Almanak Hins íslenska þjóðvinafélags - 01.01.1941, Side 61

íslendingar. Bergur Thorberg og Magnús Stephensen
áttu íslenzka foreldra, voru aldir upp á íslandi og
fengu þar skólagöngu sína, þar til þeir komu í há-
skólann. Hilmar Finsen átti danska móður, en faðir
hans, Jón Finsen, var embættismaður í Danmörku.
Jón var sonur Hannesar Finnssonar biskups i Skál-
holti. Var sú ætt kunn að mannkostum og þjóðholl-
ustu. Hilmar nam lögfræði i Kaupmannahöfn og bar
allmikið á honum i hópi frjálslyndra stúdenta, sem
vildu knýja konung til að gefa dönsku þjóðinni
stjórnfrelsi. Ekki umgeklcst Hilmar þá íslenzka stú-
denta svo að heitið gæti og gat ekki talað íslenzku.
Ríkisstjórnin veitti honum skjótan frama. Var hann
orðinn dómari og héraðshöfðingi i Suður-Jótlandi
26 ára að aldri. Gegndi hann þeim störfum í 14 ár.
Þá tóku Þjóðverjar Suður-Jótland af Dönum. En
meðan barizt var í Suður-Jótlandi, bjó Danakonung-
ur af og til á heimili Hilmars Finsens og var með
þeim góð og mikil kynning. Hilmar Finsen var em-
bættislaus um stund. Danska stjórnin sendi hann
þá sem landsstjóra til Islands. Var honum veitt
stiftamtmannsembættið 1865. Þótti Dönum þetta vel
ráðið. Þeir þurftu að létta Hilmari af biðlaunum.
Hann var af góðri islenzkri ætt, en algerlega mót-
aður af dönskum stjórnarháttum og vináttu konungs.
Tók hann nú að læra íslenzku lijá frænda sinum
Steingrimi skáldi Thorsteinson. Jón Sigurðsson gerði
sér nokkrar vonir um, að Finsen mundi geta haft
áhrif íslandi i vil á baráttuna um innlenda stjórn.
En i þeim efnum varð hann fyrir vonbrigðum.
Danska stjórnin sat við sinn keip og lét ekki undan,
fyrr en þjóðhátíðaráriS. Kom Kristján IX. þá til
íslands með stjórnarbótina. Hilmar Finsen var þá
orðinn landshöfðingi og tók hið bezta móti konungi.
Jóni Sigurðssyni var ekki boðið á þjóðhátíðina.
Munu Danir hafa óttazt að hann mundi skyggja á
konung við hátiðahöldin. Hilmar Finsen stýrði nú
(59)