Ljósmæðrablaðið - 01.01.1986, Síða 8

4
LJÓSMÆÐRABLAÐIÐ
FORELDRAFRÆÐSLA
Eflir Guðrún Eggerlsdóttur og Helgu Danielsdóttur
ljósrmeður/hjúkrunarfræðinga
Foreldrafræðsla er nú orðin vel þekkt á íslandi. Hún er veitt í
mæðraskoðun, á foreldrafræðslunámskeiðum, á fæðingadeildum
og í ungbarnaeftirliti.
Markmid hennar eru að:
1. Foreldrarnir geri sér grein fyrir mikilvægi líkamsræktar, heil-
brigðs lífernis, hvíldar, holls og fjölbreytts mataræðis.
2. Foreldrarnir öðlist skilning á helstu atriðum varðandi andlegar
og líkamlegar breytingar á meðgöngu — í fæðingu og í
sængurlegu.
3. Draga úr kvíða, tengdum fæðingu og umönnun barns.
4. Foreldrarnir viti hvert þeir geti leitað aðstoðar.
5. Búa foreldrana undir breytta fjölskyldumynd.
Starfsfólk mæðraskoðunar eru læknar, ljósmæður, hjúkrunar-
fræðingar, félagsráðgjafar, ásamt tilheyrandi rannsóknar- og
skrifstofufólki. Gott samstarf þessara starfsstétta skiptir miklu
máli fyrir verðandi foreldra. Einnig við skipulagningu á nám-
skeiðum fyrir þá.
Barnshafandi konur eru oft mjög viðkvæmar og taka nærri sér
það sem við köllum smámuni og byrgja oft inni kvíða, gremju og
áhyggjur.
Mikilvægt er að vinna traust verðandi mæðra. Takist það, eru
meiri líkur til að þær þori að spyrja og kvarta, verður þá auðveld-
ara að leiðbeina þeim og hjálpa.
Gott er að konurnar hitti sömu aðilana sem oftast er þær koma
í mæðraskoðun. Áætla verður hverri konu minnst 15 mín. í hvert
sinn.
Samræmd mæðraskrá kemur sér vel, en fræðslu og leiðbein-
endakerfi hafa sumir komið sér upp í mæðraskoðun. Fylgir þá