Morgunblaðið - 26.08.2011, Blaðsíða 20
SVIÐSLJÓS
María Elísabet Pallé
mep@mbl.is
„Mér finnst alveg stórkostlegt að
vinna með hundum en þeir sem
vinna með dýrum þurfa að vera með
háan þolinmæðisstuðul,“ segir Sóley
Halla Möller, annar eigandi hunda-
snyrtistofunnar og gæludýrabúðar-
innar Dekurdýra.
„Þetta er bæði andleg og líkamleg
vinna en ofboðslega gefandi,“ segir
Sóley. „Það er ekki spurning að
hundarnir vita þegar þeir eru hrein-
ir og fínir vegna þess að þeir fá svo
mikla athygli þegar þeir koma
heim,“ segir hún og bætir við að fólk
þurfi að hugsa málið vel áður en það
fær sér hund. Best sé að velja þá
tegund sem henti best því að mjög
misjafnt sé hvað hundarnir þurfi
mikla umönnun.
„Það er mjög algengt hérna á Ís-
landi að fólk fari með hundana sína á
snyrtistofu en erlendis gerir fólk
þetta meira heima hjá sér,“ segir
Sóley. „Það er orðið mjög algengt að
hinn almenni hundaeigandi komi
hingað og láti baða og snyrta. Allur
óþrifnaður sem fylgir því er þá
hérna hjá okkur,“ segir Sóley. Segir
hún fólk vilja nýta sér þessa þjón-
ustu en bæði séu til sölu hjá þeim
dýrar sýningarvörur sem og ódýrari
fyrir venjulega heimilishunda.
„Sumir koma einu sinni í viku en
aðrir koma annan hvern mánuð eða
á þriggja mánaða fresti,“ segir Sól-
ey. Mikið sé að gera hjá Dekur-
dýrum vegna alþjóðlegu sýningar-
innar um helgina en einnig sé mjög
mikið að gera fyrir jólin og þá fái
hundarnir rauða jólaslaufu. Sóley
myndi ráðleggja hundaeigendum að
tala við fagfólk og ekki gera eitthvað
óhugsað. Margir falli fyrir litlum
hvolpum vegna þess að þeir séu gull-
fallegir. Sóley og Ásta María Guð-
bergsdóttir opnuðu stofuna í miðju
hruni og mikið hefur verið að gera
þar sem hundaeign hefur aukist.
Fólk sé duglegra að leita sér fræðslu
um umönnun á hundunum sínum.
Fjórar stórar sýningar eru haldnar
á hverju ári. Sóley segir mikla sam-
keppni vera á milli hundaeigenda
sem taka þátt í hundasýningum.
„Þetta er í raun fegurðarsamkeppni,
það er verið að velja þann hund sem
er hæfastur til undaneldis og því
getur fallegasti feldurinn haft úr-
slitaáhrif,“ segir Sóley.
„ Gefandi að vinna með hundum“
Fjölmargir hundar fara í snyrtingu fyrir sýningu Hundaeign hefur aukist verulega á síðustu ár-
um Fólk þarf að ráðfæra sig við fagfólk um hvaða hundategund hentar þeim best
Morgunblaðið/Sigurgeir S.
Hundahald Íslendingar eru duglegir að fara með hundana sína á snyrtistofur, sérstaklega fyrir stórar hundasýningar.
20 FRÉTTIRInnlent
MORGUNBLAÐIÐ FÖSTUDAGUR 26. ÁGÚST 2011
Allt á einum stað
Hunda- og kattasnyrtistofa
Dýralæknaþjónusta
Dalvegi 18, Kópavogi, sími 554 4242
Opnunartími: Mán.-fös. kl. 10-18, lau. kl. 11-16
Góða skemmtun um helgina
Skannaðu kóðann
til að sjá frétt um
hundasýninguna.
„Fólk er miklu meðvitaðra um að
finna sér sína „réttu“ tegund. Fólk
vill meira kynna sér eiginleika og
skapgerð hunda áður en það fær sér
hund,“ segir Lára Birgisdóttir en
hún hefur ræktað hunda í 16 ár.
Lára segir að fólk sé meðvitaðra um
að leita sér að góðum ræktendum og
vilji fá innsýn frá þeim sem og góðar
leiðbeiningar. Til séu dæmi um að
fólk bíði í marga mánuði eða jafnvel
ár eftir sínu ,,rétta goti“.
„Það er ákveðinn lífstíll að eiga
hund og ég held að það sé mann-
inum eðlilegt að hafa ekki bara
mannfólk í kringum sig. Það er eitt-
hvað í eðli okkar, við höfum þörf fyr-
ir að tjá okkur við önnur dýr og við
lærum líka svo mikið af dýrum. Þau
kenna okkur svo miklu meira um
okkur sjálf frekar en að við séum að
kenna þeim,“ segir Lára, sem telur
það margsannað að hundar geti
bætt lífsgæði fólks. „Fólk sem hefur
átt hund getur ekki hugsað sér að
eiga ekki hund eftir að þeir falla
frá,“ segir hún að endingu.
mep@mbl.is
Morgunblaðið/Sigurgeir S.
Lífstíll Fólk sem hefur átt hund getur ekki hugsað sér að vera án hunds.
„Bæta lífsgæði fólks“