Almanak Hins íslenska þjóðvinafélags - 01.01.1941, Síða 94

Hér hafa verið dregnar allra yztu línur í mynd
af merkilegu tímabili í sögu islenzku þjóðarinnar. Til
að lýsa hinum mikla gróanda i þjóðlifinu og marg-
breyttu þróun á þessu tímabili, munu sagnfræðingar
seinni tíma rita margar itarlegar bækur. Ef Jón
Sigurðsson mætti nú líta upp úr gröf sinni, þá
mundi honum vafalaust þykja margt miður í fari
og framkomu eftirkomenda sinna, heldur en hann
hefði óskað eftir. En hann mundi jafnframt fá fulla
sönnun þess, sem hann hafði að trúaratriði alla
ævi: íslendingar þurftu að verða frjáls þjóð. Þeir
hafa i öllum aðalatriðum kunnað að fara með frelsið.
Þeir, sem kynna sér nútimakringumstæður þjóðar-
innar, verða að játa, að draumur hins mikla forseta
hefir rætzt. íslendingar eru að vísu minnsta þjóð í
heimi. En þeir unna landi sínu og læra með hverju ári
betur og betur að nota gæði þess. Saga undangeng-
inna 76 ára sýnir, að litil þjóð getur verið frjáls og
myndað sjálfstæða menningu, ef hún fær að njóta
krafta sinna og gæða landsins.
Jónas Jónsson.