðausturhluta Eldgjár og
svæðinu í kringum vatnið, svo sem
Fögrufjöllum, Grænafjallgarði og
upptökum Skaftár á svæðinu suður
að Lakagígum. Umhverfisráðuneyt-
ið hefur gefið út reglugerð til stað-
festingar á stækkun Vatnajökuls-
þjóðgarðs, sem felur í sér þessa
friðlýsingu.
Innan þeirra svæða sem reglu-
gerðin tekur til eru náttúruminjar
sem taldar eru hafa mikið gildi á
heimsvísu, auk hins háa útivistar-,
fræðslu- og vísindagildis þeirra.
Stækkun þjóðgarðsins tekur til
tveggja svæða á Náttúruverndar-
áætlun 2009-2013, samtals um 420
ferkílómetrar.
Eitt stærsta ósnortna vatnið
„Annars vegar er um að ræða
svæði sem kennt er við Langasjó og
Tungnaárfjöll en það hefur að geyma
víðerni og einstakar jarðmyndanir
sem tengjast eldvirkni á löngum gos-
sprungum. Meðal þeirra eru mó-
bergshryggirnir Grænifjallgarður
og Fögrufjöll, sem mynduðust við
gos undir jökli á ísöld, og norðaust-
urhluti Eldgjár sem gaus árið 934
gríðarmiklu hraungosi,“ segir í frétt
á vef umhverfisráðuneytisins.
Langisjór er eitt stærsta ósnortna
stöðuvatn á hálendi landsins, um 25
ferkílómetrar, og rómað fyrir nátt-
úrufegurð. Eitt sinn var áformað að
veita Skaftá þar í gegn og nota
Langasjó sem miðlunarlón. Einnig
hafa verið uppi hugmyndir um að
veita Skaftá framhjá Langasjó með
göngum, yfir í Tungnaá. Þá hefur
einnig verið skoðaður möguleiki á
því að gera miðlunarlón á milli
Langasjávar og Lakagíga, sem heit-
að hefði Norðursjór.
Afar sjaldgæf vistgerð
„Hitt svæðið sem verður hluti
þjóðgarðsins er efsti hluti Skaft-
áreldahrauns suðaustan Lakagíga.
Markmið þeirrar friðlýsingar er að
vernda staðbundna og afar sjald-
gæfa vistgerð á hálendinu, breiskju-
hraunavist, í einu stærsta hrauni
sem runnið hefur á jörðinni á sögu-
legum tíma,“ segir á vef umhverf-
isráðuneytisins.
Langisjór kominn inn í
Vatnajökulsþjóðgarð
Morgunblaðið/RAX
Fagurblár Á fyrri hluta 20. aldar rann kvísl úr Skaftá í vatnið og jökullitaði
það en þegar farvegur hennar breyttist varð Langisjór svona heiðblár.
 420 ferkílómetra svæði sem áður var áformað að virkja á
Stækkun
» Umhverfisráðuneytið og
Skaftárhreppur náðu sam-
komulagi um stækkun þjóð-
garðsins í febrúar síðast-
liðnum.
» Fyrir stækkunina spannaði
hann um 13% af flatarmáli Ís-
lands og var og er enn stærsti
þjóðgarður Evrópu. Stærsti
þjóðgarður heims er hins vegar
á Grænlandi.
» Vatnajökulsþjóðgarður var
stofnaður 7. júní árið 2008.