Akranes - 01.09.1948, Blaðsíða 38

ANNÁLL AKPANESS
Gjafir og greiðslur til blaðsins,
sem það þakkar innilega.
Frá Gisla Magnússyni, Patreksfirði, 100 kr.
— Guðmundi Jónssyni, útg.m. í Garði, 100 kr.
—- Jóhannesi Jónssyni, útg.m. í Garði, kr. 50.
Hjónabönd:
Sóknarpresturinn hefir gefið saman þessi brúð-
hjón:
20. nóv. Guðriður Margrét Erlendsdóttir, Skaga-
braut 38 og Halldór Sigurðsson, sjómaður,
Suðurgötu 31.
— Unnur Áslaug Valdimarsdóttir, Drápu-
hlíð 40 Reykjavik, og Þorvarður Ellert
Erlendsson, bilstjóri, Skagahraut 38.
— Valdís Sigurðardóttir, Kjalardal, og Þor-
steinn Stefánsson, bifr.stj. frá Skipanesi.
— Auður Ásdis Sæmundsdóttir, Skagabraut
21, og Þórarinn Einarsson, bifreiðastjóri,
Heiðarbraut 31.
27. nóv. Aðalheiður María Oddsdóttir, Vesturgötu
59, og Ársæll Ottó Valdimarsson, bif-
reiðastjóri, Kirkjubraut 16.
4. des. Guðfinna Jóhannesdóttir, Skólabraut 32,
og Guðmundur Jónsson, rafvirki, Vestur-
vallagötu 7, Reykjavík.
— Dóra Bjamadóttir, Suðurgötu 106, og
Hjörtur Lindal Sigurðsson, bifreiðastjóri,
sama stað.
— Kristbjörg Þórðardóttir, Suðurgötu 38, og
Hilmar Þórarinsson, sjómaður, Suður-
götu 94.
Séra Friðrik Friðriksson gaf þessi brúð-
hjón saman.
Dánardægur:
30. okt. Valgerður Guðmundsdóttir, ekkja, Heið-
arbraut 15. Hún var fædd 23. okt. 1868,
á Auðsstöðum í Hálsasveit. Bjó með
manni sinum, Jóni Þórðarsyni (f 1925)
í 25 ár á Búrfelli 1 Halsasveit. Fluttist
til Akraness 1925. Þau hjón eignuðust 10
böm. Hún var jarðsett að Reykholti.
31. okt. Guðríður Jónsdóttir, Akrafelli. F. 16. okt.
1883 á Hurðarbaki í Reykholtsdal. Flutt-
ist til Akraness 1918, og átti lengst af
heima á Akrafelll. Hún giftist ekki.
Rafmagnið.
Mikið breytist bærinn við hina fullkomnu götu-
lýsingu, sem nú er fullgerð, eftir að úr raknaði
með efni til þessa mikla nauðsynjaverks.
Einar Sturluson, söngvari.
Hann söng hér i Bióhöllinni sunnudaginn 14.
nóvember, við lélega aðsókn, en sérstaklega góðar
undirtektir þeirra fáu er sóttu.
Það er ekki nýtt þótt söngskemmtanir séu illa
sóttar hér. Það er undantekning að þær séu vel
sóttar, jafnvel þó um afburða söngmenn eða kóra
sé að ræða. Gamanvisna-gaul eða apaspil er hér
betur sótt og meira metið en fagrar listir. Fólk
sem þennan bæ byggir, og ekki stendur á sama
um allt í þessum efnum, verður að finna einhver
ráð til umbóta á þessu sviði. Þeir verða að leggja
eitthvað á sig í tvennum skilningi. Gætí vel komið
til mála að stofna t. d. listvinafélag eða tónlistar-
félag. Tónlistarfélög em viðar til og munu hafa
gefist vel. 1 slíkum almennum félagsskap er mikill
beinn og óbeinn styrkur.
Ef til vill telur fólk sig hafa nokkra afsökun,
að því er snertir hinn háa aðgangseyri, t. d. í þessu
tilfelli. Það er rétt, að þama hefur verðlagið fylgt
vitleysunni, sem á öllum öðmm sviðum hin siðustu
ár. En það breytir heldur engu um hitt, að fjöldi
fólks sækir heldur lélegar skemmtanir en góðar,
fyrir hið háa gjald.
Einar Sturluson syngur mjög laglega, en á sjálf-
sagt eftir að bæta við sig. Söngskráin reyndi raun-
vemlega lítið á þol hans, en hins vegar nokkuð
á þýðleik.
Robert Abraham lék undir og gerði það vel.
Leikfélag Akraness.
Hinn 13. des. hafði leikfélagið frumsýningu á
leikritinu Lénharði fógeta, eftir Einar H. Kvaran.
Leikfélagið hefur lagt mikið á sig, og kostað
miklu til, i sambandi við þessa sýningu. Það hefir
um lengri tíma — vikulega —- fengið mann úr
Reykjavik til leiðbeininga, Ævar R. Kvaran, sonar-
son skáldsins.
Það má fullyrða, að i þetta sinn hefur verið
jafn-bezt leikið, og gætt óvenjulegs heildarsam-
ræmis í allri meðferð. Sumir leikendumir léku
vel, en engir áberandi illa. Yfirleitt var kunnátta
góð.
LEIKENDUR:
Lénharður fógeti ........ Ragnar Johannesson
Torfi bóndi í Klofa .....Níels Kristmannsson
Helga kona hans ......... SigríSur Ölafsdóttir
Ingólfur bóndi á Selfossi . .SigurSur Símonarson
Guðný dóttir hans ....... Sólrún Ingvadóttir
Magnús Ólafsson ....... Engilbert GuSjónsson
Eysteinn Brandsson úr Mörk . . ÓSinn S. Geirdál
Jón bóndi á Leimbakka ........ Elías Níelsson
Ólafur bóndi í Vatnagarði .... GuSm. Jósefsson
Bjami bóndi á Hellum ......... Ólafur Oddsson
Freysteinn bóndi á Kotströnd . . Hans Jörgensson
Ingigerður ekkja í Hvammi.......Þóra Hjartar
Snjólaug húsfrú á Galtalæk . . Anna Sœmundsd.
Hólm ..................Guðmundur Bjamason.
Hér hefur ekki verið kastað til höndum; ætti
að virða vel þann skilning leikfélagsins og meta
svo, að til uppörvunar yrði, um meiri framfarir.
Slík starfsemi sem þessi, er svo mikilsverð bæjar-
félagi vom, að fremur þarf að efla en eyða.
Verður það bezt gert með almennum skilningi
og sókn á sýningar félagsins. Það er hið bezta gjald
og hin mesta hvatning til vaxandi listþroska.
Takið yður nú enn stærra verkefni fyrir hendur
og leggið við álíka rækt. Það mun færa yður enn
meiri sigur.
Þvottahús Akraness.
Hinn 1. júní s.l. tók hér til starfa fyrirtæki
með þessari yfirskrift. Fmmkvöðlar þessa, og
eigendur eru: Ingvi Guðmonsson og Ásgeir Ás-
geirsson, en sá síðari vinnur þar og hefur umsjón
með rekstrinum.
Þvottahúsið hefur tvær þvottavélar, vindu, fata-
pressu og strauvél. Þar er hægt að þvo og ganga
frá um 140 kg. af þurrum þvotti á dag. Vinnan
mun líka vel og ekki verið kvartað yfir verð-
laginu. Ekki hefur þvottahúsið fengið nóg að gera,
þó hefur því verið sendur þvottur úr Hvalfirði.
Einnig er i ráði að taka nokkum þvott af Reyk-
víkingiun.
Afli og sölur Bjarna Ólafssonar.
11. Söluferð 296.860 kg. £11.856—11— o
12. — 284.160 — - 10.974— 9— 3
‘3- — 238.490 — 4.911— 1— 9*
14. — 241.298 — - 8.477— 6—10
15. — 296.325 — - 11.820— 7— 2
16. —- 267.477 -— - to.630— 2— 9
17. — 280.479 — • 11.618—10— 4
18. — 269.621 — - 10.840— 5— o
Ef til vill hækkar þessi túr litillega vegna upsa,
sem enn hefur ekki verið afreiknaður
Tímaritið Gerpir.
Akranes býður þetta nýja tímarit velkomið i
hópinn. Það er gert með því meiri gleði, sem út
lítur fyrir, — eftir því sem af stað er farið, —
að það ætli að skipa þar virðulegan sess.
Með þessu ágæta riti, em óskir og vonir ritstjóra
Akraness um byggðablöð að byrja að rætast. Það
tekur einarðlega til umræðu mál, sem varða Aust
firðingafjórðung og einnig landið allt. Það er og
samhliða byrjað að skyggnast „um strönd og dal,“
að þvi er snertir lífs og liðið. Það ætlar sér sýni-
lega að verjast ómenningunni, hefja menninguna
og sækja fram í sólarátt.
Fleiri rit með þvi líku yfirbragði þurfa að
bætast í hópinn, unz þau spenna yfir allt landið,
og eggja svo til atlögu, að ómenningu verði ekki
vært. Við skulum halda áfram sem af stað er farið
og fram horfir. Þörfin mun siðar verða viður-
kennd, og þakkað fyrir, að þögn var rofin.
Heilsuvernd.
timarit Náttúmlækningafélags Islands, 3. hefti, 3.
árg., er nýkomið út. Efni ritsins er þetta: Forlög
eða álög eftir ritstjórann, Jónas Kristjánsson, lækni.
Á námskeiði hjá Are Waerland. Nýtt næringar-
efni fundið og Byrjum á byrjuninni, eftir Bjöm L.
Jónsson. Viðtal við Sigurjón á Álafossi um Olym-
píuleikana. Fæðið og tennumar, eftir Gunnar
Dahl, sænskan tannlækni. Tannskemmdir og mat-
aræði. Skipulagsskrá Heilsuhælissjóðs NLFl. —
Uppskriftir, félagsfréttir o. m. fl. Margar myndir
prýða ritið, sem að venju er hið vandaðasta að
öllum frágangi.
Tvö ný blöð.
Fyrir nokkru hóf Alþýðuflokkurinn hér útgáfu
vikublaðs, er hlaut nafnið „Skaginn." Eru komin
út 24 blöð. Ritnefnd skipa: Hálfdán Sveinsson,
Oddur Elli Ásgrímsson og Sveinbjöm Oddsson.
Fyrir síðustu bæjarstjórnarkosningar gaf Sjálf-
stæðisflokkurinn hér út blað, sem þeir kölluðu
„Framtak.“ Hafa þeir nú byrjað útgáfu þess að
nýju. Á það að vera hálfsmánaðarblað. Ritstjóm
skipa þessir menn: Jón Ámason, Guðlaugur Ein-
arsson, Egill Sigurðsson,, Halldór Sigurðsson og
Andrés Níelsson.
Bæði eru blöðin i stóru broti, prentuð á góðan
pappír og eru 4 siður. Enn bera blöð þessi lítt
merki flokksofstækis, hvað sem síðar kann að ske.
Væri vel ef Akumesingar kynnu þar nokkurt hóf
á, svo að öðrum bæjum mætti verða til fyrir-
myndar. Væri ekki hugsanlegt fyrir þessa flokka
að hafa aðeins eitt blað, og gefa það út saman.
Koma sér saman um að gera upp ágreiningsmálin
sitt á hvorri siðu. Verður kostnaður við tvö blöð
ekki ofvaxinn svo fámennum bæ?
134
AKRANES