Birtingur - 01.12.1967, Qupperneq 9

EZRAPOUND: ÚTAF VÖTNUNUM SJÖ
Geir Kristjánsson
þýddi
Útaf vötnunum sjö og höfundarlaus þessi stel':
Regn; eyðilegt fljót; bátsferð,
Eldur úr frosnu skýi, ausandi regn í ljósaskiptunum
Undir káetuþaki var ein lukt.
Reyrinn er þungur; beygður;
og bambusviðurinn talar eins og hann gráti.
Haustmáni; rísa hæðir við vötn
móti sólarlagi
Kvöldið er eins og veggur úr skýi,
mistur yfir gárum; og í gegnum það
hvassir langir reknaglar kanelbörksins,
kaldur söngur í reyri.
Handanfjalls bjölluhljóð múnks
berst um með vindi.
Segl fór hér hjá í apríl; kann að koma á heimleið í október
Bátur hverfur í silfur; hægt;
Sól glampar ein á fljótið.
♦
Þar sem dimmrauð veifa fangar sólsetrið
Rjúka skorsteinar strjálir í tvílýsinu
Kemur svo snjór snerrinn á fljótið
Og heimur grefst undir jaða
Smár bátur flýtur líkt og lukt,
Ólgandi vatnið kekkjast eins og af kulda. Og við San Yin
eru þeir makráðastir rnanna.
Villigæsir renna sér að sandrifinu
Ský safnast saman kringum op ljórans
Breiður sjór; gæsir raða fylkingum með haustinu