Morgunblaðið - 26.08.2011, Blaðsíða 38

38 MENNING
MORGUNBLAÐIÐ FÖSTUDAGUR 26. ÁGÚST 2011
Inga Rún Sigurðardóttir
ingarun@mbl.is
Sýningin Í bili verður opnuð í kvöld í
Hafnarborg. „Mig langaði að kanna
þetta samband milli efnislegra hluta
og þess að skapa þekkingu eða túlka
fyrirbæri heimsins. Listaverk eru ein-
mitt áhugaverður miðill til þess,“ seg-
ir Ólöf Gerður Sigfúsdóttir sýningar-
stjóri en markmið sýningarinnar er
að skapa vettvang fyrir gagnrýna um-
ræðu um þekkingarsköpun og hlut-
verk listasafna í því samhengi. Tólf
listamenn og hópar taka þátt í sýning-
unni og eru verkin flest ný og fjalla á
einn eða annan hátt um þessi tengsl
myndlistar og þekkingarsköpunar.
Ólöf er jafnframt mannfræðingur
og forstöðumaður rannsóknarþjón-
ustu Listaháskóla Íslands. Hún segir
að listnám í háskólum sé sífellt að
verða akademískara og rannsóknar-
tengdara. „Það er komin krafa á lista-
menn að skapa þekkingu. Listamenn
setja líka fram þekkingu á annars
konar hátt en vísindamenn myndu
gera,“ segir hún og útskýrir umfjöll-
unarefni sýningarinnar nánar.
Þekking í nýstárlegu ljósi
„Þessir listamenn sem taka þátt í
sýningunni núna eru ekki að setja
fram byltingakenndar kenningar um
fyrirbæri heimsins. Þeir eru frekar að
varpa nýstárlegu ljósi á þekkinguna
um heiminn eða hvernig þekkingin
um heiminn hefur verið sett fram
hingað til. Sýningin er ekki vísindaleg
niðurstaða á rannsókn heldur er
þetta ákveðin leit,“ segir hún og legg-
ur áherslu á að sýningin sé mjög fjöl-
breytt.
„Ég lagði ekki fram þema, sem
listamennirnir unnu verkin eftir, ég
lagði upp með
ákveðnar hug-
myndir um hvað
ég vildi vinna
með. Sýningin
þróaðist í með-
förum hópsins en
við hittumst mikið
á meðan á vinnu-
ferlinu stóð. Sýn-
ingarferlið hefur
verið áhugaverð-
ur vettvangur
samræðu,“ segir Ólöf, sem bauð
reglulega gestafyrirlesurum úr há-
skólasamfélaginu til leiks.
„Við viljum að sýningin skapi um-
ræðu um hvers konar staður safn er,“
segir Ólöf og útskýrir að líka sé unnið
með rýmið í Hafnarborg í þessum
anda. „Það er verið að vinna með
rýmið á ögrandi hátt og draga fram
hlutverk safnsins.“
Safnið opnaði dyrnar
Hugmyndin að sýningunni var val-
in úr sextán innsendum tillögum síð-
astliðið haust þegar Hafnarborg bauð
sýningarstjórum að senda inn tillögur
að haustsýningu 2011. Segir í tilkynn-
ingu að þetta sé í fyrsta sinn sem ís-
lenskt safn opni á þennan hátt dyr
sínar fyrir sýningarstjórum þó slíkt
sé vel þekkt alþjóðlega.
Listamennirnir sem eiga verk á
sýningunni eru Bryndís Snæbjörns-
dóttir & Mark Wilson, Daníel Björns-
son, Grétar Reynisson, Haraldur
Jónsson, Hildigunnur Birgisdóttir,
Hugsteypan (Ingunn Fjóla Ingþórs-
dóttir & Þórdís Jóhannesdóttir),
Ingirafn Steinarsson, Jeannette Cas-
tioni, Magnús Árnason, Olga Berg-
mann, Ólöf Nordal og Skyr Lee Bob
(Erna Ómarsdóttir, Guðni Gunnars-
son & Lieven Dousselaere).
Nánari upplýsingar er að finna á
hafnarborg.is.
Undur
og stórmerki
Furðudýr Verkið Hybrid eftir Olgu Bergmann er á meðal þeirra sem eru á sýningunni.
Ólöf Gerður
Sigfúsdóttir
 Samsýningin Í bili, verður opnuð í
Hafnarborg í kvöld  Tengsl listar og
þekkingarsköpunar könnuð
Sýningin vísar til hins sögulega fyrirbæris „furðustofu“ eða
„Wunderkammer“ sem talið er marka upphaf safna nútímans.
Furðustofu má rekja til endurreisnarinnar þegar evrópskir aðals-
menn ferðuðust út fyrir sitt nærumhverfi og færðu heim í stofu
óvenjulega furðugripi er stungu í stúf við hið þekkta. Munirnir voru
einskonar sýnishorn af furðum veraldar. Gripirnir gátu ýmist verið
úr lífríkinu eða manngerðir hlutir, en á þessum tíma kepptust menn
við að kynnast heiminum og fyrirbærum hans, flokka þau og skipa
þeim sess í þekkingarkerfum.
Boðið til furðustofu
UPPHAF SAFNA NÚTÍMANS
María Ólafsdóttir
maria@mbl.is
Kvikmyndin Á annan veg, í leik-
stjórn Hafsteins G. Sigurðssonar
verður frumsýnd á laugardaginn á
Patreksfirði en þar fóru tökur mynd-
arinnar fram sumarið 2010. Kvik-
myndin verður síðan frumsýnd 2.
september á höfuðborgarsvæðinu og
á Akureyri. Á annan veg er mein-
fyndin og mannleg kómedía sem seg-
ir frá tveimur ungum mönnum sem
starfa við vegavinnu á afskekktum
fjallvegum á 9. áratugnum. Þeir
handmála merkingar á malbik og
reka niður tréstikur í vegkanta og
hafa ekkert nema hvor annan og til-
breytingarlausa vinnuna. Þetta væri
kannski í lagi ef þeim líkaði betur
hvorum við annan en eftir að lífið
tekur óvænta stefnu læra þeir að
meta félagsskap
hvor annars og
þróa með sér vin-
áttu, enda báðir á
krossgötum í líf-
inu.
Hratt ferli
„Hugmyndin
var upphaflega sú
að ég ákvað að
gera eins ódýra
mynd og ég gæti og hafa bara tvær
aðalpersónur í myndinni. Út frá því
spannst þetta allt saman. Ég fór að
kynna mér Vegagerðina og komst að
því að frumstæðar aðferðir voru við-
hafðar á þessum tíma. Svo urðu per-
sónurnar til og ég vildi hafa þær á af-
skekktum stað og gera períódu-
mynd. Fólk tengir alltaf períódur við
eitthvað sem er dýrt en úti í náttúru-
nni kemst maður upp með mikið.
Þetta var skemmtilegt ferli sem hef-
ur gerst óvenju hratt. Ég er mjög
sáttur með lokaútkomu myndarinnar
og nú er bara að sjá hvort fólk skili
sér í bíó,“ segir Hafsteinn.
Á spænskri kvikmyndhátíð
Á annan veg hefur verið valin til að
taka þátt í kvikmyndahátíðinni í San
Sebastian sem fram fer á Spáni dag-
ana 16. til 24. september næstkom-
andi. Myndin keppir í flokki sem er
tileinkaður fyrstu eða annarri mynd
leikstjóra og er hún ein af
fimmtán myndum sem tilnefndar
eru til „Kutxa – New Directors
Award“. Til nokkurs er að vinna þar
sem á ferðinni eru hæstu peninga-
verðlaun sem um getur á nokkurri
kvikmyndahátíð í heiminum en í boði
eru 90.000 evrur sem skiptast jafnt
milli leikstjóra sigurmyndarinnar og
spænsks dreifingaraðila sem sér um
að dreifa myndinni í kvikmyndahús á
Spáni.
„Þetta er mikill sigur fyrir þessa
litlu mynd. Þetta er hátíð sem gerir
minni myndum hátt undir höfði og
hentar myndinni vel,“ segir Haf-
steinn sem þegar er kominn langt á
veg með sína næstu kvikmynd eftir
handriti Huldars Breiðfjörð. Munu
tökur á þeirri mynd fara fram á Flat-
eyri næsta sumar.
Í helstu hlutverkum í kvikmynd-
inni eru þau Sveinn Ólafur Gunnars-
son, Hilmar Guðjónsson og Þor-
steinn Bachman. Hafsteinn
leikstýrir myndinni eftir eigin hand-
riti og sögu eftir sig og Svein Ólaf. Þá
má benda á Facebook-síðu myndar-
innar: www.facebook.com/aannan-
veg.
Félagar Lífið er fremur tilbreytingarlaust í vegavinnunni og þeim félögum kemur ekki nógu vel saman í fyrstu þó þeir þrói síðar með sér vináttu.
Meinfyndin og mannleg kómedía
Hafsteinn G.
Sigurðsson
Lög eftir Lady
Gaga, Beyonce
og Take That
eru á lista yfir
100 lög sem kín-
versk yfirvöld
hafa sett á
svartan lista.
Vefsíður hafa
frest til 15. sept-
ember til að
fjarlæga þessi lög af síðum sínum
en þau eru sögð ógna þjóðar- og
menningaröryggi.
Netið í Kína er undir ströngu
eftirliti menningarmálaráðuneytis-
ins sem dæmir ýmislegt óvænt
óhollt fyrir þjóð sína. Árið 2009
gaf ráðuneytið út leiðbeiningar
sem var beint gegn „slæmum
smekk og dónalegum boðskap“.
Flest eru lögin frá Taívan, Hong
Kong og Japan en Lady Gaga á
ansi mörg lög á listanum og líka
Backstreet Boys.
Kína bannar Lady
Gaga og Beyonce
Lady Gaga
Frank Dileo,
sem stýrði
frama Michael
Jackson á ní-
unda áratugnum
dó í Ohio í
Bandaríkjunum í
gær. Dileo vann
með Michael
Jackson að hinni
frægu Thriller
plötu og stjarnan sagði manninn
ábyrgan fyrir því að draumar
hans rættust. 29 milljón eintök af
Thriller seldust á sínum tíma og
sagði Jackson það hafa verið Dileo
að þakka. Hann átti síðar eftir að
gera aðrar sveitir frægar einsog
Bon Jovi og Richie Sambora. Dileo
var aðeins 63 ára að aldri og lést
úr hjartaáfalli.
Umbi Michael
Jackson deyr
Frank Dileo