Húsfreyjan - 01.10.1969, Side 33

Heilög Katrín
frá Alexandríu
Ljósmyndin á bls. 1 er af hluta af
vír- og silkisaumuðum borðum framan
á biskupskápu Jóns Arasonar, en hún
er varðveitt í Þjóðminjasafni Islands.
Á borðunum eru sex dýrlingamyndir,
þrjár á hvorum barmi. Um mynd þessa
segir Matthías Þórðarson, þáverandi
þjóðminjavörður, meðal annars í grein
í Árbók hins íslenzka fornleifafélags
1911:
„Neðsta myndin á hægra borðanum
er af . . . fagurri og ungri konu; hún
hefir kórónu á höfði, slegið hár, ber
gulrauða skykkju og bláan kyrtil. Sverð
ber hún í vinstri hendi og fyrir fótum
henni liggur brot af gaddahjóli, en eftir
þessum einkennum er konan Katrín hin
helga frá Alexandríu.
Hún lifði . . . á dögum Maxentíusar
keisara, og andmælti hún blótum hans.
Hún var konungsdóttir og hafði faðir
hennar heitið Kosti; afarfögur var hún
sýnum og auðug mjög, en ung að aldri.
Keisari fékk til 50 spekinga að sann-
færa hana um heilagleik heiðinnar trú-
ar, en hún bar hinn hærra hlut í rök-
ræðunum, því að hún var mjög lærð;
sneri hún spekingum keisara til krist-
innar trúar og voru þeir þá allir að
boði hans teknir og brendir á báli. Keis-
ari vildi lokka hana til sinnar trúar
með því að gera hana að drotningu sinni,
en er hún lét ekki laðast af fagurmælum
hans og bónorði, lét hann setja hana í
fangelsi og hóta henni píningum. Alt
kom þó fyrir ekki og var hún stöðug í
sinni trú. Keisari lét þá gera hjól með
göddum eða hnífum út úr og ætlaði að
láta stegla hana með þeim, en hjólin
brotnuðu í sundur og leið Katrín laus
úr böndum; segja sumir að englar hafi
komið og höggvið sundur hjólin, en
aðrir að þau hafi orðið lostin eldingum
af himni. Loksins var hún hálshöggvin
HÚSFREYJAN
með sverði og á það að hafa verið árið
307. Ártíð hennar er 25. nóv. Englar
tóku burt líkama hennar og lögðu í
kistu í klaustrinu á fjallinu Sínaí. Á
hana er gott að heita fyrir heimspek-
inga og vísindastofnanir; einnig þeim
sem í sjávarháska eru staddir.“
Ljósm.: Gísli Gestsson.
UM BÆKUR
U n gbarnsibókin.
Bók þessi er samin af sjö norskum
sérfræðingum og ætti sá höfundarlisti
að vera kaupendum trygging fyrir
ágæti hennar. Ennfremur hafa þrír ís-
lenzkir sérfræðingar séð um íslenzka
útgáfu hennar, þeir Halldór Hansen,
yngri, Þorgeir Jónsson og Bergsveinn
Ólafsson. Bókin er 131 blaðsíður, og
skiptist í marga kafla, svo sem Matar-
hæfi, Klæðnaður ungbarna, Sjúkdómar
og s júkdómseinkenni og Heilugæzlu ung-
barna. Efnisyfirlit er aftast í bókinni,
en hins vegar ekkert kaflayfirlit.
Upiicldi ungra liitrnii.
Dr. Matthías Jónasson sá um útgáf-
una, en í hana hafa ritað 14 íslendingar,
sem starfað hafa við uppeldis- og barna-
verndarmál. Bókin er gefin út af Barna-
verndarfélagi Reykjavíkur í tilefni af
20 ára afmæli félagsins.
Bók þessi á brýnt erindi til þeirra,
sem sjá eiga um uppeldi ungra barna,
fyrst og fremst foreldra, en einnig
ömmu og afa, fóstru og kennara.
1 formála að bókinni segir m. a.:
„ . . . Þó að foreldrar vilji rækja upp-
eldisskylöu sína vel og fátt virðist
skorta til að fullnægja daglegum þörf-
um, þurfa þeir samt að afla sér þekk-
ingar á eðli barnsins og þroskamögu-
leikum þess. Þetta er sameiginleg skoð-
un þeirra manna, sem ritað hafa í þessa
bók. Hver þeirra fjallar um sérstakan
þátt í eðli barnsins og uppeldi þess.“
K. H. P.
29