Morgunblaðið - 04.10.2011, Qupperneq 14

14 FRÉTTIRViðskipti | Atvinnulíf
MORGUNBLAÐIÐ ÞRIÐJUDAGUR 4. OKTÓBER 2011
 


   
  
   
  

 




 
  
  

 

!"# $% " &'( )* '$*
++,-.
+,/-0
++.-,.
.+-..1
.2-+13
+0-.23
+/2-24
+-43+
+,/-01
+40-50
++,-1,
+,1-+4
++/-+4
.+-.,3
.2-.24
+0-.43
+/2-1+
+-4123
+,1-.5
+4,-1+
.+/-50
++,-03
+,1-3
++/-1,
.+-/1,
.2.31
+0-/23
+/2-00
+-414+
+,1-,1
+4,-,4
Skannaðu kóð-
ann til að sjá
gengið eins og
það er núna á
Ívar Páll Jónsson
ivarpall@mbl.is
Íslandsbanki hefur fengið leyfi Fjár-
málaeftirlitsins til útgáfu sér-
tryggðra skuldabréfa. Bankinn gerir
ráð fyrir því að gefa út skuldabréf
fyrir allt að fimm milljarða króna á
þessu ári. Sértryggð skuldabréf eru
oftast með veði í fasteignalánum og
þykja því tryggari eign en margar
aðrar skuldaviðurkenningar á fjár-
málamarkaði.
Íslandsbanki verður því líklega
fyrsti nýi útgefandi skuldabréfa í
Kauphöll Íslands frá því fyrir hrun í
október 2008, en samkvæmt frétt
Viðskiptablaðsins frá því á fimmtu-
daginn hefur Arion banki einnig sótt
um leyfi til Fjármálaeftirlitsins til
útgáfu sértryggðra skuldabréfa.
Strangar kröfur til útgefenda
Íslandsbanki hefur ákveðið að
selja fyrst til íslenskra fjárfesta og
má gera ráð fyrir því að þar verði líf-
eyrissjóðir fremstir í flokki, enda
fyrirferðarmiklir á íslenskum fjár-
málamarkaði.
Útgáfa sértryggðra skuldabréfa
hefur aukist mjög eftir að fjármála-
kreppan hóf innreið sína. Sem fyrr
segir eru slík skuldabréf talin trygg-
ari en hefðbundnir skuldabréfagern-
ingar á markaði. Bréfin eru gefin út
samkvæmt lögum nr. 11 frá 2008 um
sértryggð skuldabréf, en þau eru að
sænskri fyrirmynd. Samkvæmt lög-
unum eru strangar kröfur gerðar til
útgefenda. Tryggingasafnið að baki
skuldabréfinu skal standast sérstök
vikuleg álagspróf með tilliti til vaxta
og gengis gjaldmiðla. Þá hefur Fjár-
málaeftirlitið sérstakt eftirlit með
útgáfunni, auk þess sem sjálfstæður
skoðunarmaður sinnir eftirliti. Fjár-
hæð tryggingasafnsins skal einnig
ávallt vera hærri en sem nemur
heildarfjárhæð höfuðstóls þess
flokks sem það er trygging fyrir.
Markaðsvirði útgefinna sér-
tryggðra skuldabréfa í heiminum
hefur aukist um tæp 60% frá árinu
2003, en heildarmarkaðsvirði útgef-
inna bréfa var í kringum 2.400 millj-
arða evra í lok árs 2009. Þýskaland
er stærsti útgefandi sértryggðra
skuldabréfa, en markaðir á Spáni,
Frakklandi og Bretlandi hafa stækk-
að hratt á undanförnum árum. Ef við
lítum til næstu nágranna okkar eru
Danir og Svíar stórtækir í útgáfu
sértryggðra skuldabréfa, en Norð-
menn og Svíar hafa minni reynslu af
markaði með slík bréf.
Íslandsbanki fær leyfi fyrir
sértryggðum skuldabréfum
 Verður væntanlega fyrsta skuldabréfaútgáfa nýs aðila í kauphöll frá hruni
Morgunblaðið/Kristinn
Íslandsbanki Væntanlega fyrsti nýi aðilinn til að gefa út skuldabréf á
markaði frá því fyrir hrun. Útgáfan verður allt að fimm milljarðar á árinu.
FRÉTTASKÝRING
Örn Arnarson
ornarnar@mbl.is
Miðað við síðustu hagspár er ólíklegt
að forsendur fjárlaga næsta árs
haldi. Fjárlögin byggjast á hagvaxt-
arspá Hagstofunnar frá því í sumar
en þar er gert ráð fyrir að hagvöxtur
verði 3,1% á næsta ári. Hlutirnir hafa
þróast á verri veg síðan þá og það er
til marks um það að Seðlabanki Ís-
lands lækkaði hagvaxtarspá sína fyr-
ir næsta ár verulega í ágúst. Þá var
spáð að hagvöxtur á næsta ári yrði
einungis 1,6%, en í apríl spáði bank-
inn að hagvöxtur yrði 2,9%. Ástæðan
fyrir lækkun hagvaxtarspár Seðla-
bankans er sögð vera framhlaðnari
einkaneysluferill en búist hafði verið
við auk seinkana á stóriðjufram-
kvæmdum.
Eðli málsins samkvæmt er fylgni
milli hagvaxtar og tekna ríkissjóðs og
þar af leiðandi getur munað miklu á
því hvort vöxtur landsframleiðsl-
unnar á næsta ári reynist 1,6% eins
og Seðlabankinn spáir eða 3,1% eins
og Hagstofan spáir. Mismunurinn á
milli spánna nemur um 25 millj-
örðum. Miðað við að ríkið taki ríflega
þriðjung af þessari upphæð í formi
skatttekna þá munar þarna um átta
milljörðum fyrir tekjur ríkissjóðs.
Ekki tekið tillit til versnandi
ástands erlendis
Þorbjörn Atli Sveinsson, hagfræð-
ingur hjá greiningardeild Arion
banka, segir að þjóðhagsspá Hag-
stofunnar sé í bjartsýnni kantinum
hvað einkaneyslu og hagvöxt varðar.
Einkum ef horft sé til þess óróa sem
ríki á alþjóðamörkuðum. Til sam-
anburðar geri nýjasta hagspá Seðla-
bankans ráð fyrir að þessir þættir
þróist með heldur neikvæðari hætti –
þá eigi reyndar eftir að taka áhrif af
versnandi hagvaxtarhorfum á heims-
vísu með í reikninginn. Því megi velta
því fyrir sér hvort þær forsendur sem
fjárlögin byggjast á séu líklegar til að
standast þegar líður fram á næsta ár.
Bjartsýnin sem Þorbjörn nefnir
kemur glögglega í ljós þegar ein-
staka liðir þjóðhagsspár Hagstof-
unnar frá því í sumar eru bornir sam-
an við ágústspá Seðlabankans.
Hagstofan gerir ráð fyrir að einka-
neyslan vaxi um 3,3% á næsta ári, á
meðan Seðlabankinn gerir ráð fyrir
að vöxturinn verði 2,3%. Mismun-
urinn á einkaneyslunni útskýrir að
stærstum hluta ólíka niðurstöðu
Hagstofunnar annarsvegar og Seðla-
bankans hinsvegar.
Forsenda fjárlaganna að hag-
vöxtur verði 3,1% á næsta ári
 Síðasta hagvaxtarspá Seðlabanka Íslands gerir ráð fyrir 1,6% hagvexti 2012
Morgunblaðið/Golli
Fjárlög Steingrímur J. Sigfússon fjármálaráðherra kynnti fjárlög næsta árs um helgina sem leið.
Spáð í vöxt
» Þjóðhagsspá Hagstofunnar
frá því í sumar gerir ráð fyrir
3,1% hagvexti á næsta ári.
» Fjárlög næsta árs byggjast á
hagvaxtarspá Hagstofunnar.
» Í ágúst spáði Seðlabankinn
1,6% hagvexti á næsta ári.
● ÍMARK, félag íslensks markaðsfólks,
stendur fyrir hádegisverðarfundi á
morgun, þar sem sérfræðingar ræða
hve mikilvægt er fyrir fyrirtæki að vera
sýnileg og auðfundin á netinu. Erindi
munu halda Jackie Frandsen og Lars
Møller frá fyrirtækinu iProspect og
Frosti Jónsson frá Birtingahúsinu.
Í frétt frá ÍMARK segir að stór hluti
þeirra sem hyggi á kaup á vörum og
þjónustu byrji leitina á netinu. „Rann-
sóknir sýna að allt að 70% fólks fara á
netið á meðan þau horfa á sjónvarpið
og þriðjungur leitar að auglýstri vöru
sem hann sá í auglýsingahléi. Eru fyr-
irtæki sem ekki sinna þessum þætti í
markaðsstarfinu að fara á mis við tæki-
færi? Er hugað að leit við gerð birt-
ingaáætlana?“ segir í fréttinni. Fund-
urinn fer fram á Grand Hótel Reykjavík
kl. 12-13.30 á morgun.
Hádegisverðarfundur
um sýnileika á netinu
● Heildarviðskipti með hlutabréf í sept-
ember námu 1.532 milljónum eða 70
milljónum á dag. Þessu til samanburðar
nam veltan með hlutabréf í ágúst 2.061
milljón eða 94 milljónum á dag. Þetta
kemur fram í yfirliti Kauphallarinnar
fyrir septembermánuð.
Mest voru viðskipti með bréf Marels
734 milljónir, bréf Icelandair 574 millj-
ónir og bréf Össurar 119 milljónir. Úr-
valsvísitalan lækkaði um 4% milli mán-
aða og stendur nú í 891 stigi.
Landsbankinn átti mest viðskipti á
hlutabréfamarkaði, 30%, MP banki
með 28% og Íslandsbanki með 14%.
Heildarviðskipti með skuldabréf
námu 230 milljörðum í september sem
samsvarar 10,4 milljarða veltu á dag
(11,8 milljarða velta á dag í ágúst). Mest
voru viðskipti með ríkisbréf, 178 millj-
arðar, en viðskipti með íbúðarbréf
námu 47 milljörðum. MP banki var um-
svifamestur á skuldabréfamarkaði með
27,9% hlutdeild, Íslandsbanki með
26,1% og Landsbankinn með 19,3%.
1,5 milljarða viðskipti
Úrvalsvísitalan lækkaði um 4% í september.
Stuttar fréttir…
Birna Ein-
arsdóttir
bankastjóri
segir að
þessi
skulda-
bréfaútgáfa
sé hluti af
fjármögn-
unarstefnu
bankans,
sem geri ráð fyrir aukinni breidd
í fjármögnun hans. „Innlán eru
75% af fjármögnun okkar, og
það hefur alltaf verið stefna
okkar að það hlutfall yrði lægra,
eins og í hefðbundinni banka-
starfsemi,“ segir hún. „Þetta
hefur verið nokkuð langt ferli og
ég er mjög ánægð með að leyfið
sé í höfn. Við teljum þessa út-
gáfu mikilvæga fyrir uppbygg-
ingu á íslenskum fjármálamark-
aði. Við verðum mjög vör við að
fjárfestar hafa áhuga á nýjum
fjárfestingarkostum og vonandi
taka þeir þessum bréfum vel.“
Aukin breidd
í fjármögnun
LANGT FERLI Á ENDA
Birna Einarsdóttir
● Alþjóðlega
matsfyrirtækið
Standard & Poor’s
hefur staðfest
AAA-lánshæf-
iseinkunn breska
ríkisins og segir að
horfur fyrir ein-
kunnina séu stöð-
ugar. Þetta felur í
sér, að S&P sér ekki fyrir sér, að ein-
kunninni verði breytt á næstunni. Hins
vegar segir fyrirtækið, að hugsanlega
kunni staðan að breytast ef bresk
stjórnvöld standa ekki við áform um að
draga úr opinberri skuldasöfnun.
Staðfestir AAA-einkunn