Vera - 01.09.1985, Side 16

Úr listaskóla Haralds Foss I Kaupm.h.
Listasaga Jansons, sem talin er grunnrit í allri listasögu-
kennslu og nær allt frá steinöld til 1970, er eitt þeirra. í henni
er ekki ein einasta kona. Þetta er ekkert annaö en sögufölsun.
Til aö leiðrétta þetta hef ég að jafnaði tvo fyrirlestra um konur
og myndlist fyrir nemendur mína.
Það verður mikið verk að leiðrétta listasöguna, því það er
ekki eins og það vanti alltaf heimildir. Þettaer bara val þessara
manna og þeir leiðrétta hana ekki. Þetta þykja svo nauðsynleg
grunnrit fyrir myndlistarnema og það er hægt að ímynda sér
aö þetta er ekki beinlínis til að styrkja stelpurnar í trúnni á sjálf-
ar sig.
Erlendis er farið að kenna kvennalistasögu í háskólunum,
meðal annars í Lundi og í Kaupmannahöfn og víða í Bandaríkj-
unum. Það má vera að það séu bara konur sem sæki þá tíma,
en fyrst verða þær að veröa meðvitaðar, áður en sagan verður
leiðrétt.1'
Mörgum er áreiðanlega minnisstæður breskur sjónvarps-
þáttur sem fjallar einmitt um þá sögufölsun sem Hrafnhildur
nefnir og hann er einmitt meðal þess kennsluefnis sem hún
býður sínum nemendum uppá.
Harður markaður

Blýantsteikning
eftir Kristínu Þor-
valdsdóttur Jóns-
son
En hvernig ætli staða myndlistarkvenna sé núna, að mati
Hrafnhildar? ,,Ég held að í námi að minnsta kosti sitji þær við
sama borð og strákarnir. Hitt er aftur rétt að þær eru færri til
dæmis í hópi starfandi nýlistafólks en strákarnir, þó þær séu
fleiri í myndlistaskólunum.
Ég held þó að engin kona þurfi aö gjalda þess að hún er
kona ef hún fer út í myndlist. Þetta er erfið braut fyrir alla. Auð-
vitað heyrir maður um konur sem hefur verið mismunað og
listakonur verða oft varar við fordóma í umfjöllun um þær.
Þegar fjallað er um verk Ragnheiðar Jónsdóttur fylgir oft sög-
unni að hún eigi fimm syni og þær sem eru vel giftar mega
sæta því að karlinn þeirra sé dreginn inn í skrif um verk þeirra.
Rétt eins og þær eigi að þakka honum. Ég man líka eftir einni
umsögn sem var skrifuð fyrir fimm árum. Gagnrýnandinn var
mjög hrifinn af sýningunni og hrósaði listakonunni upp í há-
stert. Og endaöi svo umsögnina með því að segja aö ef hann
hefði ekki vitað betur, þá hefði hann haldið að hér hefði verið
karlmaður að verki, því hér var svo vasklega til verks gegnið.
Konur gera best í að láta svona sem vind um eyru þjóta og
þá eiga þær sömu möguleika og karlar.
Því þetta er harður markaður, ofboðslega haröur!"
Anna Ólafsdóttir Björnsson
16