Vera - 01.05.1994, Blaðsíða 21

ÞÆR GRÖNNU
GRENNAST ENN MEIR
Það er ekki nóg með að hin granna kvenímynd hafi orðið aðgangsharðari
síðustu ár og áratugi, sérstaklega eftir að sjónvarpssendingar hófust, heldur
hefur ímyndin eða iyrirmyndin sífellt verið að grennast og léttast. Þetta kom
í ljós er ummáli Playboy-stúlkna og stúlkna í keppninni um titilinn Ungfrú
Bandaríkin var fylgt eftir á 20 ára tímabili. Útlit þeirra og líkamsform breytt-
ist einnig, brjóst og mjaðmir minnkuðu og þær urðu meira „slöngulaga“.
Þessi þróun er sérstaklega athyglisverð þegar haft er í huga að raunveruleg
þyngd bandarískra kvenna yngri en 30 ára jókst á sama tímabili í réttu hlut-
falli við minnkandi þyngd kvenna í könnuninni. I raun eru því afar fáar kon-
ur sem hafa útlitið sem stöðugt er haldið að þeim í ijölmiðlum af öllum
gerðum, aðeins 5% kvenna eru jafn grannar og meðaltal sigurvegaranna í
fegurðarsamkeppni í Bandaríkjunum. Ef kannað yrði hve margar konur ná
því að líkjast sýningarstúlkunum sem nú eru mest áberandi i aðaltískuhúsum
heims, yrði sú tala vafalaust mun lægri.
Byggt á Gamer og Garfinkcl;/b;orex/a Nei-vosa & Bulimia, 1985.
ÁTKVILLAR
Þær Steinunn Inga Stefánsdóttir og Þuríður Pétursdóttir nemar í sálarfræði
við Háskóla Islands skrifuðu lokaritgerð um átkvillana, sjálfssvelti og lotu-
græðgi. Þær gerðu rannsókn meðal nemenda í framhaldsskólum til að
athuga hversu margir hefðu einkenni átkvilla og hverjar orsakirnar gætu
verið. Eitt af því sem rannsakendum lék hugur á að vita var hvort fólk sem
fylgist með tískunni og eyði miklum peningum í hana sýni frekar merki át-
kvilla, þar eð því hefur verið haldið fram að mikil hætta sé á megrunarsjúk-
dómum núna þegar tískan leggur áherslu á að stúlkur séu grannar.
Niðurstöður þeirra sýndu ekki bein tengsl milli þess að fylgjast með
tískustraumum og átkvilla, en fram komu tengsl á milli átkvilla og þess að
hafa tekið þátt í fegurðar- og fyrirsætukeppni og fyrirsætunámskeiðum, og
segja ástæðu til að athuga hvað verið sé að kenna á slíkum námskeiðum. Þær
stöllur vilja ekkert fullyrða um ijölda þeirra sem sýna merki átkvilla. Eitt
einkenni þeirra er að framkalla sjálfur uppköst og 8% kvennanna sögðust
kasta upp af sjálfsdáðuni eftir að hafa borðað of mikið.
Egon Schiele
’ Heimilistækiadeild Fálkans •
Sængur
<og koddar
Umboðsmenn um land allt
Góða
nótt og
soföu rótt
Þekking Reynsla Þjónusta
FÁLKINN
SUÐURLANDSBRAUT 8 • S: 91-814670
ÞARABAKKA - MJÓDD • S: 91-670100
• Heimilistækiadeild Fálkans • Heimilistækjadeild Fálkans ■
ÞEMA
Annadís Gréta Rúdólfsdóttir
skrifaði tvær megingreinar
þemans að þessu sinni. Hún
stundaði nám í sálarfræði við
Háskóla Islands en er nú við
doktorsnám í félagssálfræði í
Englandi, i London School of
Economics. Annadís hefur
áður skrifað um áhuga land-
ans á fegurðarsamkeppnum
og fjallar doktorsritgerð
hennar um hina islensku
kvenímynd.