Húsfreyjan - 01.12.1954, Blaðsíða 17

f ; ; i
Manneldis þáttur
l_____ •__)
Hvað á að baka til jólanna?
Síðustu vikurnar fyrir jól eru flestum
húsmæðrum erfiður og annasamur tími,
og á jólabaksturinn drjúgan þátt í því.
En fæstar húsmæður vilja þó leggja nið-
ur þann sið að baka til jólanna og það
í ríflegra lagi, því að víða er gestkvæmt
um hátíðirnar, og svo er ósköp notalegt
að eiga dálítið eftir í kökudunkunum,
þegar jólin eru liðin, svo að ekki þurfi
að baka strax aftur. Og hætt er við, að
börmmum þætti þau missa spón úr ask-
inum sínum, ef ekki væri bakað neitt góð-
gæti til jólanna.
Bezt er að byrja tímanlega að baka
þær brauðtegundir, sem vel þola að geym-
ast, svo sem laufabrauð og harðar smá-
kökur, en ýmsar linar kökur má líka vel
baka nokkrum dögum fyrir jól, ef þær
eru geymdar á köldum stað í vel þéttum
dunkum eða í plastpokum.
LJÓSAR SMÁKÖKUR
200 g. smjörlíki
100 g. sykur
1 eggjarauða
300 g. hveiti
Sáldið hveitið á borð, blandið sykrinum sam-
an við. Leggið smjörlíkið ofan á og saxið það
saman við hveitið með borðhníf, þar til það er
jafnt. Hrærið eggjarauðunni út í og hnoðið
deigið fljótt saman. Látið deigið bíða á köldum
stað um stund. Þá er það flatt þunnt út. Úr
þessu deigi má búa til margs konar kökur, eins
og sést á myndinni. Ein tegundin er sultukökur.
Þá er deigið tekið undan glasi eða öðru lcringlóttu
móti og helmingurinn af kökunum bakaður
þannig. Hinn helmingurinn er mótaður sem
skrautkökur með því að taka innan úr kökun-
Ljósar smákökur.
um með litlu hringmóti eða öðru móti. Þessum
kökum er dýft í egg og steyttan sykur og möndl-
ur, áður en þær eru bakaðar. Þegar kökurnar
eru bornar fram, er góðri sultu, helzt ribsberja-
eða hrútaberjahlaupi, smurt á sléttu kökurnar
og götóttu kökurnar síðan lagðar ofan á.
PIPARKÖKUR.
150 g. púðursykur
IV2 dl. sýróp
% tsk. engifer
1-2 tsk. kanel
% tsk. negull
150 g. smjörlíki
1 egg
94 msk. natron
650 g. hveiti
Sjóðið saman sykur, sýróp og kryddið. Setjið
natronið út í og hellið öllu í skál yfir smjör-
líkið. Hrærið í, þar til smjörlikið er bráðnað.
Hrærið egginu og hveitinu saman við. Hnoðið
deigið og breiðið það mjög þunnt út. Takið undan
ýmsum mótum. Skreytið kökurnar með möndl-
um. Bakið við meðalhita.
HÚSFREYJAN 17