Birtingur - 01.12.1963, Side 6

SEFERIS: VEGNA ÞESS A Ð SVO MIKIÐ
Vegna þess að svo margt og mikið hefur siglt
framhjá augum okkar
að augu okkar hafa ekkert séð, en fjær
og bakvið liggur minningin eins og hvítur dúkur
um eina nótt í girðingu
þar sem við sáum fremur en þú furðulegar sýnir
framhjá sigla og týnast í grafkyrru laufi
piparrunna
vegna þess að við þekktum alltof vel þessi okkar
örlög.
þar sem við höfum reikað milli umturnaðra
steina síðan fyrir þrem eða sex þúsundum ára
ranglað í hrundum rústum húsa, sem kannski
var eitt sinn okkar eigið hús
og leitast við að muna ártöl og hetjudáðir:
mun okkur þá lánast það?
vegna þess að við höíum verið fjötraðir og hraktir
og höfum strítt við ósegjanlega örðugleika,
að því er sagt er,
vegna þess að við höfum villzt og síðan fundið
aftur veg fullan af blindum hersveitum.
höfum sokkið í mýrar og í sjóinn við Maraþon —
mun okkur þá lánast að deyja á venjulegan hátt?
T. V. sneri eftir sænskri þýðingu Johannesar Edfelt
og Börje Knöös.
4
BIRTINGUR