Ljósmæðrablaðið - 01.07.1990, Blaðsíða 4

Ritstjóraspjall
Fremur dræmlega hefur gengið að
afla efnis í Ljósmæðrablaðið að undan-
förnu. Oft er það reyndar svo að nokk-
ur óvissa er um útgáfu blaðsins vegna
þess hve erfitt er að ná í greinar í það.
Að þessu sinni var horfið að því ráði að
grípa að nokkru til efnis úr gömlum ár-
göngum í ríkari mæli en gert hefur ver-
ið að undanförnu, en glefsur af
gömlum fróðleik hafa mælst vel fyrir
hjá lesendum blaðsins að því er best er
vitað. Að þessu sinni endurbirtum við
grein um fyrsta keisaraskurð á íslandi
sem sögur fara af. Greinin var upphaf-
lega tekin upp úr Þjóðólfi og prentuð í
Ljósmæðrablaðinu 1962. Þá endur-
prentum við Þjóðleg fræði eftir Baldur
Jónsson cand.mag. frá Mel en sú grein
birtist í þrem hlutum í 1,—3. tölublaði
Ljósmæðrablaðsins árið 1960. Ekkja
Baldurs og jafnframt ritstjóri Ljós-
mæðrablaðsins um nokkurra ára bil,
Jóhanna Jóhannsdóttir, veitti góðfús-
lega leyfi til enduiprentunar þeirrar
greinar. Tækifærið er notað til að þakka
henni af alhug þennan greiða.
Ljósmæðrafélaginu hefur borist bréf
frá landlækni þar sem hann leggur til
að ljósmæður skrifi faglega grein urn
meðferð brjóstameina. Stjórn LMFÍ
hefur vísað þessu erindi til ritnefndar
eins og fram kom í skýrslu stjórnar á að-
alfundi félagsins sem birtist í þessu blaði-
Ritnefndin auglýsir hér með eftir ljós-
móður eða ljósmæðrum sem vilja taka
þetta verkefni að sér.
Stefnt er að því að þriðja tölublað
þessa árs komi út í september n.k. Til
þess að svo megi verða þurfa ljósmæð-
ur og það fleiri en ein að stinga niður
penna hið skjótasta og miðla fróðleik til
ljósmæðra og annarra lesenda blaðs-
ins. Blaðið á jú að vera sá vettvangur
þar sem við ljósmæður segjum reynslu
okkar og ræðum hagsmunamál stéttar-
innar. Því fleiri sem taka þátt í þeirri um-
ræðu því betra.
Bestu kveðjur-
Ritstjórí■
2
LJÓSMÆÐRABLAÐlO