Birtingur - 01.12.1967, Page 37

bitur úr vösum hans var lykt
af sandi og söltum sjó
Við fórum upp á hæstu hæð
á sunnudagsmorgni
til þess að sjá hvar staddur væri faðir minn
Hafið var ekki þar fyrir handan
og smali sagði þarna fyrir handan
verður að fara upp á aðra hæð
ítalía er langt land
laaaaangt land
einsog verkurinn í hjartanu
„Afríka og Ameríka það eru réttu löndin“
og einlægt sneri hann með fingrinum
þessu hnattlíkani með landi og sjó
til að finna rétta landið
Við uxum upp í dimmunni
í plógfarinu og það var ekki nóg
að svala þorstanum og
Ítalía er langt land
laaaaangt land
að gleyma
Nú er hann kominn til Ameríku
og skrúfar skrúfur í vélar
Hann á garð bílskúr plöntur
allt vatn sem hafa vill með dælum knúð
Hann er orðinn yngri og betur að sér um margt
rórri feitari og dáldið daufgerður