Ljósmæðrablaðið - 01.01.1986, Síða 20

16
LJÓSMÆÐRABLAÐIÐ
thiamin, calcium, járn, vítamín, kolvetni og salt. En undanfarið
hefur minna verið horft í þennan þátt.
Rannsókn var gerð á 2019 barnshafandi konum m. t. t. salt-
neyslu. Þeim var skipt í tvo hópa, öðrum var sagt að auka salt-
neyslu en hinum að minnka hana. Konurnar voru á mismunandi
aldri bæði frumbyrjur og fjölbyrjur og úr ýmsum þjóðfélags-
hópum. Niðurstaðan varð sú að perinatal mortalitet, toxemia og
ödem var mun meira hjá þeim sem drógu úr saltneyslu en hjá þeim
sem juku saltneyslu.
Fjöldi kvennu Pcrinalal Mortalilel Toxemia Bjiigur Placcnta infarktar
1 Saltneysla 1.000 50.0 9,7 28.7 1.3
T Saltneysla 1.019 26.5 3.7 16.0 3.2
Bjúgur reyndist meiri hjá þeim konum sem neyttu minna salts í
fæðu, en hinum, þó hefur mikil saltneysla verið talin valda bjúg.
Nýlegar kenningar greina frá því að með mjög litlu salti í fæðu
haldi líkaminn ekki uppi sínu eðlilega jafnvægi. Þetta veldur því
að reninangiotensin-aldosteron kerfið er örvað og það veldur meiri
upptöku á Na + og af þessu kemur vítahringur, getur þetta valdið
pataologiskum bjúg. (9)
Mótefnasjúkdómur: Leitt hefur verið að því getum að í líkama
móðurinnar myndist mótefni sem valda þessu einkennum en lík-
legt er að svo sé ekki. Ef þannig væri farið myndi hættan á pre-
eclampsi aukast með hverri meðgöngu, líkt og er hjá konum með
erythroblastosis foetalis sem er mótefnasjúkdómur. Þar sem pre-
eclampsi er algengast hjá frumbyrjum styður þetta ekki þá tilgátu.
(3,5)
Blóðþrýstingur: Blóðþrýstingur ákvarðast almennt af þremur
atriðum:
1. Magni vökvans í æðum.
2. Mótstöðunni í æðaveggjunum.
3. Kraftinum sem blóðinu er dælt með í gegnum æðarnar.