Vera - 01.12.1988, Qupperneq 2

Stjórnmál, tækni og hagfræöi eru þau þrjú svið mannlegra athafna sem
mestu valda um daglegt líf og líðan kvenna, karla og barna. En hvort sem
litið er á fræðigreinarnar eða útfærslu þeirra í framkvæmd, þá blasir við
að konur eiga þar lítinn hlut að málum. Stjórnmálamenn, hagfræðingar
og tæknimenn allra samfélaga eru karlar — með örfáum undantekning-
um þó. Þaö eru karlarnir sem skoða, skilgreina og framkvæma út frá alda-
gömlum hefðum og hagsmunum karlveldisins.
Hagfræðin er til umfjöllunar í VERU að þessu sinni, séð undir sjónar-
horni kvenna. Reynt er að gefa hagfræöihugtakinu víðara innihald þann-
ig að konur geti notað það til að varpa Ijósi á eigin líf og aðstæður.
Hagfræðinga samtímans skortir hvorki viðurkenndar reikningsaðferðir
né vísindalega nákvæmni við útreikninga á meðaltölum og hagstærðum.
En hversu nákvæmar sem hinar hagfræðilegu mælingar eru, þá taka þær
ekki til þeirrar staðreyndar að hið sýnilega hagkerfi stendur og fellur með
öðru ósýnilegu. Ekkert hagkerfi eða samfélag fengi þrifist í dag ef ekki
kæmi til umtalsverö ólaunuð vinna kvenna við umönnun barna og heim-
ilisstörf. Vinna kvenna á heimilunum kemur hvergi fram í opinberum töl-
um um unnin ársverk og öll sú framleiðsla sem þar fer fram vegur ná-
kvæmlega ekki neitt inn í mælingar á þjóðarframleiðslu. Sultan sem
keypt er út í búð er hluti af þjóðarframleiðslunni en ekki sultan sem fram-
leidd er í eldhúsum landsins.
Viðfangsefni þeirra sem mest fjalla um efnahagsmál á íslandi í dag eru
tölur á blaði og niðurstöður úr reiknivél. Það hefur gleymst í umræðunni
að bak við allar þessar tölur standa einstaklingar af holdi og blóði. Þessir
einstaklingar eiga heill sína og hamingju undir því að hagkerfi heimilanna
sé starfhæft ekki síður en hitt sem birtist í meðaltölunum. Það er þetta
hagkerfi sem konur leggja áherslu á í umræðum um efnahagsmál og körl-
um gengur oft svo erfiðlega að koma auga á. Með umfjöllun sinni í blað-
inu vill VERA opna sýn inn í hulduheima efnahagsmálanna og kynna nýj-
ar hugmyndir um annars konar efnahagskerfi.
— isg
VERA
5/1988 — 7. árg.
Útgefendur:
Samtök um Kvennalista og
Kvennaframboðiö í Reykjavík.
Sími: 22188
í VERU NÚNA:
3 Lesendabréf
4 Skrafskjóða — Elisabet Guöbjörnsdóttir skrafar
5—7 Er öryggið orðin tóm? — álag á fæðingardeildinni óviöunandi ...
8—9 Tíminn er útrunninn Efnahagsmálin skoöuö i kast- Ijósi kvenna
10—12 Hið ósýnilega hagkerfi
12—14 Hugtök í hagfræöi
15—19 Hagfræöi er ekki bara krónur og aurar Kenningar Margrit Kennedy kynntar
20—21 Hugleikur Rætt við Ingibjörgu Hjartar- dóttur og Sigrúnu Óskarsdóttur
22—23 Hugleiöingar um leikritið ,,Ef ég væri þú"
24—26 ,,Þeim fannst ég vera alltof róttæk" Rætt við Kristinu Björnsdóttur um hjúkrun og kvenfrelsi
27—29 ,,Bæði konur og karlar eru aö verða að fólki" Samtal viö Herbjörgu Vassmo
30—31 ,,Bæði Ijúft og sárt — eins og lífið sjálft" Rætt viö Helgu Thorberg
32—33 ,,Hef gott af því að safna þessu saman" Rætt viö Helgu Sigurjónsdóttur
34—37 Borgarmál
38—41 Þingmál
42 í leit að sjálfsmynd blökkumannsins Um rithöfundinn Toni Morrison
44—45 ,,Strá í hreiðrið" Rætt viö Bríeti Héðinsdóttur
46—47 Um bækur
Mynd á forsíðu:
Hulda Hákon
Ritnefnd:
Ingibjörg Sólrún Gísladóttir
Guðrún Ögmundsdóttlr
Elísabet Þorgeirsdóttir
Brynhildur Flóvenz
Elín Garðarsdóttir
Bergljót Baldursdóttir
Sigrún Hjartardóttir
Starfskonur Veru:
Kicki Borhammar
Ingibjörg Sólrún Gísladóttir
Stella Hauksdóttir
Ábyrgð:
Ingibjörg Sólrún Gisladóttir
Setning og filmuvinna:
Prentþjónustan hf.
Prentun:
Prentberg
Ath. Greinar í Veru eru birtar
á ábyrgö höfunda sinna og eru
ekki endilega stefna útgefenda.