Húsfreyjan - 01.12.1954, Blaðsíða 34
kvennamóts sem þessa hér á landi svo kunnugt
sé. Er vonandi, að nýjung þessari verði vel tekið
um land allt. Er eigi vatamál, að mót þetta, eins
og það er fyrirhugað, getur hatt mikilvœga þýð-
ingu fyrir félagsskapinn í heild, auk þess sem
hvert einstakt félag kynnist á þennan hátt nán-
ar þýðingu samstarfsins fyrir landið allt. Fram
til þessa hafa hin einstöku félög fundið of lítið
til þess, að þau væru hluti af hinni stóru heild,
Kvenfélagasambandi íslands. Fjarlægðirnar hafa
verið of miklar, verkefnin of fábreytt og snert-
ingin við aðalstöðvarnar, stjórn og skrifstofu
K. í., því nær engin. Þetta afmælismót ætti að
geta borið ríkulegan árangur, ekki sízt í því að
styrkja félagsanda og systurhug milli félaganna.
Vill ,,Húsfreyjan“ benda félögunum á, að jafn-
vel þó að þau leggi á sig einhverjar fjárhags-
legar byrðar til þess að styrkja formenn sína til
að sækja mót þetta, þá verður því fé ekki á
glæ kastað. Verðmæti sem ekki verða i tölum
talin, kunna að berast aftur heim í félögin, verð-
mæti, sem gera félagslífið fjörugra, einlægara
og fjölbreyttara en áður og þar með athafnasam-
ara og sterkara.
Látið því eigi undir höfuð leggjast að sækja
afmælismótið. Takið ákvörðun sem allra fyrst
um þátttöku og látið ekkert aftra framkvæmd-
um í samræmi við þá ákvörðun nema alvarleg,
óvænt forföll.
10. MARZ SKEMMTIFUNDARDAGUR
KVENFÉLAGA
í 35 ár hafa húsmæðrafélög í Danmörku, Sví-
þjóð, Noregi og Finnlandi haft 10. marz sem
ákveðinn tyllidag í félagsskap sínum. Er tilefnið
það, að 10. marz árið 1920 stofnuðu konur frá
þessum löndum með sér samband, er þær nefndu
Húsmæðrasamband Norðurlanda.
í norska blaðinu Husmorbladet 4. marz síðastl.
er saga sambandsins nokkuð rakin í tilefni þess,
að húsmæðradagurinn 10. marz stendur þá fyrir
dyrum. Er þar svo að orði komist, að merkasti
viðburður innan samtakanna síðan síðari heims-
styrjöldinni lauk sé án efa það, að ísland gerð-
ist einnig aðili að samtökunum.
Smávægileg hefur að vísu verið þátttaka okk-
ar, íslenzku kvennanna í samtökum þessum og
enn minna hefur þess gætt heima fyrir, að við
fyndum til þess, að við værum hluti af þessum
félagsskap. Má þvi með sanni segja, að áhrif
þessara tengsla hafi verið næsta lítil enn sem
komið er. Á formannafundinum, sem haldinn var
HCSFREYJAN
KEMUR ÚT 4 SINNUM Á ÁRJ
Útgáfustjórn:
Svafa Þórleifsdóttir, Framnesv. 56A, Rvík
Elsa Guðjónsson, Laugateigi 31, sími 3223
Sigrún Árnadóttir, Laugateigi 54.
Ritstjóri:
Svafa Þórleifsdóttir, sími 6685
Afgreiðsla og innheimta
er á skrifstofu Kvenfélagasambands 1»-
lands, Hverfisgötu 12, sími 80205.
Verð árgangsins fyrir áskrifendur er 20 kr.
í lausasölu kostar hvert hefti 6 kr.
Gjaíddagi er fyrir 1. okt.
PRENTSMISJA JONS HELOASONAR
L_________________________________________________y
2. og 3. september í haust, varð tilrætt um, að
íslenzk kvenfélög ættu að gera 10. marz að
skemmtidegi sínum, eins og aðrir þátttakendur
í Húsmæðrasambandi Norðurlanda. Er þessi upp-
ástunga fyllilega þess verð, að hvert efnasta kven-
félag innan K. 1. taki hana til athugunar og
ákvörðunar. Hvortveggja er, að slikur sameigin-
legur hátíðis- og skemmtidagur víðs vegar um
landið hlýtur að glæða félagsvitundina milli fé-
laganna íslenzku innbyrðis, og eins hitt, að syst-
urhugur til allra þeirra kvenfélaga á öllum Norð-
urlöndum, er halda daginn hátíðlegan mundi
vakna einnig meðal okkar hér á landi. En sam-
vinna allra norrænna þjóða hefur aldrei átt sér
dýpri rætur en nú, né miðað jafn ákveðið í þá
átt, að auka samstarf og samheldni þessara þjóða,
enda er sá skilningur sem óðast að ryðja sér
til rúms, að svo skyldum þjóðum að ætterni,
venjum og þjóðtungum sé nauðsyn að starfa
saman, ef þær eiga að halda sjálfstæði sínu og
þjóðerni að fullu. Víðsýni og skilningur okkar
íslenzku kvennanna í þessu efni má þar í engu
vera minni en karla, því að án efa kýs hver
kona og hvert kvenfélag sér þann hlut að stuðla
að friði og bræðralagi öllum til handa, ekki sízt
litlu þjóðinni, sem býr í landinu „norður við
heimskaut í svalköldum sævi“.
34 HÚSFREVJAN