Ljósmæðrablaðið - 01.07.1993, Blaðsíða 43

GUÐLAUG PÁLSDÓTTIR, hjúkrunarfræðingur og ljósmóðir
Brjóstagjöf eftir brjósta-
minnkunarábgerÖ
Erindi flutt á sængurkvennadeild Landspítalans
í maí 1992
Inngangur
Eg hef áður hjúkrað konum eftir
brjóstaminnkunaraðgerð og þá var það
álit skurðlækna að lítill möguleiki væri á
að þessar konur gætu haft barn á brjósti,
aðallega vegna hættu á stíflum, og enn
álíta margir að svo sé. Umræður urðu um
möguleika þessara kvenna í kennslu-
stund í Ljósmæðraskóla Islands og vakn-
aði því áhugi minn á að kynna mér þetta
betur.
Það sem ég tek hér fyrir er:
1. Ástæður fyrir að konur fari í brjósta-
minnkunaraðgerð.
2. Örlítil útskýring á sjálfri aðgerðinni.
Eg fékk að fylgjast með einni slíkri
aðgerð.
3. Undirbúningur fyrir fæðingu.
4. Brjóstagjöf eftir fæðingu.
5. Segi frá rannsóknum sem gerðar hafa
verið og viðtölum mínum við fjórar
konur sem fætt hafa eftir brjósta-
minnkunaraðgerð.
Ásíæður /yrir brjóstaminnkun
Frá því fyrst var gerð plastic aðgerð á
brjóstum árið 1895 (eftir því sem ég
kemst næst), hefur tæknin þróast í þá átt
sem er í dag og gerir konum á barn-
eignaraldri mögulegt að létta af sér
þyngslum vegna þungra brjósta. Með
brjóstaminnkun er fjarlægður brjóstvefur
mest fituvefur, og kirtilvefur hjá þeim
konum sem þjást af mjög stórum og
þungum brjóstum. Mikil óþægindi fylgir
því að hafa þung brjóst, má ímynda sér
hvernig væri að hafa tvo lítra af mjólk
hangandi framan á sér allan daginn.
Konurnar kvarta undan verk í herðum,
hálsi og upp í höfuð og jafnvel verkjum í
baki. Þær verða hoknar í herðum vegna
þungans og erfitt er að stunda íþróttir.
Þeim líður illa andlega og reyna að fela
brjóstin. Gengur erfiðlega að finna á sig
föt. Hlírar skerast niður í axlir. Óþægindi
eru vegna svitans undir brjóstunum. Einnig
er talað um meiri hættu á bólgu í brjóstum
hjá konum með mjög stór brjóst (1).
ljósmæðrablaðið
41