Dagblaðið Vísir - DV - 13.01.2004, Blaðsíða 24

24 ÞRIÐJUDAGUR 13. JANÚAR 2004
Sport DV
Harpring
lengi frá
Matt Harpring, fram-
herji Utah Jazz í NBA-deild-
inni í körfuknattleik, verður
að öllum líkindum frá
næstu þrjá mánuðina þar
sem hann þarf að gangast
undir aðgerð á hné.
Harpring, sem er stigahæsti
leikmaður Utah á þessu
tímabili, hefur spilað
meiddur í nokkurn tíma en
getur það ekki lengur.
„Þetta er skelfllega erfitt. Ég
hefði viljað spila þrátt fyrir
meiðslin en það var bara
ekki hægt,“ sagði Harpring
sem hefur misst af síðustu
fjórum leikjum Utah.
Harpring, sem hefur skorað
16,2 stig og tekið 8 fráköst
að meðaltali í leik á þessu
tímabili, sagði að aðgerðin
yrði léttir því að sársaukinn
sem hann fyndi fyrir á
hverju kvöldi væri farinn að
taka sinn toll andlega. Þetta
er mikið áfall fyrir Utali
Jazz sem hefur byrjað tíma-
bilið betur en flestir töldu
mögulegt.
Sársvekktur Birkir
IvarGuömundsson
sést hér i leiknum
gegn Sviss á sunnu-
daginn en hann hlaut
ekki náð fyrir augum
Guömundar
landsliðsþjálfara.
DV-mynd Pjetur
Kempo
Arsenal vill
fá Angel
Heimildir frá Englandi
herma að Arsenal hafi
boðið átta milljónir punda í
kólumbíska framherjann
Juan Pablo Angel hjá Aston
Villa. Arsene Wenger, knatt-
spyrnustjóri Arsenal, hafði
hugsað sér að bíða þar til
að loknu tímabili með að
bjóða í Angel en meiðsli
þriggja framherja hans,
þeirra Sylvain Wiltords,
Dennis Bergkamps og
Jeremie Alladiere, og brott-
hvarf Nwakwo Kanu í Af-
ríkukeppnina gerir það að
verkum að Wenger vill fá
Angel strax. Samkvæmt
sömu heimildum þá vill
Aston Villa fá 20 milljónir
punda fyrir Angel en ef
hann verður seldur þá mun
félagið bjóða í ástralska
framherjann Mark Viduka
hjá Leeds.
Markvörðurinn Birkir ívar Guðmundsson var einn fjögurra leikmanna sem datt út
úr landsliðshópnum í gær.
f
Birkir ívar Guðmundsson,
marlcvörður Hauka, var einn fjög-
urra leikmanna sem duttu út þegar
Guðmundur Guðmundsson, lands-
liðsþjálfari í handknattleik, fækk-
aði um fjóra í hóp sínum fyrir EM í
Slóveníu.
Þetta er ekki fyrsta sinn sem Birk-
ir ívar hlýtur ekki náð fyrir augum
Guðmundar landsliðsþjálfara en
hann var meðal annars ekki valinn í
landsliðshópinn fyrir leikina gegn
Pólverjum í nóvember.
Birkir ívar hefur staðið sig ágæt-
lega í vetur, sérstaklega í meistara-
deildinni, og hann var svekktur þeg-
ar DV Sport ræddi við hann eftir
valið í gær.
Hundsvekktur
„Auðvitað er ég hundsvekktur
yfir því að detta út. Það segir sig
sjálft að allir leikmenn með metnað
„Markverðirnir fjórir
fengu ekki jöfn tæki-
færi aiveg frá því að
fyrsta æfingin fór
fram og mig svíður
það sárt, sérstaklega
þar sem mér finnst ég
vera betri markvörður
en þeir sem fyrir eru."
vilja komast á stórmót eins og EM en
ég get hins vegar ekki sagt að þetta
hafi komið mér neitt verulega á
óvart. Mér fannst þetta einhvern
veginn liggja í loftinu allan tímann.
Ég gat líka gengið út frá fenginni
reynslu því að hann horfði framhjá
mér í landsleikjunum gegn Póllandi
og ég hef aldrei komist lengra en að
verða þriðji markvörður undir stjórn
Guðmundar. Ég var þriðji
markvörður á eftir Bjarna Frostasyni
á sínum tíma og síðan Roland
Eradze. Nú er Roland meiddur og þá
er ég allt í einu orðinn fjórði mark-
vörður og ég skil það eiginlega ekki.
Ég hef mun meiri reynslu af alþjóð-
legum leikjum heldur en bæði Reyn-
ir og Björgvin og tel að ég hafi verið
að verja vel í vetur, sérstaldega í
meistaradeildinni. Það virðist samt
ekki skipta miklu máli f þessu
samhengi," sagði Birkir ívar
ennfremur við DV Sport.
Ekki mörg tækifæri
Hann sagði aðspurður að hann
hefði ekki fengið mörg tækifæri til að
sýna sig og hvað hann hefði framað
færa í þessum leikjum.
„Ég fékk hálftíma í síðasta leikn-
um og fannst mér ganga vel. Það
mátti hins vegar sjá á því hvernig
hann valdi í leikina að landsliðs-
þjálfarinn var löngu búinn að
ákveða hvernig röðin á markvörð-
unum yrði og allt tal um að þetta
hafi verið erfitt val er bara bull.
Markverðirnir fjórir fengu ekki jöfn
tækifæri alveg frá því að fýrsta æf-
ingin fór fram og mig svíður það
sárt, sérstaklega þar sem mér finnst
ég vera betri markvörður en þeir
sem fyrir eru.“
Hann sagðist ekki hafa mikla trú
á því að hann fengi fleiri tækifæri
undir stjórn Guðmundar.
„Það þarf eitthvað mikið að
ganga á til þess að það gerist en
auðvitað gefst maður ekki upp. Ég
hef áður fengið blauta tusku í
andlitið og það hefur styrkt mig enn
frekar," sagði Birkir ívar. oskar@dv.is
Helgi Sigurðsson búinn að finna sér félagslið
Samdi við danska liðið AGF
Landsliðsframherjinn Helgi Sig-
urðsson mun leika með danska úr-
valsdeildarliðinu AGF frá Árósum til
vorsins 2006. Hann skrifaði undir
samning við félagið í gær en hafði
ekki lokið læknisrannsókn þegar DV
Sport ræddi við hann. Helgi sagðist
samt ekki hafa miklar áhyggjur af því
þar sem hann hefði sloppið við al-
varleg meiðsli á undanförnum
árum. „Það getur eiginlega ekkert
komið í veg fyrir þetta," sagði Helgi.
Hann sagðist hlakka til að spila í
dönsku deildinni og vera feginn að
hinum eilífa flækingi sem fylgir því
að vera án félagsins sé lokið. „Ég er
búinn að fara til Englands og Þýska-
lands og það er gott að þessi mál eru
komin á hreint." Ólafur Kristjáns-
son, aðstoðarþjálfari AGF, sagði í
samtali við DV Sport í gær að hann
hefði trú á því að Helgi myndi
styrkja liðið verulega. „Við höfum
verið að leita að framherja að und-
anförnu og þegar okkur bauðst
Helgi þá vorum við mjög áhugasam-
ir. Hann var sáttur við það sem við
buðum honum og því gekk þetta
hratt fyrir sig,“ sagði Ólafur. Hann
sagði jafnframt að Helgi væri mjög
góður leikmaður þegar hann væri í
formi. „Við vorum ieita að leikmanni
eins og honum, sem er duglegur, lík-
amlega sterkur og markheppinn. Ég
er vissum að hann á eftir að reynast
okkur vel.“ oskar@dv.is
Tryggvi Guðmundsson meiddur í þrjár vikur
Ætlar að reyna að fá frest
Framherjinn Tryggvi Guð-
mundsson má ekki sparka í bolta
næstu þrjár vikurnar samkvæmt
norskum lækni sem skoðaði ristina
á honum í síðustu viku. Þetta er
bagalegt fyrir Tryggva því að hann er
án félags þessa dagana og getur því
ekki sýnt sig á meðan félagskipta-
glugginn er opinn til 31. janúar
næstkomandi. „Það segir sig sjálft að
þetta er mjög slæmt fyrir mig því að
ég hefði gjarnan viljað sýna mig fyrir
liðum sem hafa sýnt mér áhuga. Það
er þó ekki öll nótt úti enn. Umboðs-
maðurinn minn sagði að ég gæti
hugsanlega fengið frest til að skipta
um félag þar sem ég er bæði meidd-
ur og án félags. Það mál fer fyrir Al-
þjóða knattspyrnusambandið en
það er algerlega óvíst hvað gerist. Ég
mun að sjálfsögðu reyna að sækja
um frest en ef ég fæ hann ekki þá á
ég aðeins möguleika á því að spila á
Norðurlöndunum eða heima á ís-
landi." sagði Tryggvi í samtali við DV
Sport í gær. oskar@dv.is